AMSAL 3:18 - Tanou Moonsoi Timugon

¹⁸ Ulun ondo' masauk mapintar pamalimanan nano makaansuk, am makaalap ra kaayagan motopot.

AMSAL 3:18 ပူးပေါင်းရင်းမြစ်များ

AMSAL 11:30

Ulun ra motopot kaayagan nano tumanda'; ulun ra mapintar rumuang maamaya' nano.

AMSAL 15:4

Ragu-ragu ra moonsoi mangunsu' ra guang, kaa' ragu-ragu masangit mampalawo ra guang.

PINAINTALANG 2:7

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! Osoi ayuk mangala ra kuasa' ru kalaatan paakanon Ku io ra kawa' intor ra puun ru mampakaayag ondo' tumuu' ra Pirdaus.”

AMSAL 13:12

Bulintok kalansanan matutuk, guang pana matutuk; bulintok ra gogoton masugut, guang maansukan.

KASAUKAN 3:22

Indagu Tuhan i Aki Kapuuno', “Raino ulun no nasauk koson Ritakau am makakapandayan ra baal ondo' moonsoi am niayuk malaat. Ginio boo musiti' inggalarin ulun mangakan ra kawa' intor ra puun ondo' mangani' ra bayag, maa' raginio ulun kalo maayag ra sabubuoi no.”

KASAUKAN 2:9

Napatuu' Io ra ngaangai' puun ondo' mongoonsoi am mapasalula' ra kawa' ondo' moonsoi. Giu' ra tatanga' ru Taman no mokoondo' puun ondo' tuminuu' ondo' mangani' ra bayag am puun ondo' mangani' ra kapandayan ra baal ondo' moonsoi am niayuk malaat.

AMSAL 4:13

Kasalok no mangkara' ra pangilaan ondo' pinataak kuno rirun. Tagami' pangilaan kuno sabap ra pangilaan raginio magibit ra ampos ru kaayagan muno.

AMSAL 8:34

Pakaansuk noyo ulun ondo' mangkirongog raki', ondo' moonong orou manturung maginaa ra kulobon ru baloi kuno, am ondo' maginaa ra garabang ru baloi kuno.

MAMPATANOU 7:12

am nanampilon koson ra ruit. Pakaansuk noyo ulun ondo' nakapandai ra kapintaran no manindung ra ulun nompolonggom no.

AMSAL 8:32

Raino, rongogo' min aku, alii ra ulun mamulok! Gagayaa' min nanuluan kuli, akau pana makakaansayan.