AYUP 21:19 - Tanou Moonsoi Timugon

¹⁹ Kamin, ‘I Aki Kapuuno' mangukum ra anak sabap ra kasalaan ru ama' nano.’ Kaa' kaku, polosoon noyo i Aki Kapuuno' mangukum ra ulun ondo' makasala, maa' raginio makaliman ilo ra inukum ilo ri Aki Kapuuno' sabap ra kasalaan nilo.

AYUP 21:19 ပူးပေါင်းရင်းမြစ်များ

KASAUKAN 4:7

Amon ru nambaal kou ra moonsoi maaru' matakau bulos muno; kaa' nambaal kou ra malaat, ginio boo ra tula muno mamparuku' rirun, kaa' musiti' mu anggalon ginio.”

2 SAMUIL 3:39

Kabalu' pana ra aku ti raja' pinili' ri Aki Kapuuno', kaa' paat orou raiti' makaliman aku ra malawo. Anak-anak ri Jiruya no malaat kaga'. Kalo tumaan aku manguasa' risilo. Polosoon noyo Tuhan mangukum ra ulun-ulun malaat no nontopot ra binaal nilono!”

AYUP 22:24

Patiri' mas muno ondo' kopoyo toojo; patiri' mas muno ra lonor ru sungoi ondo' kolondo' boo timug.

MAZMUR 54:5

Ulun malilimbau matong mamulunsar raki', ulun mapuka' masaga' mamatoi raki', kalo malaa' ilo ri Aki Kapuuno'.

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

JISAYA 14:21

Pangingguluan patalimpuunon noyo. Ngaangai' anak ru raja' ti matoi sabap ra tula ru kinamatuaan nilai. Kolondo' sangulun pana risilo makapamarinta ra tana' ti kapoam mambaal ra bandar-bandar.”

JIRIMIA 31:29

Paat raginio kalo boo mindagu ulun, ‘Matuo mangakan ra kawa' ru anggur mataris, kaa' anak-anak ondo' makaliman ra maangil.’

YEHEZKIEL 18:14

“Raino amon ru ulun ondo' nambaal ra masuang kalaatan ti mokoondo' sangulun anak ungkuyon, am anak no nakakito ra ngaangai' tula ru ama' nano kaa' kalo timinilu riso.

YEHEZKIEL 18:2

“Atan kia panginuuyan ondo' sasabiton ru ulun giu' ra pagun ru Israil? ‘Ina' am ama' mangakan ra anggur mataris, kaa' anak ondo' maangil ripon.’ ”

MALIAKI 3:18

Ulun Kuno makakito poyo ra pansuayan ru pupus ru ulun moonsoi am pupus ru ulun malaat, ulun ondo' mangandoi ayuk Raki' am ondo' kalo.”

UNTABAN 14:18

‘Aku Tuhan, kalo mataki' sumangit. Mapakito Aku ra togom am gagaya' Kuno ondo' maayo. Mangampun Aku ra ulun ondo' makatula am ondo' manggal Raki'. Kabalu' pana raginio, tula ru matuo balasin Ku ra anak akupu nilo, saboi ra papag ondo' katalu am kaapat.’

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

SAGULION 32:34

“Mangkara' Tuhan ra binaal ru pantula' ru ulun Nano; maginaa Io ra paat ondo' motopot koson mangukum risilo.

SAGULION 32:41

ra mangasa' Aku ra ilang Kuno ondo' manguliat, am mapaugar ra pangukuman. Mansuli' Aku ra pantula' Kuno, am mangukum ra ulun ondo' masisang Raki'.

2 TIMOTIUS 4:14

I Aliksandir ondo' manukang ra basi' no, masuang kalaatan nano raki'. Kaa' Tuhan mambalos riso maya' ra kalaatan ondo' binaal nano.

PINAINTALANG 18:6

Baalo' noyo risilo maya' ra binaal nilo ramuyun; balasi' noyo ra suang mainduaan ra ngaangai' binaal nilo. Suangi' noyo sangkir nilo ra inumon ondo' mainduaan bisa' intor ra inumon ondo' pinasulung nilo ramuyun.