AMSAL 10:4 - Tanou Moonsoi Timugon

⁴ Ulun matiar ampos nano musikin, kaa' ulun marajin ampos nano langkaya'.

AMSAL 10:4 ပူးပေါင်းရင်းမြစ်များ

KASAUKAN 26:32

Paat ra orou raginio niayuk, ratong ulipon-ulipon ri Isak am pambala' riso ra tulubong ondo' kinali nilono. Konilo, “Nakatuum akai ra timug.”

AMSAL 10:5

Ulun mapintar manimung ra ampos ru kandoi no bulintok mangkumos; ulun mombolong bulintok raginio mapakauyu' ra inan galama'.

AMSAL 11:24

Mokoondo' ulun mataau, ka rumuang kinalangkaya' nano. Mokoondo' ulun makalit, kaa' rumuang kinamusikin nano.

AMSAL 12:24

Mapirot mangandoi mapasauk ra ulun makakuasa', kaa' matiar mangkinibit ra ulun masauk ra ulipon.

AMSAL 12:27

Ulun matiar kalo igogondo' kasaboi gogoton nilono, kaa' ulun mamaan kalindu' mokoowot ra rapu' masuang.

AMSAL 13:4

Ulun matiar ondo' masuang gogoton, kalo masugut no. Ulun mamaan kalindu' makaalap ra atan ayuk gogoton no.

AMSAL 18:9

Ulun matiar nogondo' laat nano ra ulun masaga' mangkinibit ra kalaatan.

AMSAL 19:15

Ulun ra magail mombolong am matiar musiti' no maitilan.

AMSAL 19:24

Mokoondo' ulun matiar kaga' saboi kalo masaga' mangakan galama'.

AMSAL 20:13

Ulun ra mobobolong masauk ra musikin. Ulun ra mapirot mangandoi makaalap masuang akanon.

AMSAL 20:4

Ulun ondo' matiar mantagumo ra bulintok nano, kolondo' ampos ru tana' no ra bulintok mangkumos.

AMSAL 21:5

Inatangan ru ulun marajin makaampos ra lumuab-luab kaa' pamatasan ra maajag-ajag mangkinibit ra kalubatan.

MAMPATANOU 10:18

Taap ru baloi mapasut amon ru kalo punaan, am pupus no maaba' baloi no kinibit ru katiaran.

JUANIS 6:27

Pai' kano paguyum ra akanon ondo' mataki' malaat. Kaa' paguyum kano ra akanon ondo' tumaan, ioginio mangani' ra kaayagan motopot am mantilayun. Anak ru Ulun noyo mangani' ramuyun ra akanon ragitio, sabap ra i Aki Kapuuno' noyo galama' nangiou Riso.”

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.