AMSAL 13:7 - Tanou Moonsoi Timugon

⁷ Mokoondo' ulun sumalu ra langkaya', sotopot no kolondo' atan-atan linonggom no. Mokoondo' niayuk sumalu ra ulun musikin, sotopot no langkaya' io.

AMSAL 13:7 ပူးပေါင်းရင်းမြစ်များ

PINAINTALANG 3:17

Minindagu kau, ‘Langkaya' aku; kalo nalimusan aku ra atan ayuk pana.’ Kaa' kalo nakapandai kau ra makaasi'-asi' baal mino! Kunsikang kau, nagibabaang am bolou.

AMSAL 12:9

Moonsoi poyo masauk ra ulun nasuangan ondo' mokoondo' ra pangandayan, kaa' migiangku ra ulun maayo kaa' maitilan.

AMSAL 11:24

Mokoondo' ulun mataau, ka rumuang kinalangkaya' nano. Mokoondo' ulun makalit, kaa' rumuang kinamusikin nano.

2 KORINTUS 6:10

Kabalu' pana guang mai pangilukon, kaa' maansukan akai niayuk. Ilain ayuk ra akai ti musikin, kaa' masuang ulun palangkayaan mai. Ilain ra rondo' ayuk pana kolondo' ramon, kaa' sotopot no akai tatangan ra ngaangai' no.

2 KORINTUS 4:7

Akai ti koson ra pagangan tana', ondo' nambulian ra rapu' mokologo intor ra suruga'. Ginio mampakito ri Aki Kapuuno' noyo maayo kaga' kuasa', am sala' ka akai.

2 PITRUS 2:19

Ulun-ulun migigiangku ra mangingila' no mambantu' ra ulun-ulun no ra ralan kalabusan, kaa' ilo galama' inulipon noyo ru kinibit malaat ondo' mamuso risilo ra tauli no. Sabap ra osoi ayuk kuasaan ru atan ayuk pana kalaatan, ulipon io niayuk ru ginio.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

LUKAS 12:21

Pupusi' boo ri Jisus, “Gitio noyo pinambalos ra ulun ondo' lumuntuk ayuk manimung ra kuliamos, kaa' sotopot no musikin io ra pagilangan ri Aki Kapuuno'.”

AMSAL 13:11

Linangkayaan noowot ra ralan maluoi, makai' mataki', kaa' rapu' ra tinimung-timung rumuang poyo.

PINAINTALANG 2:9

Nakapandai Aku ra kapaganan mino; nakapandai Aku ra musikin kau, kaa' sotopot no langkaya' kau ra pangintapatan! Nakapandai Aku ra inuwan kau ru ulun migiangku ra ulun ru Jaudi, ondo' sotopot no sala' ka Jaudi; ilo ti maamaya' ru Tingganai ru riwato!

1 KORINTUS 4:8

Indoson min kia ra mokoondo' kano ngaangai'? Langkaya' kano tupo. Mamarinta kano koson ra raja'. Kaa' akai ti kalo. Mapara' boo bonsoi no amon ru totopot niayuk nasauk kau ra raja', maa' raginio makapabaya' takau mamarinta.

LUKAS 12:33

Talano' ngaangai' rapu' mino, am ruit no tatayaro' ra ulun-ulun musikin. Baalo' min rumpit pambulian ra ruit ondo' kalo maapu', ioginio rapu' giu' ra suruga' ondo' mantilayun, kalo matakou am kalo niayuk mokokot ru lipos.

LUKAS 12:20

Kaa' indagu i Aki Kapuuno' riso, ‘Ulun sasambungon! Rondom ra raiti' niayuk patayan muno! Osoi mangalap ra ngaangai' ondo' tinimung muno galama'?’ ”

AMSAL 13:8

Ulun langkaya' mamakai ra ruit maa' raginio kaayagan nano moonsoi ayuk, kaa' ulun musikin makalabus intor ra kaayagan makalalaa'.