AMSAL 24:9 - Tanou Moonsoi Timugon

⁹ Guangon ru ulun sasambungon ioginio tula ayuk. Ulun ondo' masalok maninduol ra bokon kasisangin ru osoi ayuk pana.

AMSAL 24:9 ပူးပေါင်းရင်းမြစ်များ

MATIUS 15:19

Sabap ra intor ra guang no matong pangkaraan malaat, ondo' mangayat ra sasangulun no mamatoi, lumapau, mambaal ra makauyuyu', mantakou, magabau, am mampaluta'.

2 KORINTUS 10:5

am mamuso ra ngaangai' sasaban ondo' manginga' ra ulun kalo makaulig ri Aki Kapuuno'. Kulawon mai guang ru ulun, maa' raginio gumagaya' ilo boo ri Kristus.

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

RINALATAN 8:22

Talikur kono ayuk ra paliso malaat muno, am pakiasi' no ra Tuhan maa' raginio pangkaraan muno ra malaat no ampunon No!

MATIUS 9:4

Napandayan ri Jisus atan guangon nilono, Io pana mindagu, “Kua ramuyun ti mangkara' ayuk ra baal ondo' malaat no?

AMSAL 29:8

Ulun ondo' masaga' magagasab makajajou ra titikop ru bandar, kaa' ulun mapintar makasimayo ra baal koson raginio.

AMSAL 24:8

Amon ru masalok kau mangatang ra kalaatan, mauligan kau koson ra gagaukon.

MATIUS 5:28

Kaa' raino ti balain takamin: Osoi ayuk pana monontong ra ruandu' am makaguang io, ulun raginio liminapau noyo ra ruandu' no ralalom guang nano.

JIRIMIA 4:14

Okou Jirusalim, kapasawo' guang muno intor ra ngaangai' kalaatan maa' raginio bayagon kou. Saboi sanggilan kou mangkara' ra malaat?

KASAUKAN 6:5

Paat nakito ru Tuhan ra mapara' laat ru ulun ru tana' ti am pangkaraan nilo magail malaat.

AMSAL 23:7

“Pangakan poyo,” kono, kaa' ragu nano kalo mabanis guang. Kabang nano maamis kaa' guang nano sala'.

AMSAL 22:10

Inggalari' ulun ra magasab, bagu no kolondo' pansangaran, pagansangan, am magulas.

MAZMUR 119:113

Masisang aku ra ulun ondo' kalo gumagaya' Rirun ra sotopot no, kaa' tagamin ku Ukum Muno.

KASAUKAN 8:21

Owou ru taak ri Nuu no mapabansuk ra guang ru Tuhan am igindagu Io galama', “Kalo boo ulason Ku tana' ti sabap ra binaal malaat ru ulun; nakapandai Aku noyo ra intor ayuk poyo ra mamulok, guang ru ulun malaat. Kalo boo luuson Ku ngaangai' ondo' maayag koson ra kakabaal Kunii.

AMSAL 9:7

Amon ru mansawai kau ra ulun malilimbau, magasab io rirun. Amon ru mansawai kau ra ulun malaat, magulas io rirun.

AMSAL 21:24

Ulun malilimbau am minsawat guang, masaga' mapakaruol ra guang am kolondo' guguang.