AYUP 10:21 - Tanou Moonsoi Timugon

²¹ Kalo boo mabuoi mugar aku am kalo sumaguli', mongoi ra intok ondo' molondom am matuong kaga';

AYUP 10:21 ပူးပေါင်းရင်းမြစ်များ

AYUP 3:5

Sauko' noyo orou raginio malaut, am matikop ru kalandaman; taubi' orou raginio ra gaun, am silii' sinda mato ru orou.

2 SAMUIL 12:23

Kaa' raino, kalupus io minatoi, atan kia onong no ra aku rumayus mampali? Mabayag ku kia io saguli'? Maagu no mokoongoi aku niayuk ra intok nano, kaa' raino kalo sumaguli' io raki'.”

MAZMUR 23:4

Kabalu' pana mansail aku ra intok ondo' mapiot kinolondom, kalo malaa' aku, iou Tuhan, sabap ra Okou mabaya' raki'. Manindung Kou raki' ra jujuga' am niayuk lalapos Muno.

AYUP 16:22

Bilor-bilor kuno kalo boo masuang, mugar aku am kalo boo sumaguli'.”

2 SAMUIL 14:14

Matoi takau ngaangai'; itakau ti koson ra timug ondo' nasasar ra tana' am kalo maalap boo katimung. I Aki Kapuuno' pana kalo boo mamayag saguli' ra ulun ondo' minatoi, kaa' kalo ra kalo mapiratan mu maa' raginio ulun inimpayan no makauli' poyo.

JIRIMIA 2:6

Kalo mampalio ilo Raki', kabalu' pana binayag Ku ilo intor ra Misir am naningganai risilo nansail ra tana' kaagisan: tana' kolondo' tutuu' am bulur ru agis, tana' mapua' am makalalaa', tana' kolondo' ulun namagun am kolondo' ulun mansail.

JISAYA 38:11

Mangkara' aku, giu' ra intok ru ulun maayag kalo boo makakito aku ra Tuhan, kapoam osoi pana ulun ondo' lakat poyo maayag.

MAZMUR 88:6

pinatatang aku magayantanga' ra ulun namagatoi; koson aku ayuk ra ulun napatoi ondo' nakalangan ra lobong, ulun ra lingon nalilianan Mu noyo, ondo' kalo boo maindangan Muno.

AYUP 3:13

Amon ru paat raginio minatoi aku, maaru' paat ragitio makatangus aku,

AYUP 10:22

ondo' natikop ra molondom, babara' am majajou; giu' no ondo' matawang pana nogondo' ra molondom.

AYUP 34:22

Kolondo' kalandaman ondo' totopot molondom koson mambuni ra ulun makatula.

AYUP 38:17

Igondo' kia osoi pana manulu' ra kulobon garabang kapatayan ramuyun, kulobon ondo' nanili ra intok kapatayan ondo' molondom kaga' no?

MAZMUR 39:13

Rongogo' noyo pakiasian kutu, iou Tuhan, am apuo' noyo pakimasian kuno, pai' noyo pongkoror paat ra aku mantangi'. Masauk aku ra tambului Muno kaa' sangkinolor ayuk, koson ra kinamatuaan kuli.

AYUP 17:13

Intok ru ulun minatoi ayuk kalansanan kuno, giu' no mombolong aku ralalom kalandaman.

MAZMUR 49:20

makasunu' ilo niayuk ra kinamatuaan nilai, ondo' minayan ra intok molondom ra sabuoi-buoi no.

MAZMUR 88:13

Makito kia kaimuagan Muno ra intok molondom no, kapoam makito kia kinoonsoi Muno giu' ra pagun ondo' linilianan noyo ru ulun?

MAMPATANOU 9:10

Tandaa' toojo kandoi min, sabap giu' ra tana' ru ulun minatoi kolondo' kandoi, pangkaraan, katutunan, kapoam kapintaran poyo; giu' noyo angayan min.

MAMPATANOU 11:8

Musiti' ulun maringkuanang amon ru maawar painawo kaa' karaa', mabuoi pana ulun maayag ra tana' ti, mulu' poyo buoi nilono giu' ra intok kapatayan. Kolondo' atan pana malansanan.