I Aki Kapuuno' Ondo' Maayo Kaga' Kuasa' namanah raki', am tuwo nano siminabak ra ngaangai' ru inan kutu. Namulunsar i Aki Kapuuno' raki' koson ra pulalai ru pantula', aku pana malaa' kaga'.
Moonong susuab ti karaat lumumpa' ramuyun, am orou rondom akau mansaan raginio. Monontol kau malaa' bulintok ra akau makarati' ra tanou ri Aki Kapuuno'.
Gaawo' ngaangai' kim am tinambiag nilo, tabir ru kim am atan ayuk ondo' soroi giu' ralalom ru kim. Gaawo' unta nilo am balai' ilo, ‘Tontol liminiput ramuyun!’
Ginio sabap ra nakapandai akai atan arati' malaa' ra Tuhan, am ginio ra mapaintopot akai ra ulun. Guang mai napandayan toojo ri Aki Kapuuno', am malansan aku ra akau pana makatutun toojo ramon.