AYUP 16:4 - Tanou Moonsoi Timugon

⁴ Amon ru akau ti aku, am aku ti boo akau, aku pana makaindagu koson raginio. Mampaliur aku ramuyun ra ragu; am mamisik ra ulu.

AYUP 16:4 ပူးပေါင်းရင်းမြစ်များ

2 RAJA'-RAJA' 19:21

Koon raginio ragu ru Tuhan, “Bandar ru Jirusalim nakakurit am nagasab rirun, okou Sanirib.

AYUP 11:2

“Kolondo' kia osoi pana masaga' tumaam ra ngaangai' ragu kolondo' onong no? Maalap kia ulun no iowon ra ragu ondo' masuang no?

AYUP 16:5

Paikangon takamin ra bilin kuno, am marayus mindagu koson mangansuk ramuyun.

AYUP 35:16

Kolondo' onong ra okou marayus mindagu; nakito toojo raino ra kalo nakapandai kou ra rinagu muno.

AYUP 6:14

Paat ra kapaganan koson ragitio, mompogogot aku ra rangan ondo' motopot, tawa ru lakat aku poyo gumagaya' ri Aki Kapuuno' kapoam nangiruan noyo Riso.

MAZMUR 109:25

Paat ra aku makito ru ulun, mangiis ilo raki'; sapipisik ilo saboi liliwa' magasab raki'.

MAZMUR 22:7

Kaa' aku ti ulor am sala' ka ulun, ondo' asasabin am ulalason ru ulun.

MAZMUR 22:8

Ngaangai' ulun magilong raki' manganja' raki'; mangundilai am pampisikon nilo ulu.

MAZMUR 44:14

Sinauk Mu akai ra asasabin ru sambalayan mai; manauyu' ilo am makakurit ramon.

AMSAL 10:19

Masuang poyo raguon, maaru' mangkinibit ra masuang tula. Ulun mapintar totomolon ayuk ra mindagu.

MAMPATANOU 10:14

Ulun kalo matanda' mindagu kalo makakai'. Kolondo' sangulun pana makapandai ra baal ondo' masauk ra orou rumatong, am kolondo' sangulun pana mambala' ritakau ra baal ondo' masauk malupus ra itakau matoi.

JISAYA 37:22

Gitio noyo ragu ru Tuhan, “Bandar Jirusalim mangiis am niayuk magasab rirun, okou Sanirib.

JIRIMIA 18:16

Sinauk nilo pagun ti ra intok makalalaa', saboi nasauk ra pangiisan ra sabubuoi no. Ngaangai' ulun ondo' mansail ra pagun ti makatigog magilong raginio, malaa' ilo am mamisik ra ulu.

JIRIMIA 48:27

Okou Moab, nakara' mu kia ragili kinuritan mu ulun ru Israil am sinimbaalan ilo ra ragu ilain koson ra narakop ra narampatan nababaya' ra ulun mantakou?

SULABOI 2:15

Ngaangai' ulun ondo' nansail ra bandar muno magasab rirun. Ulu nilo pisik-pisik am makakurit magilong ra Jirusalim nalunsai. Nangkuot ilo, “Gitio kia bandar ondo' sabiton ra moonsoi kaga' am nasauk ra kalimbawan nilo?”

JIPANYA 2:15

Ginio noyo ondo' masauk ra bandar ondo' noloos maansukan am ondo' mangkara' ra inan nano makakaansayan. Mamagun nano mangkara' ra bandar nilo noyo bandar ondo' maayo kaga' ra tana' ti. Mapara' siluk no ru libung no, kolondo' ulun minayan ra intok no ondo' ayuk am bibiag ru kataunan ondo' makabunsut ra giu' no! Moonong ulun ondo' mansail giu' ra bandar no magasab riso am makaliman ra malaa'.

MATIUS 7:12

“Baalo' min noyo ra ulun ra bokon, atan ondo' kasagaan min ilo mambaal ramuyun. Gitio noyo suang ru Ukum ri Musa am pangilaan ru nabi-nabi.”

ROMA 12:15

Baya' kano pakaansuk risilo ondo' maansukan, am baya' kano pantangi' risilo ondo' mangiluk guang.

1 KORINTUS 12:26

Amon ru rondo' tayar maimbolo', ngaangai' tayar ra bokon pana makaaya' kaimbolo'. Amon ru rondo' tayar omporon, ngaangai' tayar ra bokon no pana makaaya' pakaansuk.