AYUP 11:11 - Tanou Moonsoi Timugon

¹¹ Nakapandai i Aki Kapuuno' ra ulun ra ati kolondo' onong; nakito No ngaangai' binaal malaat nilo.

AYUP 11:11 ပူးပေါင်းရင်းမြစ်များ

AYUP 24:23

Maaru' i Aki Kapuuno' mompoloso risilo maayag ra moonsoi, kaa' tainuin No ilo ra kalo lalanggain.

AYUP 28:24

sabap ra makakito Io saboi ra pompor ru tana' ti, makakito ra ngaangai' ondo' soroi giu' ra ragana' ru limbowon.

AYUP 31:4

Nakapandai i Aki Kapuuno' ra ngaangai' binaal kuno; Makakito Io ra moonong tumpang kuno.

MAZMUR 10:11

Pangkaraan ru ulun malaat, “I Aki Kapuuno' kalo mampalio! Kinorom ri Aki Kapuuno' mato Nano am kalo makakito ramon!”

MAZMUR 10:14

Kaa' Okou makakito; ilain Mu kapaganan am kaimbalaan ru ulun, am magail makatampos mangindangan risilo. Ulun ondo' lamuoi pasubakon nilo inan nilono Rirun, sabap ra masalok Kou mangindangan ra ulun ondo' makakapaganan.

MAZMUR 33:13

Manginduku' Tuhan intor ra suruga', am magilong ra ngaangai' ulun.

MAZMUR 35:22

Kaa' Okou, iou Tuhan, nakapandai ra baal ragitio. Sabap raginio, pai' nokon pongkoror, pai' no inggalur!

MAZMUR 94:11

Mapandayan ru Tuhan atan ondo' pangkaraan ru ulun; mapandayan No ra ngaangai' no kolondo' ampos.

MAMPATANOU 5:8

Raja' pana malansan ra ampos kinumos.

GOSIA 7:2

Kalo igondo' ra pangkaran nilo ra mangkara' Aku ra ngaangai' binaal malaat no. Linibungan ilo ru tula saboi makito Ku toojo.”

ABAKUK 1:13

Kaa' ati kulaan Kou tumaan guang magilong ra ulun ondo' malaat kaga' koson risilo? Okou matulai kaga' koson magilong ra kalaatan; Okou kalo tumaan guang ra ulun ondo' mambaal ra kasalaan. Kaa' kua pongkoror Kou paat ulun Babilonia mamuso ra ulun ondo' kalo malaat koson risilo?

IBRANI 4:13

Kolondo' atan-atan inangun ri Aki Kapuuno' makasibuni intor Riso, sabap ra ngaangai' maukab am makito Nano. Am ri Aki Kapuuno' niayuk musiti' takau mangakun ra ngaangai' ondo' binaal takau.

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.