AYUP 11:7 - Tanou Moonsoi Timugon

⁷ Makarati' kou kia ra baal-baal ondo' malandom intor ri Aki Kapuuno'? Matutunan mu kia polos ru katulayan ru Io Ondo' Maayo Kaga' Kuasa'?

AYUP 11:7 ပူးပေါင်းရင်းမြစ်များ

AYUP 22:12

Kalo kia minayan i Aki Kapuuno' giu' ra suruga' ondo' masawat kaga', am maginduku' ra ragana', ra butitin-butitin ondo' masawat kaga'?

AYUP 26:14

Kaa' ginio tatandu' ayuk ru kuasa' Nano, mongkonos ayuk morongog takau. Kolondo' osoi pana makapandai ra mapara' piboo kinatulai ri Aki Kapuuno'.”

AYUP 27:11

Polosoo' aku mangila' ramuyun mapara' kinaayo ru kuasa' ri Aki Kapuuno', am sailon ku toojo ragu ra inatangan ri Aki Kapuuno' Ondo' Maayo Kaga' Kuasa'.

AYUP 33:12

Okou Ayup, pampaguangan muno totopot sala. I Aki Kapuuno' maayo poyo intor ra ulun.

AYUP 33:13

Kua panguu' kou ri Aki Kapuuno' am mindagu ra kalo igondo' Io taam ra paraguon ru ulun?

AYUP 35:5

Pagilong ra limbowon am imansaa' mapara' kinasawat ru gaun.

AYUP 36:26

Kalo makapandai takau ra katulayan ri Aki Kapuuno' ra sotopot no, kapoam manguntob ra suang ru bilor Nano.

AYUP 37:23

Totopot maayo kuasa' ri Aki Kapuuno' saboi itakau kalo makainggaar Riso; Io mabanis guang am matimpok ra ulun.

AYUP 37:5

Nabaya' ra susuban ri Aki Kapuuno', baal makaimuag nasauk, baal ra maayo ondo' kalo maratian takau.

AYUP 42:3

Mangkuot Kou ra sasaban kuno ra baani pagantangan guang ra kapintaran Muno, alika kolondo' atan pana napandayan kuno. Mindagu aku intor ra baal ondo' kalo naratian kuno, intor ra baal-baal ondo' makaimuag kaga' raki' ti.

AYUP 5:9

Kalo makarati' takau ra binaal maayo ri Aki Kapuuno', am kaimuagan Nano kalo mauntob.

MAZMUR 139:6

Malandom toojo napandayan Muno ra inan kuno; kalo makangkou ru pangkaraan kuno.

MAZMUR 145:3

Tuhan no matulai am maaya' omporon toojo, katulayan Nano kalo maratian takau.

MAZMUR 77:19

Tingkalur gogolon, timpalak makapiat, tana' mauyog am mogonggon.

AMSAL 30:4

Osoi kia nakaili' nagaloi am timinuun ra suruga'? Osoi kia nakaili' nompogonggom ra angin, kapoam mompolopot ra timug no ra konoon, kapoam mangaru' ra balitan-balitan ru tana' ti? Osoi kia inggalan nano, am osoi kia anak nano? Maaru' nakapandai kou.

MAMPATANOU 3:11

Io noyo nangaru' ra paat ondo' motopot toojo ra ngaangai' baal. Io niayuk ondo' nangani' ritakau ra kasagaan koson makapandai ra paat orou rumatong, kaa' kalo nangani' Io ra karatian intor ra ngaangai' binaal Nano intor ra talimpuun saboi ra pupus.

MAMPATANOU 7:24

Atan koson sasangulun no makapandai ra arati' ru kaayagan? Baal raginio malandom kaga' am mapagon kaga' aration.

JISAYA 40:28

Kalo kia nakapandai kou? Kalo poyo kia nokorongog kou? Tuhan iono i Aki Kapuuno' ondo' mantilayun; Io no namangun ra titikop ru tana' ti. Kalo igondo' Io kaagui kapoam boboon. Kolondo' osoi-osoi pana makapandai ra pangkaraan Nano.

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

ROMA 11:33

Mumpara' boo susuang ru asi' ri Aki Kapuuno'! Mumpara' boo kinatanda' ru kapintaran am kapandayan Nano! Kolondo' sangulun makarati' ra inaru' Nano. Am kolondo' makapandai ra kokondoyon Nano.

1 KORINTUS 2:10

Kaa' ondo' kalo igondo' pinabala' raginio pinabala' noyo ri Aki Kapuuno' ritakau ralalom ru Ambiluo Nano. Ngaangai' imumuyin toojo ru Ambiluo ri Aki Kapuuno', suku' ra kasagaan ru guang ri Aki Kapuuno' ondo' nabuni toojo no pana.

1 KORINTUS 2:16

Koson tinulisan ra Buuk Kitab, “Osoi kia makatutun ra guang ri Aki Kapuuno'? Osoi kia makapangila' Riso?” Kaa' pangkaraan takati mogondo' ri Kristus.

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.