AYUP 16:13 - Tanou Moonsoi Timugon

¹³ Kolondo' guang makaasi' Nano namanah raki' intor ra ngaangai' intok, saboi napilat am natagu' aku.

AYUP 16:13 ပူးပေါင်းရင်းမြစ်များ

KASAUKAN 49:23

Pantula' nano mamulunsar riso ra masangit am mangilou riso ra panah.

AYUP 19:12

Nangator Io ra saujor Nano koson mamulunsar raki'; nongompong ilo ra ralan kuno am nagawang ra kim kuno.

AYUP 19:27

Makakito aku Riso ra mato kuno galama', am Io sala' ka boo bokon raki'. Guang kuno natutuk sabap ra mindagu kau,

AYUP 20:25

Anak panah mansabut ra inan nilo; pompor ru panah ondo' manguliat mopoposok ra raraa' nilo, am malaa' rumondon ra guang nilo.

AYUP 25:3

Mauntob kia ru osoi pana malaikat ondo' mangandoi Riso? Mokoondo' kia ra intok ondo' kalo nasilau ru sinda Nano?

AYUP 6:10

tumindak aku maansukan, kabalu' pana marualan aku kaga'. Nakapandai aku ra matulai i Aki Kapuuno'; kalo igondo' aku anggal ra susuban Nano.

AYUP 6:4

I Aki Kapuuno' Ondo' Maayo Kaga' Kuasa' namanah raki', am tuwo nano siminabak ra ngaangai' ru inan kutu. Namulunsar i Aki Kapuuno' raki' koson ra pulalai ru pantula', aku pana malaa' kaga'.

SULABOI 2:11

Minangkut mato kuno sabap ra nantangi' ra kalo lumonggo'; saliguor kuno totopot naupus. Natutuk guang kuno nakakito ra kapusaan ru bansa' kuno, nakakito ra lalaing am lalagang nalausan giu' ra ralan ru bandar.

SULABOI 2:4

Patumaan no panah ra tampilon takau ilain koson itakau ti pantula' Nano; Potoyon No ngaangai' ulun ondo' nasauk ra kasagaan am mapabansuk ra guang takau. Giu' ra bandar Jirusalim makaliman takau ra apui ru sangit Nano.

SULABOI 3:11

Nangilou Io raki' saboi aku liminisang ra ralan, am bininsang aku am iniruanan aku.

SULABOI 3:13

Anak panah Nano nansabut ra inan kuno, saboi nakatujok ra pusu' kuno.

YEHEZKIEL 5:11

“Aku noyo i Aki Kapuuno' ondo' maayag, Tuhan Raja', am gitio no ragu Kutu: Sabap ra jinamalan mu Baloi Kuno ra baal malaat am makauyuyu', umokon Tokou ra kalo makaasi'.

ROMA 8:32

Kalo iningaan ri Aki Kapuuno' Anak Nano galama', kaa' pinoloso No Io potoyon koson ra kaatangan takau. Amon ru pinataak No Anak Nano ritakau, maaru' mangani' Io poyo ritakau ngaangai' ra bokon.

SAGULION 29:20

Kalo mangampun Tuhan ra ulun koson raginio. Kaa' sangit ru Tuhan ondo' bibilak mangumpo ra ulun no, am ngaangai' karaat ondo' natulisan ralalom ru kitab ti makalumpa' riso saboi mamuso Tuhan lingon riso.

2 PITRUS 2:5

Koson niayuk ra ulun malaat ra galing i, kalo pinoloso ri Aki Kapuuno'. Paat ragili namparatong Io boo ra rosob maayo risilo. I Nuu ayuk am poyo tulu' ngaulun ra bokon ondo' binayag, sabap ra io noyo ondo' napatanou ra katapatan ri Aki Kapuuno'.