AYUP 19:26 - Tanou Moonsoi Timugon

²⁶ Kabalu' pana kungkung kuno nakai' akano' ru maruol, kaa' makakito aku ri Aki Kapuuno' buoi ra aku makainan.

AYUP 19:26 ပူးပေါင်းရင်းမြစ်များ

MAZMUR 16:11

Tinuluan Mu aku ra ralan kaayagan; rinatangan Muno mapakaantak raki', am magail ayuk mapabansuk raki'.

MAZMUR 16:9

Ginio boo ra guang kuno mongompor am maansukan, am naayag aku,

MAZMUR 17:15

Magilong aku Rirun sabap ra kolondo' sala kuno; bulintok ra aku makarat, ratangan Muno makaantak ra guang kuno.

MATIUS 5:8

Pakaansuk noyo ulun ondo' mapasau guang, sabap ra makakito ilo ri Aki Kapuuno'.

1 KORINTUS 13:12

Atan ondo' kapandayan takau raino am koson ra asilan ru saramin ondo' kalo makito toojo. Kaa' tauli no makakito takau toojo. Raino ti kalo mapandayan ku ngaangai', kaa' tauli no mapandayan ku boo ngaangai', mogondo' ri Aki Kapuuno' ondo' makapandai ra ngaangai' baal ru kaayagan kuno.

1 KORINTUS 15:53

Ginio ra inan takau ra mapandai mapuso ti musiti' aligin ra inan ondo' kalo mapandai mapuso.

PILIPI 3:21

Sabap ra paat ra ratangan saguli' Nano, inan takati ondo' malawo am mapuso ti, kulawon No sumauk ra baguon mogondo' koson Riso. Mabaal No ginio sabap ra Io mokoondo' ra kuasa' ondo' mapatinduku' ra ngaangai' no Riso.

1 JUANIS 3:2

Pabukat kau ngaangai' ondo' tagamin ku! Itakau raino ti anak ri Aki Kapuuno'. Kaa' kalo poyo natutunan toojo atan masauk ritakau ra tauli no. Kaa' nakapandai takau, paat i Jisus Kristus matong saguli', masauk takau koson Riso, sabap ra itakau makakito ra baal ru inan Nano toojo.

PINAINTALANG 1:7

Ilai', matong Io intor ra limbowon! Ngaangai' ulun makakito Riso, am niayuk ilo ondo' nanura' Riso i. Ngaangai' bansa' ru tana' ti mantatangi' sabap ra ondo' binaal Riso i. Sotopot no ginio noyo! Amin.