AMSAL 3:9 - Tanou Moonsoi Timugon

⁹ Urumato' noyo Tuhan am anii' Io ra taak intor ra rapu' am ampos ru tatanom muno ra moonsoi kaga'.

AMSAL 3:9 ပူးပေါင်းရင်းမြစ်များ

KASAUKAN 28:22

Batu pangkaraan ra pinotolorog kutu masauk ra intok sumamba Rirun, am aniin Tokou ra sampiopor intor ra ngaangai' ondo' pataakon Muno raki'.”

2 TUNUNG RU BANSA' ISRAIL 31:10

indagu boo Tingganai Maayo Imam Ajaria, papag ri Jadok ra raja', “Intor ra mamagun nagibit ra taak nilo ra Baloi ru Tuhan, akanon ra giu' no naukop, am masuang piboo suwo. Nakaalap akai ra ngaangai' taak ragitio sabap ra Tuhan nambarakat ra ulun Nano.”

2 TUNUNG RU BANSA' ISRAIL 31:21

Nakasugut Raja' Gijkia sabap ra ngaangai' ondo' binaal nano koson ra Baloi ru Tuhan kapoam koson gumagaya' ra Ukum ri Musa, pinaugar no ra sototopot ru guang am ra togom ri Aki Kapuuno' nano.

MAZMUR 144:13

Gama' ru kalukub takano napanu' ra nansalinut ampos ru kandoi ra tana' ti. Gama' ru domba giu' ra umo takau mansasayat saboi kaaparan ribu suang nano.

KAINGKUALAN 22:29

“Paat ra ondo' inaru', papataak no Raki' ra santayaran intor ra gandum, wain am umau jaitun mino. “Pataako' Raki' anak ungkuyon katuaan mino,

KAINGKUALAN 23:16

“Iantako' noyo Pangiantakan Kapangaan Nanantab am mapataak ra ampos ru tinanom ondo' kasaa' kumoson. “Iantako' noyo Pangiantakan Mangkalukub ra Raun bulintok ra raun tumutu', paat ra akau manimung ra ampos ru umo ru anggur am ampos ru umo ru kikinawa'.

KAINGKUALAN 23:19

“Moonong bilor, ibito' noyo ampos kasaa' ondo' moonsoi kaga' intor ra tinanom mino ra baloi ru Tuhan i Aki Kapuuno' mino. “Pai' ansako' anak ru domba kapoam anak ru kambing ra gatas ru indung nano.”

KAINGKUALAN 34:26

“Moonong bilor, ibito' ampos kasaa' intor ra tana' min ra baloi ru Tuhan i Aki Kapuuno' min. “Pai' ansako' anak domba kapoam anak kambing ra gatas ru indung no.”

AMSAL 11:25

Ulun ra mataau kasaukan nano langkaya'. Ulun ra masaga' mangindangan iono indanganon niayuk.

AMSAL 14:31

Osoi mangimpai ra ulun musikin, magasab ra Namangun risilo; osoi moonsoi ra ulun musikin, mangurumat ri Aki Kapuuno'.

JISAYA 43:23

Kalo magibit kau ra domba koson taak simbalui koson mapabansuk ra guang Kuno; kalo mangurumat kau Raki' ra taak simbalui ondo' pataakon min. Sotopot no kalo simbagatin Takamin ra kitaakin ra taak kapoam mantipagon ramuyun makitaak ra kaminyan.

IMAMAT 19:25

Paat ra bilor kalimo, am maakan min boo kawa' ru puun no. Amon ru mambaal kau koon raginio, puun ru kinawa' mino mangkawa' ra masuang poyo. Aku noyo Tuhan i Aki Kapuuno' min.

UNTABAN 15:20

Intor ra gandum ondo' kumos galing no, tunui' ruti' intor ra adunan kasaa' ru gandum no; rondo' ruti' musiti' pataakon tayar ru taak luntukon ra Tuhan. Ralan mapataak raginio nogondo' ra ralan mapataak ra taak luntukon intor ra gandum ondo' agik galing mino.

MATIUS 25:17

Mogondo' niayuk ra ulipon ondo' inanian ra ruo ngaribu ruit mas ni ra nakaalap io ruo ngaribu poyo.

1 KORINTUS 16:2

Koson ragitio: moonong orou Minggu', akau ngaangai' musiti' manimung ra ruit sumugut ra maalap ru sigagama'. Timungo' min kalalair ruit no saboi ra aku makaratong, maa' raginio, kalo pana timungon ra aku makasuku'.

SAGULION 14:29

Akanon raginio tayar ulun ru Liwi sabap ra kolondo' rapu' nilo. Akanon raginio niayuk tayar ru ulun bansa' ru bokon, anak nailusan ra matuo am napuor ondo' minayan giu' ra bandar-bandar mino. Iowon ilo matong am mangalap ra ngaangai' ondo' kaukapan nilo. Baalo' noyo koson raginio am Tuhan i Aki Kapuuno' min mambarakat ramuyun ralalom ru ngaangai' kandoi min.”