AMOS 9:13 - Tanou Moonsoi Timugon

¹³ Indagu Tuhan, “Masaboi paat nano, paat gandum tumuu' ra mataki' saboi bulintok mangkumos kolondo' pupus nano. Puun ru anggur tumuu' ra mataki' kaga' gumayo saboi mambaal ra wain kalo lumonggo'. Wain ra matamis momosok intor ra kagunungan, am tumilis intor ra kabuluran.

AMOS 9:13 ပူးပေါင်းရင်းမြစ်များ

KASAUKAN 49:11

Pinarukug no anak kaladai ra puun anggur, puun anggur ra moonsoi kaga'. Mampupu' io ra konoon nano ra wain, koson ra kinalia' ru raraa'.

MAZMUR 97:5

Bulur lumuu' koson ra dian ra saang ru Tuhan, ra saang ru Tuhan titikop ru tana' ti.

JISAYA 16:10

Ragino kolondo' osoi-osoi pana maansukan ra tana' ondo' malabung no. Kolondo' osoi-osoi pana magitatapap ra longon kapoam marimbai ra umo-umo ru anggur. Kolondo' boo mamaga' ra kawa' ru anggur. Puau ra kaansukan limininos noyo.

JISAYA 55:13

Puun ru sipris sumuali ra karuuyan, tatanom ru bunga' sumuali ra bulungkut makaruui. Ginio masauk maa' raginio anggakon Aku; koson tatandu' mantilayun ra kalo matatak.”

YEHEZKIEL 28:26

Mayan ilo ra giu' ra moonsoi. Manambaloi ilo am manangumo ra anggur. Ukumin Ku ngaangai' pasambalayan nilo ondo' igondo' nagasab risilo, am Israil maayag ra moonsoi. Makapandai ilo boo ra Aku noyo Tuhan, i Aki Kapuuno' nilo.”

YEHEZKIEL 36:35

Moonong ulun mindagu boo ra tana' ondo' ragili kolondo' tutuu' nasauk boo koson ra Taman Idin, am bandar-bandar ondo' linunsai, tinakawan am pinoloso napuut, raino nasauk ra bandar mokoondo' ra kubu am inayanan ru ulun.

JOIL 2:24

Intok pangagikan ra gandum mososok ra gandum, am intok mamaga' ra kawa' ru anggur malabaan ra wain am umau jaitun.

JOIL 3:18

Paat raginio gunung libungin ru umo ru anggur; bibiag tinambiag soroi giu' ra moonong bulur; ngaangai' sungoi giu' ra Jiuda totopon ra timug. Rondo' sungoi tumilis intor ra Baloi ru Tuhan; sungoi no manimug ra Limayak Akasia.

JOIL 3:20

Mansuli' Aku ra bala nilo ondo' pinatoi; kalo mompoloso Aku ra ulun ondo' makasala no makalabus. Kaa' Jiuda am Jirusalim ayanin ru ulun ra sabubuoi no, am Aku, Tuhan mayan giu' ra Bulur Sion.”

IMAMAT 26:5

Ampos ru tatanom mino masuang kaga' saboi lakat poyo mangkumos kau ra gandum paat pangupuan ra kawa' ru anggur, am lakat poyo mangupu' kau ra kawa' ru anggur paat pantanaman ra gandum. Mokoowot kau ra akanon ondo' maukop, am maayag mamio-mio giu' ra pagun mino.

AMOS 9:5

Paat ra Tuhan Raja' Ondo' Maayo Kaga' Kuasa' makakambong ra tana' ti, mogonggon boo tana', am ngaangai' ru mamagun nano manulaboi. Titikop ru tana' magaloi tumuun koson ra Sungoi Nil.

JUANIS 4:35

Kon ru ulun, ‘Apat poyo ngambulan am mangkumos noyo.’ Kaa' pulolowo' min noyo umo ra nangalia' no, sama' noyo kumoson.

TINGGANAI RU BANSA' 5:5

Mauyog gunung ra saang ru Tuhan, pangnguasa' ru Sinai, giu' ra saang ru Tuhan i Aki Kapuuno' ru ulun ru Israil.