AMSAL 4:18 - Tanou Moonsoi Timugon

¹⁸ Kaayagan ru ulun moonsoi koson ayuk ra sirang ru mato ru orou, buoi kabuoi matawang kaga' saboi mamai'.

AMSAL 4:18 ပူးပေါင်းရင်းမြစ်များ

2 SAMUIL 23:4

raja' no koson ra sirang ru mato ru orou ra susuab ti paat ra susuab toojo bulintok ru matawang limbowon no. Io koson ra sirang ru mato ru orou malupus rumasam, ondo' mambaal ra sakot moonsoi kinasansam ra manguliat.”

AYUP 11:17

Kaayagan muno masauk ra matawang poyo intor ra sinda mato ru orou paat matawang, am paat ra molondom ralalom kaayagan muno mapaang koson ra paat susuab ti.

AYUP 17:9

Ulun ondo' moonsoi am kolondo' sala, gumaai mangintopot ra i Aki Kapuuno' mangiou risilo.

AYUP 23:10

Kaa' nakapandai i Aki Kapuuno' ra moonong tumpang kuno; amon ru kinamin aku, mainono' kinapasau ru guang kuno.

MAZMUR 84:7

Liliwa' nilo minugar ra lampam Baka ondo' napua', lampam raginio pana makataur boo ru timug; rasam lair namanu' ra kulam-kulam nano.

MAZMUR 97:11

Kinoonsoi ri Aki Kapuuno' no makasinda koson ra sinda ru ulun mabanis guang, am mapabansuk ra ulun moonsoi.

AMSAL 13:9

Ulun motopot koson ra lampung makasinda, kaa' ulun malaat koson ra lampung matikalasa'.

AMSAL 15:24

Ulun mapintar maya' ra ralan magaloi mongoi ra kaayagan, sala' ka ralan tumuun ra kapatayan.

AMSAL 2:20

Intor raginio, musiti' tiluon min kaayagan ru ulun moonsoi, am musiti' no kaayagan mino sumugut ra kasagaan ri Aki Kapuuno'.

AMSAL 2:9

Amon ru rongogon min bilin kutu, mapandayan min atan ondo' motopot, matimpok, kalo maagat ra sapapa'. Mapandayan min atan sotopot no baalon min.

JISAYA 26:7

Ralan ondo' binayaan ru ulun moonsoi no mabanis, sabap ra Okou, Tuhan, kinabanis Mu ginio risilo.

DANIL 12:3

Tingganai-tingganai ondo' mapintar suminda koson ra limbowon ondo' mapaang, am ilo ondo' mangila' ra ulun mambaal ra moonsoi am matimpok suminda koson ra butitin ra sabuoi-buoi no.”

GOSIA 6:3

Ibok pirot takano koson mulig ra Tuhan. Maaru' matong Io ritakau koson ra orou tumawang, am koson ra rasam ondo' mamasa' ra tana' ti bulintok ra mambusak.”

MATIUS 5:14

Mogondo' ra lampung no manilau ra intok molondom, koson niayuk akau magibit ra silau ra tana' ti. Bandar ondo' binaal ra tampak ru bulur no kalo maalap ra buni.

MATIUS 5:16

Koson raginio niayuk boo ra lampung mino musiti' manilau ra saang ru ulun, maa' raginio makakito ilo ra baal moonsoi mino am mongompor ri Ama' mino giu' ra suruga'.”

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

JUANIS 8:12

Indagu poyo i Jisus ra ulun masuang, “Aku noyo sinda ru tana' ti. Osoi ayuk maya' Raki' kalo mangkiralan ra kalandaman, kaa' mokoowot ra sinda ondo' mangani' ra kaayagan.”

2 KORINTUS 3:18

Raino bulos takau ngai' kalo nasilian am mapatampulau takau boo ra sinda ru katulayan ru Tuhan. Sinda ru katulayan raginio niayuk ondo' mangulau ritakau masauk nogondo' Riso, koson buoi-kabuoi gumaai sinda ru katulayan takau. Ngaangai' ti intor noyo ra Ambiluo ru Tuhan.

PILIPI 2:15

Intor raginio nampakito kau ra akau ti anak ri Aki Kapuuno' ondo' kolondo' sala kapoam tula am moonsoi kaayagan min ra tatanga' ru ulun-ulun malaat am makatula no. Am paat ra akau maayag koson raginio, mogondo' kau ra butitin suminda ra rondom ti,

2 PITRUS 1:19

Ginio boo ra mangintopot akai no toojo ra bala' ondo' pinasaboi ru nabi-nabi ragili. Ginio ra moonsoi ru karaan min toojo bala' ti, ondo' koson ra pilasut suminda ra intok molondom. Am karaan ginio suku' ratangan saguli' Nano, ondo' koson ra butitin ru sirangon paat ra matawang – Io mampaulig toojo ramuyun ri Aki Kapuuno'.

2 PITRUS 3:18

Kaa' pai' min noyo labusi' togom tinaakan ri Jisus Kristus, Tuhan am Mamamayag takau, am pakaulig poyo toojo Riso. Gama' ru omporon Io raino am ra sabuoi-buoi no. Amin.

PINAINTALANG 21:23

Bandar no kalo pana sirangin ru mato ru orou kapoam bulan, sabap ra masindaan noyo ru katulayan ri Aki Kapuuno', am Anak Domba no galama' lampung nano.

PINAINTALANG 22:5

Kolondo' boo kalandaman ra giu' no. Pilasut am mato ru orou kalo boo makapakuan ilo, sabap ra i Aki Kapuuno', Tuhan galama', sumauk ra sinda nilo, am mamarinta ilo koson ra raja' ra sabuoi-buoi no.

TINGGANAI RU BANSA' 5:31

Gama' ru ngaangai' pantula' Muno, iou Tuhan, matoi koson ri Sisira; kaa' gama' ru rangan Muno maantak koson ra mato ru orou giu' ra limbowon! Kopongo raginio mamimio pagun no buoi apat ngoopor ngambilor.