AMSAL 1:7 - Tanou Moonsoi Timugon

⁷ Koson mokoowot ra kaintutunan, pagulu akau musiti' mangurumat am malaa' ra Tuhan. Ulun sasambungon kalo maringkuanang ra kapintaran am marara' ilaan.

AMSAL 1:7 ပူးပေါင်းရင်းမြစ်များ

AYUP 28:28

Indagu i Aki Kapuuno' ra ulun, “Koson makaalap ra kapintaran, musiti' kau malaa' am mangurumat ra Tuhan. Koson makaalap ra karatian, musiti' kau mangiruan ra kalaatan.”

MAZMUR 111:10

Mangurumat ra Tuhan iono rondo' ralan mokoowot ra kapandayan; ulun ondo' gumagaya' tuluin No. Omporon noyo Tuhan ra sabuoi-buoi no!

AMSAL 1:22

“Alii ra ulun budu! Kula' poyo buoi ra akau masauk ra budu? Kula' poyo buoi ra akau magasab ra katutunan? Sanggilan akau migigila'?

AMSAL 15:32

Ulun ra marara' migigila', kalo mangurumat ra inan nilono. Ulun mangkirongog ra pansawayan, masauk ra mapintar poyo.

AMSAL 15:33

Urumat am malaa' ra Tuhan ginio ralan mokoowot ra kapintaran. Urumat siguluin ru ingganaan ru guang.

AMSAL 15:5

Ulun sasambungon mangimpai ra ilaan ru ama', kaa' ulun mapintar mampalio ra sawai.

AMSAL 18:2

Ulun sasambungon kalo lioon nilo ru makarati' ilo kapoam kalo. Paingkualon nilo ayuk atan makara' nilo galama'.

AMSAL 2:5

Bagu matutunan mu arati' ru malaa' ra Tuhan, am makaalap kou ra katutunan intor ri Aki Kapuuno'.

AMSAL 23:9

Pai' kinam pambilin ra ulun sasambungon; kalo maringkuanang ilo ra bilin mino.

AMSAL 9:10

Amon ru sumauk kau ra ulun mapintar, pagulu musiti' no mangurumat am malaa' kau ra Tuhan. Amon ru mulig kau ra Io Ondo' Matulai Kaga', paration kau.

MAMPATANOU 12:13

Gitio noyo ontoson ragu intor ra ngaangai' no: Uramato' noyo i Aki Kapuuno' am gagaya' no ra ngaangai' susuban Nano, sabap ra ginio noyo kuayan itakau ulun inangun.

ROMA 1:28

Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.

SAGULION 4:6

Gagayaa' noyo ukum no ra matanda'. Koson raginio, kapintaran min makito toojo ra ulun ra bokon. Paat akau nokorongog ra ngaangai' ukum no, mindagu kau, ‘Mapara' kinapintar am kinatanda' ru bansa' ondo' maayo no!’