AYUP 1:5 - Tanou Moonsoi Timugon

⁵ Mopongo moonong bunsag, suabon no ra iosusuab, sumukal i Ayup am mampataak ra taak simbalui ra tayar ru moonong anak nano koson mapakapasau risilo. Magail io mambaal koon raginio sabap ra pangkaraan nano, maaru' lair sangulun ra anak nano makatula am magasab ri Aki Kapuuno' ra kalo singonon.

AYUP 1:5 ပူးပေါင်းရင်းမြစ်များ

KASAUKAN 22:3

Paat ra suabon no, rinondom ri Abragam nampalapak ra luton koson ponolob ra taak simbalui am pobongkoso' no ra kaladai nano. Ugar io nabaya' ri Isak am karuo ngaulun ulipon nano ra intok ondo' rinagu ri Aki Kapuuno' riso i.

KASAUKAN 6:5

Paat nakito ru Tuhan ra mapara' laat ru ulun ru tana' ti am pangkaraan nilo magail malaat.

KASAUKAN 8:20

Nambaal i Nuu ra altar koson ra Tuhan. Pangalap io intor ra moonong salinut ru susuit am bibiag ondo' mapasau am pataako' no boo ngaangai' no koson ra taak simbalui.

1 RAJA'-RAJA' 18:31

Pangalap io ra mopor am ruo batu, moonong rondo' manguakil ra rondo' ra bansa' intor ra mopor am ruo bansa' ru papag ri Jakub, iono ulun ondo' ininggalanan ri Israil ru Tuhan.

1 RAJA'-RAJA' 21:10

Mopongo raginio susubo' ruo ngaulun malaat manturung mantaluma' ri Nabot am manguu' riso ra nagulas io ri Aki Kapuuno' am raja'. Mopongo raginio ibito' io mingkual ra bandar am bobolo' io saboi matoi.”

1 RAJA'-RAJA' 21:13

Ratong ruo ngaulun malaat no am turung ra taluma' ri Nabot. Nanguu' ilo ri Nabot ra saang ru ulun masuang ra nagulas io ri Aki Kapuuno' am raja'. Ginio ra inibit i Nabot miningkual ra bandar am binobol saboi minatoi.

NIGIMIA 12:30

Imam-imam am ulun-ulun ru Liwi nampaugar ra upacara pamasawan ra tayar ru inan nilo galama', am tauli no ra tayar mamagun am niayuk tayar ra kulobon garabang am timbok ru bandar.

AYUP 1:11

Kaa' amon ru alapon Mu ngaangai' longgom nano, maaru' magulas io Rirun ra saang Muno.”

AYUP 1:4

Anak-anak ungkuyon ri Ayup kaindalaman no munsag giu' ra baloi ru sigagama' ra mampapalit. Ilo niayuk magail mampiau ra katatalu ngaulun pabukat ruandu' nilo mongoi ra bunsag no.

AYUP 2:9

Kon ru andu' nano riso, “Kua lakat kou po gumagaya' ri Aki Kapuuno'? Pagulas no ri Aki Kapuuno', am patoi no!”

AYUP 27:10

Musiti' ilo gumogot ra katasuan intor ri Aki Kapuuno', am musiti' ilo masalok makiasi' Riso.

AYUP 41:25

Paat ra makarat Liwiatan, ulun ra maikang kaga' pana mairu' kinabaani no; lumami' ilo sabap ra malaa' kaga'.

AYUP 42:8

Raino ibito' tulu' ngainan sapi' gawayan am tulu' ngainan domba gawayan ri Ayup, am pataako' ngaangai' no koson ra taak simbalui koson mapabansuk ra guang Kuno, sabap ra kaatangan ru inan min. Makiasi' i Ayup ra tayar min, am iowon Ku pakiasian nano. Aku pana kalo boo manauyu' ramuyun kabalu' pana musiti' kau mangapu ra ukuman. Kalo mindagu kau ra motopot intor Raki' koson ra binaal ri Ayup.”

AYUP 6:14

Paat ra kapaganan koson ragitio, mompogogot aku ra rangan ondo' motopot, tawa ru lakat aku poyo gumagaya' ri Aki Kapuuno' kapoam nangiruan noyo Riso.

AYUP 8:4

Anak-anak muno maaru' makatula noyo ri Aki Kapuuno', maaya' noyo ra ilo inukum Nano.

MAZMUR 5:3

I Aki Kapuuno' kuno, Raja' kuno, rongogo' noyo laa kuno am indangano' aku no. Makiasi' aku Rirun, iou Tuhan;

KAINGKUALAN 18:12

Pagibit boo i Jitro ra taak simbalui koson mapabansuk ra guang ru Tuhan, am niayuk taak-taak simbalui ra bokon koson pataakon ri Aki Kapuuno'. I Arun am ngaangai' tingganai ru ulun ru Israil minaya' ri Jitro koson mababaya' mangakan ra saang ri Aki Kapuuno'.

KAINGKUALAN 19:10

Indagu Tuhan riso, “Ongoi noyo tuum ra ulun raginilo am susubo' ilo migimpasau ra orou raiti' am susuab no. Musiti' ilo mampupu' ra bayang nilo

KAINGKUALAN 24:5

Panusub boo i Musa ra kukula' ngaulun mamulok koson mapataak ra taak simbalui koson mapabansuk ra guang ru Tuhan am niayuk mapataak ra kukula' ngainan sapi' koson ra taak simbalui koson makibarakat ra Tuhan.

MAMPATANOU 9:10

Tandaa' toojo kandoi min, sabap giu' ra tana' ru ulun minatoi kolondo' kandoi, pangkaraan, katutunan, kapoam kapintaran poyo; giu' noyo angayan min.

JIRIMIA 4:14

Okou Jirusalim, kapasawo' guang muno intor ra ngaangai' kalaatan maa' raginio bayagon kou. Saboi sanggilan kou mangkara' ra malaat?

YEHEZKIEL 14:14

Kabalu' pana i Nuu, i Danil am i Ayup, talu ngaulun no minayan ra giu' no, kinoonsoi nilo makapamayag ayuk risilo galama'.” Koon raginio noyo ragu ru Tuhan Raja'.

LUKAS 1:75

am mambaal ra kasagaan Nano am mangandoi Riso ayuk, buoi itakau maayag ra tana' ti.

LUKAS 18:7

Amon ru kon poyo raginio, mulu' poyo i Aki Kapuuno' manalasai ra kapaganan ru ulun mangintopot riso sabap ra makiasi' ilo Riso orou-rondom. Mangindangan Io kia ra mataki'?

JUANIS 11:55

Paat ragili Pangiantakan ra Paska mamaar noyo, am masuang ulun intor ra moonong pamagunan minongoi ra Jirusalim. Maya' ilo ra kaulayan pambaguan ra kalo poyo masaboi pangiantakan no.

RINALATAN 21:26

Io suabon ragili, i Paulus nababaya' ra apat ngaulun i nampaugar ra kaulayan pangimpasawan. Subol ilo boo ra Baloi Tuhan am pambala' ra kula' poyo ngoorou am mopongo pangimpasawan, koson makapanimbalui ilo boo ra taak nilo sigagama'.

RINALATAN 8:22

Talikur kono ayuk ra paliso malaat muno, am pakiasi' no ra Tuhan maa' raginio pangkaraan muno ra malaat no ampunon No!

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

2 KORINTUS 11:2

Maayo guang kuno ramuyun am i Aki Kapuuno' pana koson raginio. Akau ti karaan koson ra ralaa mapasau toojo ondo' pawatin ku ra rondo' ayuk toojo ungkuyon, ioginio i Kristus.

IPISUS 6:18

Pakayo' kuliamos ru saujor ti mabaya' ra pakiasian, koson makiindangan ri Aki Kapuuno'. Kasalok kano pakiasi' maya' ra paningganayan ru Ambiluo ri Aki Kapuuno'. Ilalai', pai' pombolong am kalo langgain pakiasian min. Kasalok kano pakiasi' ri Aki Kapuuno' ra ngaangai' ulun Nano.

1 SAMUIL 16:5

Taam i Samuil, “Iou. Aku minatong ti koson mapataak ra taak simbalui ra Tuhan. Impasawi' min inan mino am baya' kau raki'.” Nanusub io niayuk ri Isai am anak-anak nano mangimpasau ra inan, am nampiau risilo mongoi ra upacara mapataak ra taak simbalui no.