Pai' aku ukumi' mababaya' ra ulun ondo' maanggal-anggal, mababaya' ra ulun ondo' mambaal ra kalaatan – ulun ra maamis kabang, kaa' guang no natikop ra sisang.
Minongoi kau pantagi' ra makama kabalu' pana kolondo' sasaban am pinatasan ra kalo matimpok. Magabau kau am ingain min ondo' kolondo' onong; mampaguang kau koson mampajamar ra ulun bokon am mambaal ra kalaatan.
am indagu, “Okou no anak ru Tingganai ru riwato! Okou pantula' ru ngaangai' moonsoi. Mototop kou ra ruung malaat am manumbalik kou ra pangilaan motopot intor ra Tuhan!
Kaa' gitio noyo ragu ri Aki Kapuuno' ru Israil, i Aki Kapuuno' ondo' matulai, “Kalo lioon min ragu Kuno am lumansan kau ayuk ra kalaatan am pamparuungan.
Kaa' okou ondo' maguyum ayuk ra ampos galama'; mamatoi kou ra ulun ondo' kolondo' sala, am mangimbolo' ra mamagun muno ra malaat kaga'. Ginio noyo ragu ru Tuhan.