AMSAL 2:7 - Tanou Moonsoi Timugon

⁷ Manaak Io ra pangindanganan am panindungan ra ulun ondo' mabanis guang.

AMSAL 2:7 ပူးပေါင်းရင်းမြစ်များ

AYUP 28:8

Bibiag masigo kalo igondo' baya' ra ralan no. Singa' pana kalo igondo' pansail ra ralan masiluk no.

MAZMUR 144:2

Io noyo mangampin am manungka' raki', mamamayag raki' am intok kuno sumindung; sumingkayut aku Riso maa' raginio maayag aku. Ngaangai' bansa' pinakuku' No ra kuasa' kuno.

MAZMUR 3:4

Kaa' Okou, iou Tuhan, ampin noyo ondo' manindung raki'. Manaak Kou raki' ra kamanangan am mapasaguli' ra ambiluo kuno.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

AMSAL 14:8

Ulun mapintar makapandai ra atan baalon nilo; ulun sasambungon maruung ru kabuduan nilo galama'.

AMSAL 28:18

Ulun mabanis guang bayagon, kaa' ulun ra namparuung iono pusoon ra sangkuliop ayuk.

AMSAL 30:5

Sinugut ri Aki Kapuuno' ngaangai' bantu' Nano. Io koson ra gagampin ru ngaangai' ulun ondo' makiampin Riso.

AMSAL 8:14

Aku noyo manaak ra pambalaan ra moonsoi, am niayuk namuun no. Mapintar aku am maikang.

1 KORINTUS 1:19

Sabap ra tinulisan noyo ra Buuk Kitab: “Kon ri Aki Kapuuno', ‘Pusoon Ku kapintaran ru ulun mapintar, am liomon Ku pangaratian ru ulun mapandai.’ ”

1 KORINTUS 1:24

Tanou raginio ralan ri Aki Kapuuno' mampakito ra kuasa' am kapintaran Nano risilo ondo' mangintopot Riso – iou pana ulun ru Jaudi kapoam sala' ka Jaudi.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

KOLOSI 2:3

I Jisus Kristus noyo ondo' nampasalula' ra ngaangai' kalangkayaan ru kapintaran am kapandayan ri Aki Kapuuno' ra ondo' kalo natutunan ru ulun ra buoi ti.