AMSAL 14:3 - Tanou Moonsoi Timugon

³ Ulun sasambungon ondo' malilimbau masulungan ru ragu-ragu nilo, kaa' ragu-ragu ru ulun mapintar mangampin risilo.

AMSAL 14:3 ပူးပေါင်းရင်းမြစ်များ

AMSAL 12:6

Ragu-ragu ru ulun malaat makapatoi, kaa' ragu-ragu ru ulun mabanis guang mapakaayag.

PINAINTALANG 12:11

Pabukat-pabukat takau nangala noyo riso sabap ra Anak Domba nampasasar ra raraa' Nano, am sabap ra katapatan intor ri Aki Kapuuno' ondo' pinatanou nilo: am nakatampos ilo pampataak ra painawo nilono ra potoyon.

PINAINTALANG 3:10

Sabap ra kaimbalaan, bagu alungin takamin ra kapaganan maayo ondo' matong mangkinam ra ngaangai' ulun ru tana' ti.

2 PITRUS 2:18

Ragu nilai masumbung am sasambungon. Pansasawaan nilono mamparuku' ra ulun ondo' bagu ayuk poyo timinalikur intor ra kaayagan nakalayau.

DANIL 7:20

Masaga' aku makapandai intor ra mopor sangau ra ulu nano, am intor ra sangau boborok ondo' minujak ra pupus, ondo' nangkinibit ra nabubul talu sangau ra bokon. Sangau boborok no mokoondo' ra mato am kabang ondo' mindagu ra lumimbau. Sangau boborok no makalalaa' poyo intor ra sangau-sangau ra bokon.

AMSAL 28:25

Paliso ra mangangkum maparatong ra kapaganan. Osoi sumingkayut ra Tuhan iono makakaansukan.

AMSAL 22:8

Ulun mapatias ra kalo matimpok mangkumos ra karaat, am kuasa' nano koson mangimbolo' ra ulun bokon pupusin.

AMSAL 21:24

Ulun malilimbau am minsawat guang, masaga' mapakaruol ra guang am kolondo' guguang.

AMSAL 18:6

Amon ru ulun sasambungon mapatabual ra pantataaman, ilo no makilamba'.

MAZMUR 57:4

Intor ra suruga' taamon am bayagon No aku; kalaan No ulun ondo' mangulipon raki'. I Aki Kapuuno' manulu' raki' ra togom am gagaya' Nano raki'.

MAZMUR 12:3

Ngaangai' ulun magabau ra rondo' am bokon, am mamparuung am mantaligamis ra rondo' am bokon.

AYUP 5:21

Mamayag i Aki Kapuuno' rirun intor ra abau am simbaalin ra ragu; mamayag Io rirun paat ra kapusaan matong.

1 SAMUIL 2:3

Langgai' noyo ragu muno ra malilimbau, pai' indagu ra ragu masumbung. Sabap ra Tuhan no i Aki Kapuuno' Ondo' Makapandai Kaga', mangakim Io ra ngaangai' baalon ru ulun.

MAZMUR 31:18

Mampiau aku Rirun, iou Tuhan; pai' aku polosoo' tauyuon. Polosoo' ayuk ulun malaat tauyuon, am kalinuos nilo tumuun ra intokon ru ulun namagatoi.

AMSAL 14:4

Amon ru kolondo' sapi' mamparadu' ra lanau, kalukub kolondo' suang; kaa' ra kinaikang ru sapi', kalukub no mososok.

AMSAL 13:3

Ulun mindagu ra totomolon ayuk, mangampin ra inan galama'. Ulun mindagu ra jajajou, maninduol ra inan galama'.

AMSAL 18:7

Ragu ru ulun sasambungon makasulung risilo galama' am mamuso risilo.