AMSAL 3:6 - Tanou Moonsoi Timugon

⁶ Karaa' noyo Tuhan ralalom nansalinut baalon muno, am manulu' Io rirun ra ralan ru kaayagan moonsoi.

AMSAL 3:6 ပူးပေါင်းရင်းမြစ်များ

AMSAL 16:3

Ngaangai' kandoi muno pataako' noyo ra Tuhan, am inatangan muno pana masugut.

MAZMUR 32:8

Tuhan minindagu, “Tuluin Tokou ra ralan ondo' musiti' kiralanon muno. Ilaan am pinsanin Tokou.

PILIPI 4:6

Pai' kano kaimamang ra atan ayuk pana, kaa' kasalok noyo pasalulaa' ayuk ri Aki Kapuuno' atan ondo' kitaakon mino. Am baalo' min gitio mabaya' ra pakiasian am paringkuanangan.

AMSAL 16:9

Ulun mambaal ra inatangan, kaa' i Aki Kapuuno' mangaru' ra ralan kaayagan ru ulun.

JIRIMIA 10:23

Iou Tuhan, makapandai aku ra kolondo' sangulun pana makakuasa' ra kaayagan nano; kolondo' sangulun pana mangaru' ra kiralan ru kaayagan nano.

JAKUBUS 1:5

Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.

JISAYA 30:21

Amon lumisang kau ra pamiris kapoam kait, morongog min bolos Nano giu' ra talikuron mino mindagu, “Gitio noyo ralan ti, baya' kano ra ralan ragitio!”

JISAYA 48:17

Ragu ri Aki Kapuuno' ru Israil, i Aki Kapuuno' ondo' matulai, Tuhan Mamamayag ramuyun, “Aku noyo Tuhan, i Aki Kapuuno' mino, mangila' Aku ra atan ondo' moonsoi ramuyun, maningganai Aku ramuyun ra ralan ondo' sotopot bayain min.

KOLOSI 3:23

Atan ayuk kondoyon mino, paugaro' min noyo toojo mabaya' ra guang mabanis, koson ayuk mangandoi kau ra Tuhan am sala' ka ra ulun.

KOLOSI 3:17

Ngaangai' ondo' baalon am raguon min sauko' no ralalom inggalan ru Tuhan Jisus ayuk. Paringkuanang kano ri Aki Kapuuno', Ama' takau ra atan ondo' binaal ri Jisus Kristus ramuyun.

AMSAL 23:17

Pai' solon ra ulun ondo' makatula, urumato' noyo am kalaa' no ra Tuhan ra sotopot ru guang

1 KORINTUS 10:31

Atan ayuk pana baalon mino, kapoam akanon am inumon min niayuk, baalo' min ngaangai' ginio koson mangurumat ri Aki Kapuuno'.

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

1 SAMUIL 30:8

Kopongo raginio pangkuot i Daut ra Tuhan, “Musiti' aku kia mangilou ra ulun-ulun mantakou no? Makarakop aku kia risilo?” Taam Tuhan, “Ilowo' noyo ilo. Masunu' mu ilo am mamayag ra ulun-ulun rinakop.”

JISAYA 45:13

Aku noyo nanusub ri Koris koson mapaugar ra kasagaan Kuno am mapaundok ra katimpakan. Moonong ralan ra bayaan nano rataan Ku. Baalon no sagulio' bandar Kuno Jirusalim am mapalabus ra ulun Kuno ondo' rinakop, kolondo' rasua am kalo kibayarin.” Tuhan Ondo' Maayo Kaga' Kuasa' minindagu noyo.

NIGIMIA 1:11

Ginio ra, rongogo' noyo pakiasian kutu am pakiasian ru ulipon-ulipon Muno ra bokon, ondo' moogot mangurumat Rirun. Anii' ra kaindanganan Muno maa' raginio paat ra orou raiti' ulipon Muno makasugut makaalap ra pakimasian intor ra raja'.” Paat raginio, aku ti mampasulung ra inumon ru raja'.

NIGIMIA 2:4

Pangkuot raja', “Amon ru ginio poyo, atan kia gogoton muno?” Ralalom ru guang kuno makiasi' ri Aki Kapuuno' mangunguasa' giu' ra suruga',

IJRA 7:27

Kopongo raginio indagu i Ijra, “Koompor noyo Tuhan, i Aki Kapuuno' ru kinamatuaan takau! Binuir no guang ru raja' saboi kinara' no timpokon Baloi ru Tuhan giu' ra Jirusalim.

2 KORINTUS 8:16

Paringkuanangan mai ri Aki Kapuuno' ondo' nangani' ri Titus ra kapiratan masaga' mangindangan ramuyun mogondo' ramon.

UNTABAN 9:20

Sanganuan no soroi gaun no giu' ra rasawat ru Kim ru Tuhan ra kukula' ngoorou ayuk. Kabalu' pana raginio, susuban ru Tuhan ayuk mangaru' ru mayan ilo ra rondo' intok kapoam manding.

NIGIMIA 7:5

Kopongo raginio nangani' i Aki Kapuuno' raki' ra inatangan koson manimung ra mamagun am tingganai-tingganai am niayuk pagawai-pagawai nilo, maa' raginio makapanguntob aku risilo maya' ra suang ru sasambaloi ondo' natulisan. Paat raginio nakatuum aku ra tinulisan ru ulun ondo' kasaa' toojo minuli' intor ra pamatiran. Gitilo noyo pinabala' ra masusui ondo' nakito kuno intor ra tinulisan no:

AMSAL 11:5

Ralan kaayagan ru ulun moonsoi guang tandaan ru kabanisan ru guang, kaa' ulun malaat mangkinibit ra inan magagai.

JIRIMIA 42:3

Pakiasi' no gama' ru Tuhan, i Aki Kapuuno' takau manulu' ra ralan ondo' musiti' mai bayaan am atan ondo' musiti' mai baalon.”

JISAYA 26:7

Ralan ondo' binayaan ru ulun moonsoi no mabanis, sabap ra Okou, Tuhan, kinabanis Mu ginio risilo.