AMSAL 15:4 - Tanou Moonsoi Timugon

⁴ Ragu-ragu ra moonsoi mangunsu' ra guang, kaa' ragu-ragu masangit mampalawo ra guang.

AMSAL 15:4 ပူးပေါင်းရင်းမြစ်များ

AMSAL 12:18

Ragu-ragu ra moporos makapilat ra guang koson motobok ru ilang, kaa' ragu ra mapintar koson ra tatapis makapali'.

AMSAL 16:24

Ragu-ragu ra molomoi koson ra ruu' maningot – matamis am niayuk makaligag ra inan.

AMSAL 18:8

Ragu simbaalon maamis kaga'; masaga' ulun monolon.

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

AMSAL 3:18

Ulun ondo' masauk mapintar pamalimanan nano makaansuk, am makaalap ra kaayagan motopot.

AMSAL 18:14

Gogot ra maayag makasaan ra imbolo' ru maruol kaa' amon ru maliom gogot no, matatak noyo ngaangai' kalansanan.

PINAINTALANG 2:7

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! Osoi ayuk mangala ra kuasa' ru kalaatan paakanon Ku io ra kawa' intor ra puun ru mampakaayag ondo' tumuu' ra Pirdaus.”

1 TIMOTIUS 6:3

Osoi ayuk mangila' ra pangilaan ra bokon am kalo mangiou ra pangilaan motopot intor ra Tuhan takau i Jisus Kristus kapoam pangilaan ru ugama takau,

AMSAL 26:22

Mangalimut moonsoi ra limanin, ulun masaga' monolon.

MAZMUR 109:22

Musikin am naimbolo' aku; napilat kaga' guang kuno.

AMSAL 15:3

Makito ru Tuhan atan kasaukan ru titikop intok; magilong Io ritakau, nambaal kia ra moonsoi kapoam malaat.

AMSAL 15:5

Ulun sasambungon mangimpai ra ilaan ru ama', kaa' ulun mapintar mampalio ra sawai.

AMSAL 10:11

Ragu-ragu ru ulun moonsoi magibit ra kaayagan moonsoi, ragu-ragu ru ulun malaat masibuni kalaatan.