AMSAL 10:9 - Tanou Moonsoi Timugon

⁹ Ulun mabanis guang, kaayagan nano kalinuos ayuk; ulun ra mamparuung pupus no mapandayan niayuk.

AMSAL 10:9 ပူးပေါင်းရင်းမြစ်များ

AMSAL 28:18

Ulun mabanis guang bayagon, kaa' ulun ra namparuung iono pusoon ra sangkuliop ayuk.

MATIUS 10:26

“Pai' no kalaa' ra ulun raginilo sabap ra atan ondo' nolopot bungkalaron am moonong ondo' inopot pasalulaan.

1 TIMOTIUS 5:25

Mogondo' niayuk ra baal moonsoi, maluoi makito ru ulun; kaa' ondo' kalo maluoi makito pana, kalo niayuk mabuni.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

AMSAL 3:23

Moonsoi ugar muno, kalo makasaru kou.

MAZMUR 84:11

Moonsoi poyo mayan songorou ra Baloi Muno ka saribu ngoorou ra intok ra bokon; maansayan aku migor ra kulobon ru Baloi ri Aki Kapuuno' kuno ka mayan ra baloi ru ulun malaat.

MAZMUR 25:21

Gama' ru kaansayan am kabanisan ru guang kuno mantamung raki', sabap ra mangintopot aku Rirun.

AMSAL 17:20

Ulun ra mamparuung kolondo' kaansukan; ulun ra majamol kabang makaalap ra kajamaran.

MAZMUR 23:4

Kabalu' pana mansail aku ra intok ondo' mapiot kinolondom, kalo malaa' aku, iou Tuhan, sabap ra Okou mabaya' raki'. Manindung Kou raki' ra jujuga' am niayuk lalapos Muno.

AMSAL 26:26

Kabalu' pana masibuni no kasisangan nano, kaa' makito niayuk kalaatan nano.

KASAUKAN 17:1

Paat umur ri Abram siam ngoopor am siam ngambilor, minintalang Tuhan riso am indagu, “Aku noyo i Aki Kapuuno' Ondo' Maayo Kaga' Kuasa'. Gagaya' no Raki' am kasalok no mambaal ra kasagaan Kuno.

AYUP 8:20

Kaa' i Aki Kapuuno' kalo igondo' nangiruan ra ulun ondo' gumagaya', Kalo igondo' No indangano' ulun malaat.

AMSAL 28:1

Ulun malaat masimbul kabalu' pana kolondo' ulun mangilou risilo, kaa' ulun mabanis guang baani koson ra singa'.