AYUP 2:13 - Tanou Moonsoi Timugon

¹³ Ilo pana panturung boo ra tana' nababaya' ri Ayup buoi katuluan ra orou am katuluan ra rondom ra kalo mindagu ra rondo' ragu pana sabap ra nakapandai ilo ra mapara' bagat ru kaimbalaan ri Ayup.

AYUP 2:13 ပူးပေါင်းရင်းမြစ်များ

KASAUKAN 50:10

Pakasaboi ilo ra intok mangagik ra gandum giu' ra Atad, tampilon sirangon ru Sungoi Jordan, panulaboi ilo ra mangiluk am bolos matangil. Paugaro' ri Jusup kaulayan mangulir buoi katuluan.

YEHEZKIEL 3:15

Pakasaboi aku boo giu' ra Til-Abib giu' ra kiing ru Sungoi Kibar, intok inayanan ru ulun pinatiran. Buoi tulu' ngoorou aku minayan ra giu' no, am nakasioro' sabap ra ngaangai' ondo' nakito ku noyo am norongog ku noyo.

NIGIMIA 1:4

Pokorongog aku ra ngaangai' no, panturung aku am pantangi'. Kukula' ngoorou buoi ra aku nanulaboi am kalo nangakan ra atan pana. Pakiasi' aku ri Aki Kapuuno',

JISAYA 3:26

Kulobon garabang ru bandar, ulun mangulir am manulaboi, am bandar raginio masauk koson ra ruandu' linabasan, ondo' nanturung ra tana'.

MAZMUR 77:4

Bulintok ra aku makakara' ri Aki Kapuuno', mampalaa aku; bulintok ra aku mongoror, kolondo' boo patiguang ku.

AYUP 4:2

“Ayup, sumangit kou kia amon mindagu aku? Kalo boo mokoorot aku ra mongkoror ti.

KASAUKAN 1:8

Inggalani' No pambakuran no “limbowon”. Kopongo molondom, masauk boo susuab. Ginio noyo orou ondo' karuo.

KASAUKAN 1:5

Inggalani' No sinda no “matawang” am molondom no “rondom”. Kopongo molondom, masauk boo susuab. Ginio noyo orou ondo' kasaa'.

IJRA 9:3

Pokorongog aku ra baal raginio, rinilak ku bayang sabap ra mangiluk toojo guang. Kinaur ku abuk am jangut, am panturung ra guang natutuk.

JISAYA 47:1

Mindagu Tuhan, “Okou Babil, tuun intor ra turungan muno, am panturung noyo ra rasawat ru kaau, Okou kalo boo mantalur am makabunduk ra guang koson ra galing i.

AYUP 3:1

Pupus no, tumalimpuun i Ayup mindagu am magulas ra orou io inanak am mindagu,

SULABOI 2:10

Ulun matutuo giu' ra Jirusalim nanturung mongkoror ra tana', kaau pinatauk ra ulu am nambayang ra konoon karung. Ralaa-ralaa nampakuku' ra ulu saboi ra tana'.