AYUP 22:14 - Tanou Moonsoi Timugon

¹⁴ Indoson mu ra pagilayan Nano sinilian ru gaun, paat Io mugar giu' ra balitan ru limbowon am tana' ti.

AYUP 22:14 ပူးပေါင်းရင်းမြစ်များ

AYUP 26:9

Pinasibuni No ngai' bulos ru sila' mapaang kaga', ra talikuron ru gaun ondo' biningkal Nano.

AYUP 34:22

Kolondo' kalandaman ondo' totopot molondom koson mambuni ra ulun makatula.

MAZMUR 33:14

Intor ra panturungan Nano urioon No ngaangai' ondo' minayan ra tana' ti.

MAZMUR 97:2

Linibungan Io ru gaun am kalandaman; namarintaan Nano sumugut ra ukum am katimpakan.

JISAYA 40:22

Io no nanguasa' ra titikop ru tana' ti; namagun ru tana' makito boborok koson ra gapu'. Bilaron No limbowon koson ra konoon, am pabingkalon no koson ra kim ayanin.

JIRIMIA 23:24

Kolondo' sangulun pana makapansibuni intor ra pagilangan Kuno, sabap ra soroi Aku ra ati-ati, giu' ra suruga' am giu' ra tana'.

AMOS 9:6

Binaal ru Tuhan intok ayanan Nano giu' ra limbowon, giu' ra rasawat ru tana' pinaatang No limbowon koson ra bakuran. Piniau No timug intor ra raat, am pinasasar No ra lantur, Tuhan noyo inggalan Nano.