AYUP 1:8 - Tanou Moonsoi Timugon

⁸ Indagu Tuhan, “Inurio mu kia i Ayup, ulun ondo' mangandoi ayuk Raki'? Giti ra titikop ru tana' ti kolondo' ulun ondo' totopot gumagaya' kaga' am moonsoi koson riso. Sumambayang io Raki' am totopot pagilalain no maa' raginio kalo mambaal ra malaat.”

AYUP 1:8 ပူးပေါင်းရင်းမြစ်များ

2 RAJA'-RAJA' 23:25

Kalo poyo igondo' sangulun raja' koson ra Raja' Josia, ondo' mangandoi ra Tuhan ayuk ra sototopot ru guang, am niayuk nampakito raginio ralalom ru ralan kaayagan am binaal nano, nontopot ra ngaangai' ru Ukum ri Musa. Kopongo Raja' Josia, kolondo' boo raja' ondo' koson riso.

NIGIMIA 5:15

Moonong ulun ondo' nasauk ra gabenor ondo' nakapagulu raki' nasauk ra saanin ru mamagun sabap ra gabenor no gumogot 40 ruit pirok songorou tayar ru akanon am wain. Naambai ra pagawai-pagawai nilo pana mangimbolo' ra mamagun, kaa' aku kalo mambaal koon raginio sabap ra aku malaa' am mangurumat ri Aki Kapuuno'.

AYUP 1:1

Giu' ra tana' Us, minayan sangulun ungkuyon makainggalan ri Ayup. Sumamba io ri Aki Kapuuno' am gumagaya' Riso. Io ti moonsoi guang, ondo' masalok no pagilalain maa' raginio kalo mambaal ra malaat.

AYUP 12:4

Rangan-rangan kuno piboo makakurit raki', makakurit ilo, kabalu' pana aku motopot am kolondo' sala; kaa' paat ragili igondo' i Aki Kapuuno' nangiou ra pakiasian kuno.

AYUP 2:1

Ilo ondo' giu' ra suruga' minatong poyo ra saang ru Tuhan, am i Manusuk pana siminaang nababaya' risilo.

AYUP 2:3

Indagu Tuhan, “Inurio mu kia i Ayup, ulun ondo' nangandoi ayuk Raki'? Giti ra titikop ru tana' ti kolondo' ulun ondo' totopot gumagaya' am moonsoi koson riso. Sumambayang io Raki' am ilalain no toojo maa' raginio kalo mambaal ra malaat. Nanusuk kou Raki' maa' raginio mangiou rirun mampajamar riso ra kolondo' sasaban, kaa' lakat poyo gumagaya' i Ayup Raki'.”

AYUP 34:14

Amon ru bunduson ri Aki Kapuuno' painawo ru ulun, am pasagulion paminawo nilo,

AYUP 8:20

Kaa' i Aki Kapuuno' kalo igondo' nangiruan ra ulun ondo' gumagaya', Kalo igondo' No indangano' ulun malaat.

MAZMUR 18:23

Ginagaya' ku ngaangai' ukum Nano; kalo igondo' ku tuliari' panusuban Nano.

MAZMUR 34:14

Pai' min pasalulaa' ragu-ragu ra malaat, am pai' kasaga' magabau.

MAZMUR 36:1

Ra tingganai ru santimungan maririmbai. Mazmur ri Daut, ulipon ru Tuhan.

MAZMUR 37:27

Tatango' noyo kalaatan am pambaal noyo ra moonsoi, maa' raginio sayat muno maayag ra pagun ti ra sabuoi-buoi no;

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

MAZMUR 89:20

Galing i ralalom rondo' pagilangan, minindagu Kou ra ngaangai' ulipon Muno ondo' gumagaya', “Nangindangan Aku ra sangulun tutumula'; pataakon Ku panturungan Kuno ra ulun ondo' pinili' Kuno intor ra nasuangan ulun.

AMSAL 8:13

Mangurumat ra Tuhan arati' no masisang ra kalaatan; masisang aku ra malilimbau am masawat ragu, paliso ra malaat am ragu-ragu ra mamparuung.

JISAYA 1:16

Kapasawo' min inan mino. Langgai' min ngaangai' kalaatan ondo' binaal min ra saang Kuno. Pai' kano boo pambaal ra malaat,

JISAYA 42:1

Indagu Tuhan, “Gitio noyo ulipon Kutu, ondo' pinaikang Kuli; sangulun noyo pinili' Kuli, am mapabansuk ra guang Kutu. Kuasa' Kuno pinataak Ku noyo riso, magibit Io ra katimpakan ra moonong bansa'.

YEHEZKIEL 40:4

Indagu ungkuyon no raki', “Okou ulun mapandai matoi, rongogo' toojo am urioo' ngaangai' no ondo' panuluan ku rirun, sabap ra koson kuayan raginio noyo okou inibit ragiti. Balai' ulun ru Israil ra ngaangai' ondo' nakito muno.”

UNTABAN 12:3

I Musa ti sangulun ondo' minggana' guang, minggana' guang poyo intor ra osoi pana ra tana' ti.

JUANIS 1:47

Kakito ri Jisus i Natanil matong Riso, indagu Io, “Gitio noyo sangulun bansa' ru Israil ra motopot; ulun ti mabanis guang.”

JOSUA 1:2

Indagu Tuhan, “Minatoi noyo ulipon Kuno i Musa. Moonsoi tumampos kau, okou am ngaangai' ulun ru Israil. Laup noyo ra Sungoi Jordan am ongoi noyo ra tana' ondo' taakin Kuno risilo.

JOSUA 1:7

Musiti' kou mangintopot am baani, am tutuno' noyo maa' raginio gumagaya' kou ra ngaangai' Ukum ondo' tinaakan rirun ru ulipon Kuno, i Musa. Pai' liliani' ati-ati tayar ru Ukum no, maa' raginio makasugut kou ra ati pana angayan muno.