AMSAL 22:9 - Tanou Moonsoi Timugon

⁹ Ulun mataau am mantayar ra akanon no ra ulun musikin, barakaton io ru Tuhan.

AMSAL 22:9 ပူးပေါင်းရင်းမြစ်များ

AMSAL 19:17

Mangindangan ra ulun musikin nogondo' koson mapaira' ra Tuhan. Tuhan galama' mambalos riso.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.

1 PITRUS 4:9

Apuo' noyo rondo' am bokon giu' ra baloi mino ra kalo mambarui.

RINALATAN 20:35

Ginio ra nanulu' aku no ramuyun ra amon ru mangandoi takau koson raginio makapangindangan takau ra ulun malawo. Karaa' min ati kulaan bala' ru Tuhan Jisus ra io minindagu, ‘Moonsoi poyo mangani' intor ra makitaak.’ ”

IBRANI 13:16

Pai' kano pakalilian mambaal ra moonsoi am mangindangan ra rondo' am bokon, sabap raginio noyo koson ra taak simbalui ondo' mapabansuk ra guang ri Aki Kapuuno'.

LUKAS 14:13

Kaa' amon ru mampiau kou ra ulun mongoi akan ra baloi, piawo' niayuk ulun musikin, ulun kalo makalulu', ulun kimpo' am ulun bolou.

JISAYA 32:8

Kaa' ulun mabanis guang mangatang ra baal ondo' matimpok, am mamatas ralalom katimpakan.

AMSAL 21:13

Ulun ra kalo masaga' mangkirongog ra laa ru ulun musikin, kalo lioon bulintok ra io galama' makiindangan.

MAZMUR 112:9

Pataakon no rapu' nano ra ulun musikin, masalok io mataau, manguasa' io am urumaton ru ulun.

AMSAL 11:25

Ulun ra mataau kasaukan nano langkaya'. Ulun ra masaga' mangindangan iono indanganon niayuk.

MARKUS 7:22

lumapau, kumaluluung, mambaal ra makauyuyu', mamparuung, mangusolon, manimbaal ra ragu, malilimbau, bungas am atan ayuk kalaatan.

MATIUS 20:15

Maaru' makapanaak aku maya' ra guang kuno am ruit kuno galama'! Kua sangit kau ra kinataau ru guang kuno?’ ”

SAGULION 28:56

Mulu' piboo ra sangulun ruandu' moonsoi ondo' matanda' kaga' paliso nano, am langkaya' kaga' saboi kalo poyo igondo' mantana' mongoi ra ati intok, masauk koson raginio niayuk. Paat ra pantula' magawang ra bandar nano, majajalan io kaga' sabap maitilan, saboi ra suminok io mangakan ra lalagang ondo' bagu inanak nano, am niayuk supu ru lalagang no. Kalo masaga' io mantayar ra ralaki ondo' tagamin nano, kapoam ra anak-anak nano ondo' lakat poyo maayag.

AMSAL 31:20

Mataau io ra ulun musikin am mapagon.

AMSAL 11:17

Ulun ra moonsoi guang maulian inan nano galama'; ulun ra mapuka' mampalubat ra inan nano galama'.

AMSAL 11:27

Osoi masalok mambaal ra moonsoi kaansayin ru ulun; osoi maguyum ra kalaatan, io malumpa' ru kapaganan.

AMSAL 14:21

Ulun ondo' monogom ra ulun musikin makakaansukan; ulun magasab ra bokon io mambaal ra tula.

AMSAL 28:24

Osoi mantakou ra matuo nano am guangon no baal koson raginio kolondo' tula, io no nogondo' ayuk ra mantatakou.

AMSAL 28:27

Osoi mataau ra ulun musikin kalo matutusan. Osoi ondo' kalo mampalio ra ulun musikin iono ulason.