AMSAL 2:5 - Tanou Moonsoi Timugon

⁵ Bagu matutunan mu arati' ru malaa' ra Tuhan, am makaalap kou ra katutunan intor ri Aki Kapuuno'.

AMSAL 2:5 ပူးပေါင်းရင်းမြစ်များ

AMSAL 1:7

Koson mokoowot ra kaintutunan, pagulu akau musiti' mangurumat am malaa' ra Tuhan. Ulun sasambungon kalo maringkuanang ra kapintaran am marara' ilaan.

JIRIMIA 24:7

Aniin Ku ilo ra kasagaan nilo koson makarati' ra Aku noyo Tuhan. Koon raginio ilo masauk ra ulun Kuno, am masauk Aku ri Aki Kapuuno' nilo, sabap ra sumaguli' ilo Raki' ra sotopot ru guang.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.

LUKAS 10:22

Pinataakan ri Ama' ngaangai' Raki'. I Ama' ayuk rondo' makaulig ra Anak am Anak ayuk rondo' makaulig ra Ama'. Am osoi ayuk kasagaan ru Anak no mambala' am mampaulig ra Ama' Nano.”

JIRIMIA 9:24

Amon ru osoi pana mamanggo, musiti' io mamanggo sabap ra io nakaulig am nakarati' Raki', am ra Aku noyo Tuhan ondo' motogom ra ulun ra sabuoi-buoi no, am Aku mambaal ra matimpok am motopot. Ngaangai' no makabansuk ra guang Kuno. Aku, Tuhan, nakaindagu noyo.”

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

GOSIA 6:3

Ibok pirot takano koson mulig ra Tuhan. Maaru' matong Io ritakau koson ra orou tumawang, am koson ra rasam ondo' mamasa' ra tana' ti bulintok ra mambusak.”

JIRIMIA 31:34

Kolondo' sangulun pana risilo musiti' mangila' ra ulun pogondo' nano koson mulig ra Tuhan, sabap ra ilo ngaangai', maayo boborok, makaulig Raki'. Lilianin Ku kasalaan nilo am mangampun ra tula nilo. Aku, Tuhan, nakaindagu noyo.”

AMSAL 9:10

Amon ru sumauk kau ra ulun mapintar, pagulu musiti' no mangurumat am malaa' kau ra Tuhan. Amon ru mulig kau ra Io Ondo' Matulai Kaga', paration kau.

AYUP 28:28

Indagu i Aki Kapuuno' ra ulun, “Koson makaalap ra kapintaran, musiti' kau malaa' am mangurumat ra Tuhan. Koson makaalap ra karatian, musiti' kau mangiruan ra kalaatan.”

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

AMSAL 8:17

Tagamin ku ulun ra motogom raki', ondo' totopot maguyum raki', makatuum raki'.

AMSAL 28:7

Ulun mamulok ondo' gumagaya' ra ukum io no mapintar. Ulun makimangkubayau ra mangangandus mapakauyu' ra ama' nano.

JISAYA 33:6

am manaak ra kaansayan ra ulun Nano. Magail Io manindung ra ulun Nano, am niayuk manaak risilo ra kapintaran am kapandayan. Rapu' nilo ra mokologo ioginio urumat am malaa' ra Tuhan.