AMOS 9:11 - Tanou Moonsoi Timugon

¹¹ Indagu Tuhan, “Masaboi paat no ra Aku mapatapuli' ra pamarintaan ri Daut. Raino pamarintaan raginio nasauk koson ra baloi ondo' natuyas. Punaan Ku timbok nano am baalon sagulio' saboi masauk koson ra galing i.

AMOS 9:11 ပူးပေါင်းရင်းမြစ်များ

AYUP 1:10

Masalok Kou manindung riso am sasambaloi nano am ngaangai' longgom nano. Suguton Mu ngaangai' kandoi piroton nano, am mangani' Kou riso ra masuang bibiag tinambiag saboi namapak ra titikop ru pagun.

MAZMUR 143:5

Makara' ku orou ra galing; mangkara' aku ra ngaangai' binaal Muli, mangundasa' aku saguli' ra ngaangai' binaal Muli.

MAZMUR 80:12

Pango-pango nano sumanai ra Raat Tanga', umbus-umbus nano makasuku' ra Sungoi Iprat.

MAZMUR 89:40

Linugut Mu bantu' Muli ra ulipon Muno, am pinatiran Mu karaun nano ra losok.

JISAYA 16:5

Kopongo raginio sangulun intor ra papag ri Raja' Daut masauk ra raja' ondo' mamarinta ra ulun nano ralalom katagaman am pampagagayaan. Raja' mataki' lumingat koson mambaal ra katapatan, am mapaundok ra katimpakan.)

JISAYA 5:5

Gitio noyo baalon kuno ra umo ru anggur kuno: bubulon ku insor ra liput nano, am mamalunsai ra timbok nakasindung riso, am mopoloso ra bibiag masigo mongkotop riso am manginginjang riso.

JISAYA 58:12

Bandar ondo' lair noyo nasauk ra tuntur ru napuutan baalon min sagulio' ra nambaalan lair. Piawon kau ra ‘Bansa' ondo' nambaal saguli' ra timbok-timbok am nambaal saguli' ra baloi-baloi ondo' natutuk.’ ”

JISAYA 63:11

Kaa' ilo pana nakakara' bulintok ra galing i, ioginio paat ri Musa, ulipon ru Tuhan. Ilo pana nangkuot, “Ati kia Tuhan, ondo' nangaak ra ulun am tingganai-tingganai nilono maya' ra raat? Ati kia Tuhan ondo' nanaak ra kuasa' Nano risilo?

JISAYA 65:9

Barakaton Ku ulun ru Israil intor ra bansa' ru Jiuda. Papag nilo mompolonggom ra tana' kagunungan Kuno. Ulun pinili' Kuno ondo' mangandoi ayuk Raki' no mayan ra giu' no.

JIRIMIA 18:9

Kaa' amon ru namatas Aku koson mampabigor kapoam mangikang ra rondo' bansa' kapoam pamarintaan,

JIRIMIA 30:9

Mangandoi kau ayuk Raki', Tuhan, i Aki Kapuuno' min, am mangandoi ayuk ra sangulun papag ri Daut ondo' lantikon Ku ra raja'.

JIRIMIA 46:26

am pataakon ilo ra ulun ondo' masaga' mamatoi risilo, iono Raja' Nibukadnijar intor ra Babilonia am saujor nano. Kaa' ra orou tauli no, ulun mayan poyo giu' ra Misir, koson ragili. Aku, Tuhan, nakaindagu noyo.”

SULABOI 5:21

Iou Tuhan, ibito' akai no sumaguli' Rirun; ibito' akai no sumaguli' Rirun! Patapulio' baal moonsoi mai koson ragili.

YEHEZKIEL 17:24

Ngaangai' puun tataun giu' ralalom ru pagun makapandai ra Aku noyo Tuhan. Tagaron Ku puun tataun ondo' masawat, am mambaal ra puun tataun ondo' magana' sumawat. Polonoton Ku puun tataun ondo' masansam, am mambaal ra puun tataun ondo' mapua' sumansam. Aku, Tuhan nakaindagu noyo. Suguton Ku ngaangai' ondo' rinagu Kuno.”

YEHEZKIEL 36:11

Ruangin Ku suang ru mamagun am bibiag tinambiag min. Suang mino gumayo poyo intor ragili. Mokoondo' kau ra anak masuang. Iowon Takamin mayan ra giu' koson ragili, am palangkayaan Takamin koson ra kalo igondo' mino nailian. Bagu no makapandai kau ra Aku noyo Tuhan.

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

OBAJA 1:17

“Kaa' giu' ra rasawat ru Bulur Sion, mokoondo' kukula' ngaulun ondo' maayag, am bulur no masauk ra intok ondo' matulai. Papag ri Jakub momolonggom ra tana' tinungkus nilo.

MIKA 5:2

Ginio ra nompoloso Tuhan ra ulun Nano kinuasa' ru pantula' saboi ruandu' ondo' maganak no makapaganak ra anak ungkuyon nano. Kopongo raginio ulun ralalom pamatiran tumimung saguli' mabaya' ra bansa' nilo.

MIKA 7:11

Mamagun ru Jirusalim kau ngai', bulintok koson mambaal saguli' ra timbok-timbok ru bandar nasuku' noyo. Paat raginio intok min kalangkaan.

MIKA 7:14

Iou Tuhan, alungi' noyo ulun Muno, ulun ondo' pinili' Muno. Kabalu' pana maalur inayanan nilo giu' ra tana' kaagisan, mokoondo' niayuk tana' ondo' malabung ra liliut nilo. Polosoo' noyo ilo makaalap ra akanon giu' ra padang-padang sakot ru Basan am Giliad, koson ondo' binaal nilo ra galing i.

MIKA 7:8

Pantula' takau kolondo' sasaban koson makaansuk ra naratuan takau. Kabalu' pana maratu' takau, kaa' tumirong takau saguli'. Raino soroi takau ralalom kalandaman, kaa' Tuhan mansilau ritakau.

JAKARIA 12:7

“Aku, Tuhan mangani' ra kamanangan ra saujor ru Jiuda galing, maa' raginio katulayan ondo' apuon ru papag ri Daut am mamagun ru Jirusalim kalo makasail ra katulayan ondo' apuon ru mamagun Jiuda ra bokon.

JAKARIA 14:10

Tana' giu' ra titikop ru pagun, intor ra bandar Giba giu' ra ralayo saboi ra Rimon giu' ra rabugus, masauk ra mabanis. Jirusalim sumawat toojo, masawat poyo intor ra tana' giu' ra libung nano; kinalangka' ru bandar no intor ra Kulobon Garabang Binjamin saboi ra Kulobon Garabang Pisuk, iono intok ru kulobon garabang ragili, am intor ra Manara Gananil saboi ra intok pamagaan ra kawa' ru anggur longgom ru raja'.

JAKARIA 6:12

Balai' io ra Aku, Tuhan Ondo' Maayo Kaga' Kuasa' mindagu, ‘Ulun ondo' sabiton ri Talantar nakasugut giu' ra intok sinarayan nano, am mambaal io saguli' ra Baloi ru Tuhan.

UNTABAN 24:18

Manguasa' io ra pantula' nano giu' ra Idom, am mapasauk ra tana' nilono ra io tatangan, am marayus Israil masauk ra pamanang.