AMSAL 3:3 - Tanou Moonsoi Timugon

³ Pangintopot kono am gagaya' ri Aki Kapuuno' am niayuk ulun. Karaa' noyo am bulii' noyo baal raginio ra guang muno.

AMSAL 3:3 ပူးပေါင်းရင်းမြစ်များ

2 KORINTUS 3:3

Nakaintalang noyo toojo ra akau koson ra surat ondo' tinulisan ri Kristus galama' ondo' pinakirim pinasumbaya' ramon. Surat raginio pai' ru tinulisan ra dawat, kaa' mansail ra Ambiluo ri Aki Kapuuno' ondo' maayag; am poyo pai' ru pinabatik ra rondo' batu pamatikan, kaa' ralalom guang ru ulun.

AMSAL 7:3

Guuto' noyo pangilaan kuno ra moonong bulintok am bulii' ralalom ru guang muno.

IBRANI 10:16

“Gitio noyo nabantuan ondo' baalon Kuno risilo paat ra orou matong no, ragu ru Tuhan: ‘Pakaraan Ku ukum Kuno risilo am tulisin Ku poyo ra guang nilono.’ ”

AMSAL 6:21

Karaa' noyo am bulii' noyo rinagu nilo ralalom ru guang mino.

MALIAKI 2:6

Mangila' ilo ra atan ondo' motopot am sala' ka ondo' sala. Lumampit ilo Raki'; sala' ka ayuk mambaal ilo ra kasagaan Kuno, kaa' ilo niayuk mangindangan ra masuang ulun maa' raginio lumonggo' mambaal ra malaat.

IPISUS 5:9

Sabap ra maayag ralalom ru sinda no magibit ra ampos, ioginio nansalinut baal ra moonsoi, matanda' am motopot.

AMSAL 16:6

Ulun ondo' gumagaya' ri Aki Kapuuno' ampunon No. Ulun ondo' mangurumat am malaa' ra Tuhan makainggalur intor ra kalaatan.

AMSAL 20:28

Amon ru raja' mamarinta ralalom guang mabanis, katagaman am katimpakan, am io pana magulayun makakuasa'.

AMSAL 1:9

sabap ra pangilaan nilono mamparuang ra kaansayan muno koson ra sapak ru ulu am sisigot koson mamparuang ra kinantalur muno.

MAZMUR 119:11

Ukum Muno buliin ku ra guang kuno, maa' raginio kolondo' boo tula kuno Rirun.

MAZMUR 25:10

Ulun ondo' mampagagaya' ra bantu' am panusuban Nano, tuluin No ra togom am pampagagayaan.

KAINGKUALAN 13:9

Pangiantakan ti masauk rondo' pangkaraan, koson ra tatandu' ondo' pinabangkos ra longon kapoam rabas mino, koson mapakara' ramuyun ra musiti' kau marayus-rayus mindagu am mintutun ra Ukum ru Tuhan, sabap ra nagibit noyo Tuhan ramuyun miningkual intor ra Misir ralalom ru kuasa' Nano ra maayo.

JIRIMIA 17:1

Indagu Tuhan, “Bansa' ru Jiuda kau, tula min tinulisan noyo ra pen basi'; tula mino pinabatik ra guang min ra pen intor ra intan, am pinapaat ra moonong pisuk ru altar mino.

SAGULION 6:8

Pobongkoso' ukum raginio ra kalindu' min am pobongkoso' ginio ra rabas min koson ra tatandu' pangkaraan.

GOSIA 4:1

Mokoondo' Tuhan ra panguwan ra ulun ondo' minayan ra pagun ti. Okou Israil, rongogo' noyo ragu ru Tuhan. Gitio noyo panguwan Nano: “Pagun ti kalo makaulig ra arati' ru gagaya' kapoam togom. Mamagun nano kalo mangiou ra Aku ti i Aki Kapuuno'.

MATIUS 23:23

“Aibui boo ramuyun, mangingila' ra Ukum ri Musa am akau ulun ru Parisi! Maabau-abau kau! Mangani' kau niayuk ri Aki Kapuuno' mopor piatus intor ra apa' pampagamis ra akanon pana, ioginio selasih, adas manis am jintan. Kaa' ondo' maatang kaga' ra Ukum ri Musa, ioginio koson katimpakan, makaasi' am gagaya', polosoon min ayuk! Gitio noyo panusuban ru Ukum ti ondo' musiti' min suguton am susuban ra bokon pana kalo lilianin.

2 SAMUIL 15:20

Kalo poyo nabuoi kou minayan ragiti, am marara' aku ra okou maya' raki' tumanggau. Aku galama' kalo nakapandai ra ati angayan kutu. Uli' no am ibito' niayuk rangan sabansa' muno. Gama' ru motogom Tuhan no rirun am mampagagaya' ramuyun.”

MAZMUR 85:10

Ulun ra mangurumat Riso no maaru' bayagon No, maa' raginio i Aki Kapuuno' ondo' matulai kaga' mayan ra pagun takau.

AMSAL 14:22

Ulun ondo' mambaal ra moonsoi maintopot am urumaton, kaa' ulun ondo' mambaal ra malaat mambaal ra kasalaan.

KAINGKUALAN 34:6

Pansail boo Tuhan ra saang ri Musa am indagu, “Aku Tuhan i Aki Kapuuno' ondo' napanu' ra asi' am kimasi'; kalo mataki' Aku sumangit, mapakito Aku ra togom am gagaya' ondo' maayo.