AYUP 1:12 - Tanou Moonsoi Timugon

¹² Indagu boo Tuhan ri Manusuk, “Iou noyo, baalo' atan ayuk ra ngaangai' longgom nano, ondo' ak am kalo luuson mu i Ayup.” Ugar boo i Manusuk intor ra saang ru Tuhan.

AYUP 1:12 ပူးပေါင်းရင်းမြစ်များ

2 KORINTUS 12:7

Kaa' maa' raginio kalo minsawat guang kutu sabap ra kinibit ru papakitanan ondo' makaimuag, inanian aku ra rondo' maruol ra inan kutu. Mansail ra maruol ti magail aku imboloon ru Tingganai ru riwato, maa' raginio kalo boo minsawat guang kutu.

1 KORINTUS 10:13

Moonong pangkinaman ondo' matuum mino, io no rondo' kaindalaman masalok matuum ru ulun. Kaa' suguton ri Aki Kapuuno' bantu' Nano am kalo mompoloso Io ramuyun kinamin makajanjai ra ikang mino. Paat ra akau matiu' ra pangkinaman, mampaikang Io ramuyun, maa' raginio moorot min.

JUANIS 19:11

Taam i Jisus, “Kolondo' kuasa' muno Raki' amon ru kalo aniin kou ri Aki Kapuuno'. Ginio boo ra ulun nampataak Raki' i rirun, maayo poyo tula nano ka okou.”

JISAYA 27:8

Mangukum Tuhan ra ulun Nano ioginio patirin ilo ra tana' suai. Manganjung Io risilo ra angin malaat intor ra sirangon.

JIRIMIA 38:5

Indagu Raja' Jidikia, “Ginio poyo, guguang min mambaal ra kasagaan min riso. Kalo inggalarin takamin.”

1 RAJA'-RAJA' 22:23

Kon poyo ri Mika, “Gitio noyo ondo' masauk. Nambaal noyo Tuhan ra nabi-nabi muno magabau rirun raja'. Kaa' Tuhan galama' nangaru' noyo ra okou raja' malumpa' ru karaat!”

KASAUKAN 16:6

Taam i Abram, “Ba iou, io ulipon muno am makakuasa' kou poyo riso. Okou ra guang mambaal ra atan ayuk pamakuan muno riso.” Imboloo' boo ri Sarai i Agar ra najanjayan saboi nagiru'.

MAZMUR 76:10

bulintok ra Okou mingkakat no maparatu' ra ukuman, koson mamayag ra ngaangai' ulun ondo' inimbolo' ra tana' ti.

AYUP 1:11

Kaa' amon ru alapon Mu ngaangai' longgom nano, maaru' magulas io Rirun ra saang Muno.”

AYUP 1:13

Paat ra sangarawan, anak-anak ri Ayup minunsag giu' ra baloi ru maayo nilo ra ungkuyon ondo' katuaan.

1 RAJA'-RAJA' 22:22

‘Ati kulaan?’ Taam ambiluo no, ‘Mangkinibit aku ra ngaangai' nabi ri Agab no magabau.’ Indagu Tuhan, ‘Ongoyo' noyo ruungo' io. Makasugut kou.’ ”

2 TUNUNG RU BANSA' ISRAIL 18:21

Taam ambiluo no, ‘Mangkinibit aku ra ngaangai' nabi ri Agab magabau.’ Indagu Tuhan, ‘Ongoi no ruungo' io. Makasugut kou.’ ”

LUKAS 12:23

Kaayagan maatang poyo intor ra akanon, am inan maatang poyo intor ra bayang mino.