AMOS 8:9 - Tanou Moonsoi Timugon

⁹ Masaboi paat ra Aku mangkinibit ra mato ru orou tumolop paat ra tanga' ru orou am tana' ti lumondom paat ra orou matawang. Aku, Tuhan Raja' nakaindagu noyo.

AMOS 8:9 ပူးပေါင်းရင်းမြစ်များ

AYUP 5:14

Paat ra matawang nalumpa' ilo ru kalandaman, saboi matukangkam koson ra paat molondom.

JISAYA 13:10

Moonong butitin am tinting ru butitin lumasa' sinda no. Mato ru orou lumondom bulintok sumirang am bulan kolondo' boo sinda.

JIRIMIA 13:16

Urumato' noyo Tuhan, i Aki Kapuuno' muno ra Io kalo poyo mamparatong ra kalandaman, am kalayam muno makasaru ra kagunungan; ra kalo poyo sinda ondo' lansanin min kulawon masauk ra molondom kaga'.

JIRIMIA 15:9

Ina' ondo' napusaan ra tulu' ngaulun anak nano ikab-ikab am malausan, koson riso mato ru orou nokotolop noyo buoi ru matawang; inasaban io am tinauyu'. Manusub Aku ra pantula' min mamatoi ra ulun ondo' lakat poyo naayag ra gino ngai' min. Aku, Tuhan nakaindagu noyo.”

YEHEZKIEL 32:7

Paat ra Aku mamuso rirun, siliin Ku limbowon am mampalasa' ra ngaangai' butitin. Mato ru orou libungin ru gaun, am bulan pana kolondo' boo sinda.

AMOS 4:13

Sotopot no, i Aki Kapuuno' ondo' nambaal ra kagunungan; Io niayuk nampasauk ra angin. Pinabala' No inatangan Nano ra ulun. Kinulau No matawang masauk molondom; giu' ra rasawat ru tampak-tampak ru tana' mugar Io, Tuhan i Aki Kapuuno' Ondo' Maayo Kaga' Kuasa', ginio noyo inggalan Nano.

AMOS 5:8

Nambaal Tuhan ra butitin-butitin giu' ra limbowon – butitin Orion am butitin Kartika. Kinulau No kalandaman nasauk ra sinda, am nangulau ra matawang nasauk ra molondom. Piniau No timug intor ra raat am timug no pinasasar ra lantur. Tuhan noyo inggalan Nano.

MIKA 3:6

“Nabi kau ngai', pupus ru kaayagan min mamaar noyo. Orou masauk molondom ramuyun. Ginio sabap ra akau nampalayau ra ulun Kuno, kalo makaapu kau ra pinaintalang kapoam pakitanan. Kalo boo makapanala' kau ra atan-atan ayuk.”

JAKARIA 14:7

kapoam kalandaman. Orou matawang ayuk, am niayuk paat ra rondom ti. Tuhan ayuk makapandai ra paat nano masauk.

MATIUS 24:29

“Kalo mabuoi malupus bulintok kapaganan raginio, mato ru orou lumondom, bulan kalo boo sumila' am butitin-butitin rumatu' intor ra limbowon, am ikang ru limbowon uyogon.

MATIUS 27:45

Paat ra tanga' ru orou, buoi talu nganjam pagun no liminondom.

MARKUS 15:33

Paat ra tanga' ru orou, buoi talu nganjam ngaangai' pagun no molondom.

LUKAS 23:44

Olo'-olo' jam koopor am ruo ra tanga' ru orou, ngaangai' ru pagun no liminondom buoi talu nganjam sabap ra mato ru orou kalo boo siminirang. Tabir makapal ondo' pinatair giu' ralalom Baloi Tuhan i narilak kapiruo.

PINAINTALANG 6:12

Kakito ku boo Anak Domba no nampalungkab ra segel koonom no. Ginio ra mogonggon boo tana' ti ra makalalaa' am mato ru orou liminitom koson ra konoon maitom am bulan liminia' koson ra raraa'.

PINAINTALANG 8:12

Malaikat kaapat no boo nanamput ra bujung. Sampitalu ru mato ru orou no, bulan no am butitin-butitin no nangakulau boo. Ioginio saboi sampitalu ru sinda nilai mairu' am sampitalu ru orou am rondom kolondo' sinda.