AYUP 15:4 - Tanou Moonsoi Timugon

⁴ Kinapalo mu guang ru ulun ondo' malaa' ri Aki kapuuno'; inompong mu ilo makiasi' Riso.

AYUP 15:4 ပူးပေါင်းရင်းမြစ်များ

AYUP 15:3

Kolondo' ulun mapintar mindagu koson rirun, kapoam manaung ra inan nano ra ragu-ragu ondo' kolondo' arati'.

AYUP 15:5

Ragu-ragu muno mapainono' ra makasala kou, kaa' kalaatan muno tinauban mu ra ragu-ragu mamparuung.

AYUP 27:10

Musiti' ilo gumogot ra katasuan intor ri Aki Kapuuno', am musiti' ilo masalok makiasi' Riso.

AYUP 5:8

Amon ru soroi aku ralalom ru baal mino, gumolok aku ri Aki Kapuuno', Io no pakisaungan kuno, am pataakon baal kuno.

AYUP 6:14

Paat ra kapaganan koson ragitio, mompogogot aku ra rangan ondo' motopot, tawa ru lakat aku poyo gumagaya' ri Aki Kapuuno' kapoam nangiruan noyo Riso.

MAZMUR 119:126

Nasaboi noyo bulintok ra Okou mapaliman, iou Tuhan, sabap ra ulun kalo gumagaya' ra panusuban Muno.

GOSIA 7:14

Kalo makiasi' ilo Raki' ra mabanis guang. Kaa' mampas ilo ra intok kaalangan am manulaboi koson ra binaal ru ulun ondo' kalo makaulig Raki'. Paat ra ilo makiasi' makitaak ra gandum am wain, pilaton nilo inan koson ra binaal ru ulun ondo' sumamba ra sinungkalalaing. Minanggal ilo Raki'!

AMOS 6:10

Sangulun pabukat no, ondo' pinalansanan manalingapu ra pampalabangan ru ulun ondo' minatoi, matong koson ibiton mingkual baangkai ru pabukat nano. Mampiau io ra ulun ondo' soroi giu' ra ralalom ru baloi no, “Mokoondo' osoi kia poyo ondo' lakat poyo naayag suai ramuyun?” Taam ondo' morongog, “Kolondo'!” Pabukat no pana mindagu boo, “Pai' no boo indagu! Kalo iowon takau manabit ra inggalan ru Tuhan.”

JIPANYA 1:6

Pusoon Ku ulun ondo' nangiruan noyo Raki' am kalo boo maya' Raki'; ilo ondo' kalo matong Raki' am kalo makitulu' intor Raki'.”

LUKAS 18:1

Pantunung boo i Jisus ra abig ragitio koson mangila' ra maamaya' Nano maa' raginio kalo lumonggo' makiasi'.

ROMA 3:31

Motopot kia sabap ra pangintapatan takau ri Kristus Ukum ri Musa no patirin boo? Maaru' kalo! Sotopot no mangurumat takau ra Ukum ri Musa no.

GALATIA 2:21

Kalo noyo lilianin ku asi' ri Aki Kapuuno' ti. Amon ru sasangulun no mobonsoi saguli' ri Aki Kapuuno' sumugut ra Ukum ri Musa, arati' no pinatayan ri Kristus i kolondo' noyo onong!