AMOS 9:10 - Tanou Moonsoi Timugon

¹⁰ Ulun makatula ra gino ngai' ru ulun Kuno mindagu, ‘Kalo polosoon takau ri Aki Kapuuno' malumpa' ru karaat.’ Kaa' sotopot no potoyon ilo ralalom ru pangayawan.”

AMOS 9:10 ပူးပေါင်းရင်းမြစ်များ

MAZMUR 10:11

Pangkaraan ru ulun malaat, “I Aki Kapuuno' kalo mampalio! Kinorom ri Aki Kapuuno' mato Nano am kalo makakito ramon!”

MAMPATANOU 8:11

Masaga' toojo ulun mambaal ra kalaatan sabap ulun ondo' nambaal no kalo inukum ra mataki'.

JISAYA 33:14

Namagun ra Sion ondo' makatula monontol malaa'. Konilo, “Ukuman intor ri Aki Kapuuno' koson ra apui ondo' monolob ra sabuoi-buoi no. Mokoondo' kia osoi mabayag intor ra apui no?”

JISAYA 5:19

Mindagu kau, “Ilai' takau atan baalon ru Tuhan. Polosoon Io mataki' mambaal ra atan rinagu Nano. Polosoon noyo i Aki Kapuuno' ru Israil, i Aki kapuuno' ondo' matulai mapaugar ra inatang Nano.”

JISAYA 56:12

Mindagu ilo gagaukon no, ‘Pagiginum takau ra wain ra kasuang-suang! Susuab no moonsoi poyo ka raiti'.’ ”

JIRIMIA 18:18

Kon boo ru ulun, “Ibok no paguguum takau manggal ri Jirimia sabap itakau galama' mokoondo' ra imam ondo' makapangani' ra pangilaan, ulun mapintar makapangani' ra bilin, am nabi ondo' makapampasaboi ra tanou ri Aki Kapuuno' masalok soroi. Ibok no ibito' takau panguwan ri Jirimia, am lumonggo' mangkirongog ra ragu-ragu nano!”

JIRIMIA 23:17

Masalok ilo mindagu ra ulun ondo' marara' rumongog ra ragu Kuno, ‘Maayag kau.’ Konilo ra moonong ulun ondo' bambalingatan, ‘Kalo malumpa' kau ru karaat.’ ”

JIRIMIA 29:32

am nanusub ramuyun manggal Raki', am Aku pana mangukum riso am papag nano. Kolondo' papag nano ondo' mayan ra gino ngai' min. Kalo maayag io koson magilong ra baal-baal moonsoi ondo' baalon Ku ra ulun Kuno. Aku, Tuhan nakaindagu noyo.”

YEHEZKIEL 20:38

Inggion Ku ulun ondo' gumuor am makatula ra gino ngai' min. Ibiton Ku ilo mingkual intor ra pagun-pagun intok inayanan min raino, am kalo mangiou Aku risilo sumaguli' ra pagun ru Israil. Bagu no makapandai kau ra Aku noyo Tuhan.”

AMOS 6:1

Aibui boo ramuyun ondo' naayag ra matasu' giu' ra Sion, am akau ondo' maayag ra moonsoi giu' ra Samaria. Akau noyo ulun nauligan kaga' inggalan intor ra Israil, bansa' ondo' maayo; akau noyo ondo' ratangin ru mamagun koson makiindangan.

AMOS 6:3

Marara' kau mangiou ra orou ru karaat maar noyo, kaa' binaal min mampataki' ayuk ra ratangan ru orou makalalaa' no.

AMOS 9:8

Aku, Tuhan Raja', tatanga' mangimansa' ra pamarintaan ru Israil ondo' makatula ti, am pusoon Ku ginio intor ra tana' ti. Kaa' kalo pusoon Ku ngaangai' papag ri Jakub.

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

JAKARIA 1:6

Pinabala' galing ra nabi-nabi, ulipon Kuno, nampasaboi Aku ra susuban am pampakaraan Kuno ra kinamatuaan min. Kaa' kalo nampalio ilo raginio saboi musiti' mansaan ra kinibit nano. Kopongo raginio timinalikur ilo intor ra tula am nangiou ra Aku, Tuhan Ondo' Maayo Kaga' Kuasa', nangukum noyo risilo nontopot ra kasalaan nilo am nontopot ra nangaruan Kuno.”

MALIAKI 3:15

Itakau galama' makakito ra ulun malilimbau noyo ondo' maansukan. Ulun malaat kalo ayuk rumuang langkaya', kaa' niayuk mangkinam ilo ra guang tumaan ri Aki Kapuuno' ra mambaal ra malaat, am masalok ilo makalabus intor ra ukuman.’ ”

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.