AYUP 12:10 - Tanou Moonsoi Timugon

¹⁰ I Aki Kapuuno' makakuasa' ra kaayagan ru ilo ondo' maayag inangun Nano; painawo ru moonong ulun ralalom kalindu' ri Aki Kapuuno'.

AYUP 12:10 ပူးပေါင်းရင်းမြစ်များ

KASAUKAN 2:7

Alap boo Tuhan i Aki Kapuuno' ra sanganu tana' am pambaal Io ra ulun am sampuyo' boo ra painawo ondo' mapakaayag ralalom luang ru arung no; am ulun no maayag boo.

KASAUKAN 6:17

Mopongo raginio porotongon Ku rosob koson mapaluus ra ngaangai' ondo' maayag ra tana' ti,

AYUP 27:3

magibot aku: Buoi ri Aki Kapuuno' mangani' raki' ra paminawo, buoi ru painawo kuno soroi ra inan kuno,

AYUP 27:8

Atan kia kalansanan ru ulun malaat paat ri Aki Kapuuno' mangalap ra painawo nilo?

AYUP 33:4

Ambiluo ri Aki Kapuuno' namangun raki', am paminawo ru Io Ondo' Maayo kaga' Kuasa' mampakaayag raki'.

MAZMUR 104:29

Bulintok ra okou manululit, ilo ondo' maayag ra binangun Muno malaa'; amon sagulion Mu paminawo Muno, ngaangai' no mapuso, am sumaguli' ra tana', masauk saguli' ra kaau.

MAZMUR 104:30

Kaa' paat ra Okou manaak ra pamainawo, ngaangai' no maayag; nanaak Kou ra kaayagan bagu ra tana' ti.

MAMPATANOU 9:1

Lair noyo aku mangkara' ra baal raginio saboi malandom toojo, am napandayan ku ra i Aki Kapuuno' nanguasa' ra ngaangai' binaal ru ulun mapintar am ulun moonsoi, am poyo amon ru ilo motogom am masisang ra ulun. Kolondo' sasangulun pana makapandai ra baal ondo' masauk paat ra orou rumatong.

JISAYA 42:5

Tuhan i Aki Kapuuno' namangun am napabingkal ra limbowon; binangun No tana' am niayuk nansalinut naayag ra rasawat nano; Manaak io ra painawo ra ulun. Ragino i Aki Kapuuno' mindagu ra ulipon Nano,

JISAYA 57:16

Aku noyo napaayag ra ulun Kuno. Kalo rayusin Ku manguu' risilo, am kalo masalok sumangit risilo.

DANIL 5:23

Minanggal kou ra Tuhan panguasa' giu' ra suruga'. Pinakai mu mangkuk-mangkuk ondo' inalap intor ra Baloi ru Tuhan. Okou raja', ulun mangaatang muno, ngaangai' andu' am ruandu' parulug muno nanginum noyo ra wain intor ra mangkuk-mangkuk no, am niayuk nongompor ra dewa-dewa ondo' binaal intor ra mas, pirok, gangsa', basi', tataun am batu – dewa-dewa ondo' kalo makakito, kapoam mokorongog, kapoam makapandai ra atan-atan. Kalo nangurumat kou ri Aki Kapuuno' ondo' makakuasa' mangaru' ra okou no maayag kapoam matoi, am ondo' nanguasa' ra ngaangai' binaal muno.

UNTABAN 16:22

Kaa' kubu i Musa am i Arun am indagu, “Iou Aki Kapuuno', Okou noyo puun ru kaayagan ra ngaangai' ondo' maayag. Amon ru sangulun ayuk makatula, sumangit Kou kia ra ngaangai' ulun?”

JUANIS 3:6

Lalagang anakon ru ulun, kaa' ulun anakon saguli' ru Ambiluo ri Aki Kapuuno'.

RINALATAN 17:25

Mokoondo' Io no ngaangai' am kalo pana indanganon ru ulun. Kaa' Io ondo' nangani' ra ngaangai' ulun ra painawo am kaayagan am atan-atan ayuk.

RINALATAN 17:28

Sabap ra kon ru ulun, ‘Maayag am mugar takau am soroi ra tana' ti sabap ra kuasa' Nano.’ Mogondo' niayuk ra kukula' lulupot mino, konilo, ‘Itakau ti ngaangai' anak Nano.’