AMOS 9:1 - Tanou Moonsoi Timugon

¹ Nakito ku Tuhan minigor ra sapapa' ru altar. Nangani' Io ra susuban ragitio, “Lambaa' kapuoro' toojo ulu ru lugu' giu' ra Baloi Kuno maa' raginio titikop ru langgar mapuyu'. Popolo' ulu-ulu ru lugu' no am polosoo' ngaangai' no maratu' ra rasawat ru ulu ru ulun. Ulun ondo' kalo matoi potoyon Ku ralalom pangayawan. Kolondo' sangulun pana makapagiru' koson mamayag ra inan.

AMOS 9:1 ပူးပေါင်းရင်းမြစ်များ

2 TUNUNG RU BANSA' ISRAIL 18:18

Kon poyo ri Mika, “Rongogo' noyo ragu ru Tuhan! Nakito ku Tuhan manturung giu' ra panturungan Nano giu' ra suruga', am ngaangai' ru malaikat Nano minigor ra liput Nano.

MAZMUR 68:21

I Aki Kapuuno' takano Tuhan ondo' mamayag; Io noyo mapalabus ritakau intor ra kapatayan.

MAZMUR 68:22

Ulu ru pantula' no popolon ri Aki Kapuuno', ilo ondo' marayus maayag ralalom ru tula.

JISAYA 30:16

Kaa' mangatang kau koson magiru' intor ra pantula' am kumura' ra kuda ondo' maribok. Sotopot no akau musiti' no magiru'! Indoson min kuda mino maribok, kaa' ulun mangingilou ramuyun no poyo maribok!

JISAYA 6:1

Paat ra bilor pinatayan ru Raja' Ujia, nakito ku Tuhan. Nanturung Io ra panturungan Nano ondo' masawat am matulai. Pompor ru sukub Nano nakalimpot pakataub ra Baloi ru Tuhan.

JIRIMIA 11:11

Ginio ra, Aku, Tuhan, nampakara' risilo ra porotongon Ku karaat risilo am kalo makapagiru' ilo intor raginio. Amon ru gumolok ilo makiindangan Raki', marara' Aku mangkirongog risilo.

JIRIMIA 42:16

pangayawan am bitilan ondo' kalaanin min mangilou ramuyun saboi ra Misir, am matoi kau ra giu' no.

JIRIMIA 48:44

Ulun ondo' mangkinam magiru' intor ra tontol raginio maratu' ra ralalom ru luang, am ulun ondo' mangkinam mingkual intor ra luang no makasubol ra ralalom ru jajaling, sabap ra Tuhan nangaru' noyo ra paat katutukan ru Moab.

YEHEZKIEL 1:28

ra batik-batik ru bulintung. Sinda manguliat no nanulu' ra ratangan ru Tuhan.

YEHEZKIEL 10:4

Sinda manguliat, ondo' tatandu' ratangan ru Tuhan mininsawat intor ra kirub-kirub no am mininsir mongoi ra kulobon subalan ra Baloi ru Tuhan. Kopongo raginio gaun nakatikop ra Baloi ru Tuhan, am liliut no nasauk ra matawang kaga'.

YEHEZKIEL 15:7

am mangukum risilo. Kabalu' pana nakalabus ilo intor ra apui, solobon ilo ra apui niayuk. Paat ra Aku mangukum risilo ra tauli no, bagu no makapandai kou ra Aku noyo Tuhan.

YEHEZKIEL 9:2

Pulusat ru onom ngaulun ungkuyon minatong intor ra tampilon ra liwar ru kulobon garabang Baloi ru Tuhan, am sigagama' nagibit ra kinandoi. Minaya' risilo sangulun ondo' nambayang ra linon am nagibit ra kuliamos koson manulis. Ilo ngaangai' minatong am minigor mamaar ra altar gangsa'.

AMOS 3:14

Paat ra orou Aku mangukum ra ulun ru Israil sabap ra tula nilo, pusoon Ku altar-altar giu' ra Bitil. Moonong altar pandakon sangau-sangau nano saboi maratu' ra tana'.

AMOS 7:17

gitio noyo ragu ru Tuhan, ‘Andu' muno masauk ra ulun mantalan ra inan giu' ra ralan-ralan ru bandar am anak-anak muno potoyon ralalom ru pangayawan. Tana' muno tatayaron am taakin ra ulun bokon; okou galama' matoi giu' ra pagun ru ulun ondo' kalo makaulig ri Aki Kapuuno'. Mamagun ru Israil maaru' ibiton ra pamatiran, maalur intor ra pagun nilo galama'.’ ”

AMOS 7:9

Intok-intok ondo' pakayon ru papag ri Isak koson sumambayang umokon. Intok-intok mapasau ru ulun ru Israil maangun ra natuyas. Pupusin Ku pamarintaan ru sasambaloi ru Raja' Jirobiam.”

ABAKUK 3:13

Miningkual Kou koson mamayag ra ulun Muno, koson mamayag ra raja' pinili' Muno. Namparatu' Kou ra tingganai ru ulun malaat, am namuso ra ngaangai' maamaya' nano.

JIPANYA 1:12

“Paat raginio alapon Ku lampung am uliaton bandar Jirusalim. Ukumin Ku mamagun nano ondo' najala' am mangintopot ra inan galama', am ondo' mindagu, ‘Tuhan kalo igondo' nambaal koson ragitio am raginio.’

JIPANYA 2:14

Giu' no bibiag tinambiag am ngaangai' salinut ru bibiag magupu'. Susuit puok manabunsut giu' ra intok nalunsai no am manimpakaak intor ra gigimpalan. Susuit bangkaak manimpakaak giu' ra lugu' ru kulobon. Tataun sidar ra baloi-baloi ru bandar no koyoon iruo'.

JUANIS 1:18

Kolondo' sangulun pana nakakito ri Aki Kapuuno'. Kaa' Anak Langkuir ri Ama' ayuk, ondo' mogondo' Riso am rondo' guang Riso, Io nampaintalang ri Aki Kapuuno'.

JUANIS 1:32

Nampaintutun poyo i Juanis, kono, “Nakito ku Ambiluo ri Aki Kapuuno' timinuun Riso koson ra susuit asang intor ra limbowon, am siminoroi Riso.

RINALATAN 26:13

Raja' Agripa, paat ra aku nangkiralan ra io tanga' ru orou ragili, mokoondo' pulusat silau intor ra limbowon ondo' mapaang kaga' intor ra mato ru orou. Silau i liminiput raki' am niayuk rangan-rangan kuli.

JOSUA 10:18

Indagu i Josua, “Luiro' batu mangaayo no ra kabang ru luang batu no. Pailayin ra kukula' ngaulun magalung ra giu' no,

PINAINTALANG 1:17

Paat ra nakito ku Io, pakalaub aku ra kalayam Nano koson ra ulun minatoi. Pabantaa' No boo kalindu' ra pamiris Nano raki' am indagu, “Pai' no kalaa'! Aku noyo talimpuun am Aku noyo pupus.

PINAINTALANG 8:3

Kopongo ragili ratong malaikat ra bokon ondo' nagibit ra pambulian ra kaminyan ondo' binaal intor ra mas, am bigor io ra saang ru panalaban no. Inanian io ra kaminyan masuang koson polotokon ra pakiasian ru ulun ri Aki Kapuuno' no. Solobon no boo ginio ra panalaban ra kaminyan ondo' binaal intor ra mas ondo' soroi ra saang ru takhta no.