AMSAL 22:4 - Tanou Moonsoi Timugon

⁴ Ulun mangurumat am malaa' ra Tuhan, am niayuk minggana' guang mokoowot io ra kalangkayaan, urumaton, am maawar umur.

AMSAL 22:4 ပူးပေါင်းရင်းမြစ်များ

MATIUS 6:33

Sotopot no, gogoto' min galing ra i Aki Kapuuno' mamarinta ra kaayagan mino am baalo' noyo kasagaan Nano, am aniin kau boo ri Aki Kapuuno' ra ngaangai' baal ra bokon no.

JAKUBUS 4:10

Paingganaa' noyo guang mino ra saang ru Tuhan, am painsawaton kau boo ru Tuhan.

AMSAL 21:21

Ulun mabanis guang am moonsoi guang makaumur maawar. Urumaton io am matimpok pamakuan nilo riso.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

AMSAL 3:16

Kapintaran manaak rirun ra maawar painawo, am niayuk langkaya' am uramaton.

JAKUBUS 4:6

Am mulu' poyo boo kataawan Nano ritakau. Ginio ra tinulisan ra Buuk Kitab ra, “Ampangin ri Aki Kapuuno' ulun ondo' minsawat guang, kaa' mataau Io ra ulun ondo' minggana' guang.”

JISAYA 33:6

am manaak ra kaansayan ra ulun Nano. Magail Io manindung ra ulun Nano, am niayuk manaak risilo ra kapintaran am kapandayan. Rapu' nilo ra mokologo ioginio urumat am malaa' ra Tuhan.

1 TIMOTIUS 4:8

Mampalanat ra inan ayuk kalo kula' onong no, kaa' igigilaan ra kasagaan ri Aki Kapuuno' no mokoonong ra ngaangai' baal, sabap ra ginio mangani' ritakau ra kaayagan bagu raino am kaayagan mantilayun ra tauli no.

AMSAL 21:20

Ulun mapintar magulayun langkaya', kaa' ulun sasambungon anduson no rapu' nilono.

AMSAL 22:3

Ulun mapintar miliu ra makalalaa' amon ru makito no, kaa' ulun budu polosoon no inan nano malumpa' ru karaat am pansagulian guang nano ra tauli no.

AMSAL 22:5

Ulun ondo' malubatan ra painawo nano musiti' io minggalur intor ra jajaling am landak ondo' pinataan ra ralan ru ulun malaat.

AMSAL 29:23

Malilimbau mangkinibit ra karatuan, kaa' sangulun ondo' minggana' guang urumaton io.

AMSAL 31:30

Kinantalur ti mamparuung ra mato, am kalo mantilayun; kaa' sangulun ruandu' mangurumat ra Tuhan musiti' io omporon.

DANIL 4:36

“Paat ra aku nakaliman saguli', kinaayo am kinatulai kuno, am niayuk kauligan ra pamarintaan kuno pasagulion raki'. Pagawai-pagawai am ulun mangaatang kuno manguma' raki', am kakuasaan kuno koson ra raja' pasagulion raki', am kinatulai kuno masauk ra maayo poyo intor ragili.

AMSAL 19:23

Urumato' noyo Tuhan, am umur mino maawar. Kolondo' boo uyumon min am makalabus intor ra karaat.