AMSAL 17:3 - Tanou Moonsoi Timugon

³ Mas am pirok kinamin ru apui, kaa' guang ru ulun kinamin ru Tuhan.

AMSAL 17:3 ပူးပေါင်းရင်းမြစ်များ

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

AYUP 23:10

Kaa' nakapandai i Aki Kapuuno' ra moonong tumpang kuno; amon ru kinamin aku, mainono' kinapasau ru guang kuno.

AYUP 28:1

Mokoondo' lombong-lombong intok natuuman ra pirok, mokoondo' intok-intok pamasawan ra mas.

MAZMUR 139:23

Urioo' aku no, iou Aki Kapuuno', am kangkamo' noyo guang kuno; pangkinaman no raki' am kapandayi' pangkaraan kuno.

MAZMUR 26:2

Pangimumui no raki', iou Tuhan, am kinami' aku no, imonolo' toojo guangon kuno am pangkaraan kuno.

MAZMUR 66:10

Iou Aki Kapuuno', nangkinam Kou ramon, koson ra pirok inisasan ra apui.

AMSAL 15:11

Amon ru makapandai Tuhan no ra nansalinut baal intor ra tana' ru ulun minatoi, maaru' mapandayan No niayuk pangkaraan ru ulun.

AMSAL 16:2

Moonong baalon ru ulun maaru' lair moonsoi ra pangkaraan nano galama', kaa' Tuhan mangaru' ra logo gogot ru guang nano.

AMSAL 17:2

Ulipon ra mapintar kuasaan no anak ru tuan nano ra mapakauyu', am tungkuson no santayaran ra rapu' no.

AMSAL 21:2

Pangkaraan ru ulun nansalinut binaal nilono moonsoi; kaa' karaa' noyo, mapandayan ru Tuhan suang ru guang ru ulun.

AMSAL 27:21

Mas am pirok kinamin ra apui; ulun urioon maya' ra paliso nano ra omporon.

JISAYA 48:10

Kininaman Takamin noyo ra apui kaimbalaan, koson ra pirok pinalunau ra apui.

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

YEHEZKIEL 22:18

“Okou ulun mapandai matoi, ulun ru Israil kolondo' onong Raki'. Ilo koson ra ginsamol ru basi' – tambaga', timah mapulak, basi', am timah maitom – ondo' soroi malupus pirok kinapasau giu' ra ralalom ru rapuan.

DANIL 11:35

Kukula' ngaulun tingganai ondo' mangapintar no potoyon, kaa' kinibit no ulun raginilo masauk ra mapasau. Baal raginio masauk saboi kaampusan ru jam ondo' inaru' ri Aki Kapuuno'.

JAKARIA 13:9

Sampitalu ayuk intor ra mamagun nano maayag. Kapasawon Ku ilo koson ra pirok tinuyu' toojo ru apui. Kinamin Ku ilo koson ra ulun mangkinam ra mas. Ilo pana makiasi' boo Raki', am iowon Ku pakiasian nilo. Balain Ku ilo ra ilo ulun Kuno, am ilo pana mangiou ra Aku Tuhan, i Aki Kapuuno' nilo.”

SAGULION 8:16

Giu' ra tana' kaagisan nanaak Io ramuyun ra manna, rondo' salinut ru akanon ondo' kalo igondo' akano' ru kinamatuaan min. Naparatong Io ra kapaganan koson mangkinam ramuyun, maa' raginio paat ra pupus no mobonsoi Io ramuyun.

SAGULION 8:2

Karaa' noyo ati kulaan Tuhan i Aki Kapuuno' min naningganai ramuyun ralalom pangkiralanan ra maalur giu' ra tana' kaagisan buoi apat ngoopor ngambilor ragili; naparatong ra kapaganan koson mangkinam ramuyun maa' raginio makapandai Io ra suang ru guang min, am makapandai ra gumagaya' kau kapoam kalo ra susuban Nano.

1 PITRUS 1:7

Sotopot no, ginio rondo' pangkinaman ayuk ru toojo kau kia mangintopot ri Aki Kapuuno' kapoam kalo. Mas pana, ondo' maalap kalunsai, solobon niayuk ra apui. Atan poyo ra pangintapatan mino ondo' mologo poyo intor ra mas, maaru' kinamin niayuk, maa' raginio maikang boo. Am intor raginio maaya' kau koompor am kaurumat ra Orou Papaintalangan ri Jisus Kristus.

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.