AYUP 1:20 - Tanou Moonsoi Timugon

²⁰ I Ayup pana minigor boo am rilako' no bayang nano sabap ra mangiluk guang. Linompor no abuk nano am igulatur.

AYUP 1:20 ပူးပေါင်းရင်းမြစ်များ

KASAUKAN 37:29

Paat ri Rubin siminaguli' ra tulubong no, am ilai' no kalio i Jusup ra giu' no, rilako' no boo bayang nano sabap ra mangiluk guang.

KASAUKAN 37:34

Rilako' ri Jakub bayang nano sabap ra mangiluk guang am pambayang ra bayang mangulir. Nabuoi no binaal ginio sabap pinatayan ru anak nali.

2 RAJA'-RAJA' 2:12

Kakito ri Ilisa baal raginio, am i pana mompogolok ri Ilia, “Ama' ku, ama' ku! Manaung maikang ru Israil! Minugar noyo i ama'!” Ginio ra liot ri Ilia intor ra pagilangan ri Ilisa. Nabaya' ra kangilukan rilako' ri Ilisa sukub nano nasauk ra ruo rilak.

2 TUNUNG RU BANSA' ISRAIL 7:3

Paat ra ulun ru Israil nakakito ra apui riminatu' intor ra limbowon am sinda ratangan ru Tuhan nakatikop ra Baloi ru Tuhan, igulatur ilo ra sulig am samba ri Aki Kapuuno'. Nongompor ilo Riso ra kinoonsoi Nano am togom Nano ondo' mantilayun.

IJRA 9:3

Pokorongog aku ra baal raginio, rinilak ku bayang sabap ra mangiluk toojo guang. Kinaur ku abuk am jangut, am panturung ra guang natutuk.

AYUP 1:19

Pulali' ru rasam am angin ra mapuor kaga' intor ra tana' kaagisan, am nampagaba' ra baloi no namatoi ra ngaangai' anak muno. Aku ayuk sangulun nakapagiru' koson mambala' rirun.”

AYUP 2:12

Paat ra ilo lakat poyo intor ra maalur, nakakito ilo ri Ayup, kaa' kalo nakaulig riso. Pakaliman ilo ra ulun no i Ayup, nantangi' ilo ra bolos matangil. Rinilak nilo bayang sabap ra mangiluk guang, am nampatauk ra kaau ra rasawat am ra ulu nilo.

KAINGKUALAN 4:31

Mangintopot ilo, am igulatur samba paat ra nakaining ra nampalio Tuhan risilo am nakakito ra ngaangai' kaimbalaan nilo.

JIRIMIA 7:29

Indagu Tuhan, “Alii ra mamagun ru Jirusalim, panulaboi kano; lampari' am patiri' abuk mino. Rimbayo' rimbai panguliran giu' ra tampak ru kabuluran, sabap ra Aku, Tuhan tatanga' sumangit am nangimpai noyo ramuyun.

JOIL 2:13

Polosoon noyo guang min ra matutuk no mampakito ra guang pansagulian, pai' ayuk rilako' bayang.” Saguli' no ra Tuhan i Aki Kapuuno' mino. Io no motogom am napanu' ra asi'; Io no tumaan guang am manugut ra bantu' Nano; Io no magail makatampos mangampun am kalo masaga' mangukum.

MATIUS 26:39

Ugar i Jisus inggalur koborok risilo am kubu ra tana' am pakiasi', “O Ama', amon ru maalap ayuk painggaluro' sangkir kaimbalaan ti intor Raki'! Kaa' pai' gagayaa' kitaakon Kuti, kaa' maya' ra kasagaan Muno Ama'.”

SAGULION 9:18

Kopongo raginio igondo' poyo kubu samba aku ra saang ru Tuhan buoi apat ngoopor ngoorou am apat ngoopor ngorondom, am kalo nangakan kapoam nanginum ra atan pana. Binaal kuno koson raginio sabap ra akau makatula noyo ra Tuhan am nangkinibit Riso siminangit.

JOSUA 7:6

Rinilak ri Josua am tingganai-tingganai ru Israil bayang sabap ra mangiluk guang, am kubu ra saang ru Kaban Nabantuan ru Tuhan saboi palunggai'. Pinatauk nilo niayuk kaau ra rasawat ru ulu koson mapakito ra kangilukan nilo.

1 PITRUS 5:6

Sabap raginio, paingganaa' noyo guang mino ra kuasa' ri Aki Kapuuno' ondo' maikang kaga', maa' raginio mapainsawat Io ramuyun paat ra inaru' Nano.