AYUP 16:19 - Tanou Moonsoi Timugon

¹⁹ Mokoondo' Manaung raki' giu' ra suruga' ondo' mangani' ra sasi' ra kolondo' tula kuno.

AYUP 16:19 ပူးပေါင်းရင်းမြစ်များ

KASAUKAN 31:50

Indagu poyo ri Laban, “Amon ru lumaat kou ra anak-anak kuno kapoam manangandu' kou poyo ra bokon, kabalu' pana ra kolondo' makapandai, karaa' noyo ra i Aki Kapuuno' no magalung rito.

AYUP 16:18

Okou tana' ti, kalaatan raki' pai' sibunio'. Pai' pongkororo' golok kuno makitaak ra katimpakan.

AYUP 19:25

Kaa' nakapandai aku ra giu' ra suruga' mokoondo' Mamamayag raki'; pupus nano matong Io mangindangan raki'.

AYUP 25:2

“I Aki Kapuuno' totopot makakuasa'; ngaangai' ulun musiti' malaa' Riso; Magalung io ra kaansayan ralalom ru pamarintaan Nano giu' ra suruga'.

AYUP 31:2

Atan kia baalon ri Aki Kapuuno' Ondo' Maayo Kaga' Kuasa' ritakau? Ati kulaan kia Io mambalos ra baalon ru ulun?

MAZMUR 113:5

Kolondo' osoi pana koson ra Tuhan, i Aki Kapuuno' takau; panturungan Nano giu' ra intok masawat,

MAZMUR 148:1

Omporo' noyo Tuhan! Omporo' noyo Tuhan, akau ngaangai' suang ru suruga', akau ondo' minayan ra intok masawat.

MAZMUR 89:37

Mansusugul papag nano, am alungin Ku pamarintaan nano buoi ru mato ru orou soroi.

ROMA 1:9

I Aki Kapuuno' noyo sasi' ra atan ondo' raguon kutu motopot. Io no i Aki Kapuuno' ondo' pangandayan kuno ra sotopot-topot ru guang ra mampasaboi ra Tanou Moonsoi intor ra Anak Nano. Moonong ra aku makiasi' karaan takamin am makitaak ri Aki Kapuuno' ra poongoyon No aku ramuyun maya' ra kasagaan Nano.

ROMA 9:1

Ondo' raguon kutu motopot; siminimpung aku ri Kristus am kalo magabau aku. Bolos ru guang kuno ondo' kinuasa' ru Ambiluo ri Aki Kapuuno' mampainono' ra kalo magabau aku.

2 KORINTUS 1:23

I Aki Kapuuno' noyo toojo sasi' kuno am makapandai Io ra ngaangai' suang ru guang kuno! Kalo nasugut ku mongoi ra Korintus, sabap ra makara' ku ginio mampakaruol ra guang min.

2 KORINTUS 11:31

I Aki Kapuuno', Ama' ru Tuhan Jisus, nakapandai ra kalo magabau aku. Koompor inggalan Nano ra sabuoi-buoi no.

PILIPI 1:8

I Aki Kapuuno' noyo sasi' ra totopot moondom aku toojo ramuyun mabaya' ra togom ru guang ri Jisus Kristus galama'.

1 TISALONIKA 2:10

Akau no sasi' mai, am koson niayuk i Aki Kapuuno', ra mapasau, mabanis am matanda' paliso mai ramuyun ondo' nangintopot noyo ri Kristus.

1 TISALONIKA 2:5

Akau galama' nakapandai ra kalo igogondo' akai mindagu ra ragu mampagamis koson mambuni ra guang maringkumaa'. I Aki Kapuuno' galama' sasi' mai!

1 SAMUIL 12:5

Ginio ra indagu i Samuil, “Polosoon noyo Tuhan am raja' ondo' pinili' Nano masauk ra sasi' ra orou raiti' ra koon min ra kolondo' ra sanganu pana sala kuno.” Taam ilo, “Iou motopot. Tuhan no nasauk ra sasi' takau.”