AMSAL 2:6 - Tanou Moonsoi Timugon

⁶ Tuhan noyo manaak ra kapintaran. Katutunan am karatian Io namuun.

AMSAL 2:6 ပူးပေါင်းရင်းမြစ်များ

1 RAJA'-RAJA' 10:24

Ngaangai' ulun ra titikop ru tana' ti moogot matong koson mangkirongog ra kapintaran ondo' tinaakan ri Aki Kapuuno' riso.

1 RAJA'-RAJA' 3:12

iowon Ku kitaakon muno. Manaak Aku rirun ra kapintaran am karatian ondo' kalo igondo' linonggom kapoam longgomon ru osoi pana.

1 RAJA'-RAJA' 3:9

Ginio ra anii' aku ra kapintaran ondo' gogoton kuno koson mamarinta ra ulun Muno ra matimpok, am maa' raginio mapandayan ku ondo' moonsoi am ondo' malaat. Amon ru kalo, kalo lair masaga' aku mamarinta ra ulun Muno ondo' maayo ti?”

1 RAJA'-RAJA' 4:29

Nanaak i Aki Kapuuno' ra Raja' Salomo ra kapintaran am kapandayan ondo' makaimuag kaga' am niayuk pangaratian ondo' malandom kaga'.

1 TUNUNG RU BANSA' ISRAIL 22:12

Gama' ru Tuhan, i Aki Kapuuno' muno mangani' rirun ra pangaratian am kapintaran, maa' raginio makapamarinta kou ra Israil sumugut ra Taurat Nano.

IJRA 7:25

“Musiti' okou, Ijra, manampakuan ra kapintaran ondo' pinataak ri Aki Kapuuno' rirun. Lantiko' tingganai-tingganai am akim-akim maa' raginio maningganai ra mamagun giu' ra Iprat Kalasaan, ondo' maayag sumugut ra Ukum ri Aki Kapuuno' muno. Musiti' okou mangila' ra Ukum no ra ngaangai' ulun ondo' kalo poyo nakapandai raginio.

NIGIMIA 7:5

Kopongo raginio nangani' i Aki Kapuuno' raki' ra inatangan koson manimung ra mamagun am tingganai-tingganai am niayuk pagawai-pagawai nilo, maa' raginio makapanguntob aku risilo maya' ra suang ru sasambaloi ondo' natulisan. Paat raginio nakatuum aku ra tinulisan ru ulun ondo' kasaa' toojo minuli' intor ra pamatiran. Gitilo noyo pinabala' ra masusui ondo' nakito kuno intor ra tinulisan no:

AYUP 12:16

I Aki Kapuuno' maikang am masalok makasugut; ulun mamparuung am ulun ondo' rinuung soroi ra ralalom ru kuasa' Nano.

AYUP 22:22

Apuo' noyo susuban ondo' tinaakan Nano; bulii' noyo ragu Nano ralalom ru guang muno.

AYUP 32:8

Kaa' sotopot no Ambiluo ri Aki Kapuuno' Ondo' Maayo Kaga' kuasa' ondo' mangani' ra kapintaran ra ulun.

MAZMUR 119:104

Ukum Muno napasauk raki' ra mapintar, ginio ra masisang aku ra ngaangai' paliso malaat.

MAZMUR 119:34

Paratio' toojo raki' Ukum Muno maa' raginio magagaya' ku, am baalon ku ra sotopot-topot ru guang kuno.

MAZMUR 119:98

Panusuban Muno mabaya' raki', ondo' mapasauk raki' mapintar poyo ka ilo pantula' kuno.

MAZMUR 19:7

Mato ru orou minsir intor ra pompor am muli' ra pompor. Kolondo' rondo' pana makasindung intor ra lasu' nano.

MAZMUR 19:8

Ukum ru Tuhan no naukop toojo, mampaligag ra salibuor. Panusuban ru Tuhan no maintopot, manaak ra kapandayan ra ulun ondo' mompogogot no.

MAZMUR 51:6

Natulaan aku Rirun – Okou ayuk, am nambaal aku ra baal-baal ondo' karaan Mu ra malaat. Motopot nangakiman Muno raki'; natimpok noyo ra Okou nangukum raki'.

MAZMUR 94:10

Sinangitan No ngaangai' bansa' – musiti' ukumin No ilo. Io no mangingila' ra ngaangai' ulun – musiti' masuang napandayan Nano.

KAINGKUALAN 31:3

Nanaak Aku ri Bijalil ra kuasa' Kuno. Nanaak Aku riso ra pangaratian, katasikan am kapandayan ralalom ngaangai' salinut ru kandoi seni:

AMSAL 6:23

Panuluan nilono koson ra sisilau ondo' mapaang, am pansawayan nilono manulu' ra ralan kaayagan ondo' moonsoi ramuyun.

MAMPATANOU 2:26

Nangani' i Aki Kapuuno' ra kapintaran, katutunan am kaansukan ru ulun ondo' napabansuk Riso. Kaa' ulun makatula sinusub No mangandoi maguyum ra rapu' am mangumung ra ampos, am pupus no ngaangai' no pataakin ra ulun ondo' mapabansuk ra guang ri Aki Kapuuno'. Ngaangai' no kolondo' onong, koson mangilou ra angin.

JISAYA 54:13

“Ngaangai' ulun muno masauk ra maamaya' Raki', lumangkaya' ilo.

JISAYA 8:20

Taam kau koson ragitio, “Rongogo' noyo pangilaan ru Tuhan! Ulun ra kalo matanda' ragu maya' ra pangilaan no, kolondo' kalansanan.”

DANIL 1:17

Nangani' i Aki Kapuuno' ra apat ngaulun ungkuyon mamulok no ra napandayan am katandaan ralalom kasusasteraan am falsafah. Rinuangan poyo, nangani' Io ri Danil ra mapandai koson mambala' ra arati' ru pinaintalang am inupi.

DANIL 2:21

Io no manguasa' ra bulintok am jam; Io mampasauk am mopolonggo' ra raja'; Io no mangani' ra kapintaran am pangaratian.

DANIL 2:23

Mongompor aku am mangurumat Rirun, iou i Aki Kapuuno' ru kinamatuaan kuno. Nangani' Kou raki' ra kapintaran am kaikangan; nangiou Kou ra pakiasian kuno, am nangani' ramon ra pataamon ra raja'.”

LUKAS 21:15

sabap ra Aku galama' mangani' ramuyun ra kapintaran tumaam, saboi kolondo' sangulun pana pantula' mino makaanggal kapoam makaansang ramuyun.

JUANIS 6:45

Tinulisan noyo ra Kitab ru Nabi-Nabi, ‘Ngaangai' ulun ilaan ri Aki Kapuuno'.’ Moonong ulun ondo' mangkirongog ri Ama' am migigila' intor Riso matong Raki'.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

JAKUBUS 1:5

Amon ru mokoondo' intor ramuyun no kalo mapintar, moonsoi ru makiasi' io ayuk ri Aki Kapuuno', maa' raginio aniin io ra kapintaran; sabap ri Aki Kapuuno' ti noyo manaak ra osoi ayuk ulun mabaya' ra asi' am kinataau ru guang Nano.