AMSAL 16:2 - Tanou Moonsoi Timugon

² Moonong baalon ru ulun maaru' lair moonsoi ra pangkaraan nano galama', kaa' Tuhan mangaru' ra logo gogot ru guang nano.

AMSAL 16:2 ပူးပေါင်းရင်းမြစ်များ

AMSAL 21:2

Pangkaraan ru ulun nansalinut binaal nilono moonsoi; kaa' karaa' noyo, mapandayan ru Tuhan suang ru guang ru ulun.

1 SAMUIL 16:7

Kaa' indagu Tuhan ri Samuil, “Pai' ilai' sawat ru inan nano kapoam kinaindon ru bulos nano; sala' ka io pinili' Kuno. Kalo magilong Aku ra ulun koson ra ulun magilong. Ulun magilong ra bulos kaa' Aku magilong ra guang.”

LUKAS 16:15

Indagu i Jisus risilo, “Paliso mino koson moonsoi ayuk ra pagilangan ru ulun, kaa' suang ru guang mino napandayan ri Aki Kapuuno'. Atan ondo' kinara' ru ulun ra mokologo, kolondo' logo ra pagilangan ri Aki Kapuuno'.

AMSAL 30:12

Mokoondo' ulun mindagu ra ilo no matulai, sotopot no majamol kaga'.

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

AMSAL 24:12

Magu' lair mindagu kau ra babaal raginio sala' ka kandoi min, kaa' i Aki Kapuuno' makapandai am balasin no akau maya' ra binaal mino.

MAZMUR 36:2

Tula mindagu ra liagu ru guang ru ulun malaat, impayin nilo i Aki Kapuuno' am kalo malaa' Riso,

AMSAL 5:21

Makito ru Tuhan ngaangai' binaal mino. Ati ayuk ongoyon mino, magilong Io ramuyun.

AMSAL 16:25

Ralan ondo' kinara' ra moonsoi no pupus nali tumingkuang ra kapatayan.

DANIL 5:27

Timbangon arati' no tinimbang kou noyo am napandayan ra mamaan kaga'.

JISAYA 26:7

Ralan ondo' binayaan ru ulun moonsoi no mabanis, sabap ra Okou, Tuhan, kinabanis Mu ginio risilo.

PINAINTALANG 2:23

Potoyon Ku niayuk maamaya' nano, am ngaangai' boo ru pasimpungan ulun Kristian makatutun ra Aku noyo Io ondo' makapandai ra pangkaraan am guang ru sasangulun. Balasin takamin maya' ra binaal mino sigagama'.

PINAINTALANG 2:18

“Tulisi' koson ragitio ra malaikat ru pasimpungan ulun Kristian ra bandar Tiatira: “Gitio noyo bilin intor ra Anak ri Aki Kapuuno', ondo' mato Nano mapaang koson ra apui am kalayam Nano makabinusasal koson ra gangsa' ondo' manguliat.

1 SAMUIL 2:3

Langgai' noyo ragu muno ra malilimbau, pai' indagu ra ragu masumbung. Sabap ra Tuhan no i Aki Kapuuno' Ondo' Makapandai Kaga', mangakim Io ra ngaangai' baalon ru ulun.

AMSAL 12:15

Ulun sasambungon masalok mangkara' ra io motopot, kaa' ulun mapintar mangkirongog ra bilin.

UNTABAN 22:32

Indagu malaikat no, “Kua kia lambaa' mu kaladai muno saboi intalu? Aku ondo' nongompong ra pangkiralanan muno, sabap ra kalo musiti' no mugar kou.

TINGGANAI RU BANSA' 7:6

Suang talu ngaatus ngaulun mantila' ra timug intor ra kalindu', liliwa' ondo' bokon migulatur ra manginum.

TINGGANAI RU BANSA' 17:6

Paat raginio ulun ru Israil lakat poyo kolondo' raja'. Moonong ulun mambaal ra atan ondo' karaan no ra motopot.

AMSAL 17:3

Mas am pirok kinamin ru apui, kaa' guang ru ulun kinamin ru Tuhan.