AMOS 8:5 - Tanou Moonsoi Timugon

⁵ Kamin, “Sanggilan kia maampus orou pangiantakan maa' raginio makapantalan takau poyo ra gandum? Mabuoi kaga' pangiantakan ti. Sanggilan kia sailan ru orou Sabat maa' raginio makapantalan takapo? Itakau pana makitaak ra masawat toojo logo. Pakayon takau panuku' am timbangan ondo' kalo motopot koson mamparuung ra ulun mambali.

AMOS 8:5 ပူးပေါင်းရင်းမြစ်များ

GOSIA 12:7

Ginio ra, akau papag ri Jakub, pangintopot kano ri Aki Kapuuno', am saguli' kano Riso. Kaayag kano ra matikop ra togom am baalo' ondo' matimpok, am inaani' ra guang tumaan saboi i Aki Kapuuno' min mimbuor.

IMAMAT 19:36

Pakayo' noyo batu timbangan, timbangan am tukuan ondo' motopot. Aku noyo Tuhan i Aki Kapuuno' min; nagibit Aku ramuyun miningkual intor ra pagun ru Misir.

JISAYA 1:13

Banangan min ayuk magibit ra taak mino. Jumool painawan kuno makaalok ra kaminyan ondo' solobon mino. Kalo boo matipagilong Aku ra akau mangiantak ra Sila' Bagu, orou Sabat am pantutuuman min ralalom sambayang. Ngaangai' no jinamalan ru tula mino.

AMSAL 20:23

Timbangan ra kalo matimpok, kasisangin ru Tuhan.

AMSAL 16:11

Kasaga' ru Tuhan timbangan am tutuku' ra motopot; pai' pamparuung bulintok mangindapu'.

AMSAL 11:1

Masisang Tuhan ra ulun ondo' pakuan no ra timbangan kalo motopot, kaa' maansukan Io ra ulun ondo' motopot pakuan no ra timbangan.

2 RAJA'-RAJA' 4:23

Pangkuot ralaki nano, “Kua kia musiti' mongoi ra orou raiti'? Orou raiti' sala' ka orou Sabat kapoam Pangiantakan ra Sila' Bagu.” Taam io, “Kalo pana.”

UNTABAN 10:10

Koson raginio niayuk paat ra akau munsag; paat pangiantakan Sila' Bagu am pangiantakan ra bokon, samputi' noyo bujung-bujung raginio paat ra akau mapataak ra taak simbalui koson mapabansuk ra guang Kuno am taak simbalui koson makibarakat Raki', am mangindangan Aku ramuyun. Aku noyo Tuhan, i Aki Kapuuno' min.”

JISAYA 58:13

Mindagu Tuhan, “Urumato' noyo orou Sabat koson ra orou ru Tuhan. Pai' pambaal ra kandoi koson kaatangan muno galama' ra orou raginio. Iantako' noyo orou raginio koson ra orou kaansukan; urumato' noyo orou ru Tuhan ra kalo saugar-ugar; pai' niayuk pangandoi kapoam mindagu ra kolondo' onong.

KOLOSI 2:16

Ginio ra pai' min rongogo' ulun ondo' mambaal ra aturan ru ati kia moonsoi akanon kapoam inumon, kapoam aturan ru pangiantakan, bulan bagu kapoam orou Sabat. Pai' kau pangkirongog ra ilo maguta' ra ngaangai' no kalo gagayaan min.

MALIAKI 1:13

Kamin, ‘Nasuraan akai no ra ngaangai' ti’, am nagasab kau Raki'. Nagibit kau ra bibiag ondo' tinakou, ondo' kimpo', kapoam ondo' marualan koson pataakon raki'. Indoson min kia apuon Ku taak raginio?

KAINGKUALAN 31:13

koson mambala' ra ulun ru Israil, “Iantakon orou Sabat, orou ondo' inaru' Kuno koson orou tangusan, sabap ra orou raginio iono rondo' tatandu' ru Aku am akau ra sabuoi-buoi no, koson manulu' ra Aku, Tuhan napasauk ramuyun ra ulun Kuno galama'.

1 SAMUIL 20:5

Taam i Daut, “Koson ragitio, susuab no Pangiantakan ra Sila' Bagu. Sotopot no aku ti musiti' maya' ra raja' no mangakan. Kaa' amon ru mangiou kou, mongoi aku pansibuni giu' ra padang saboi ra rondom ru malaas no.

JAKARIA 5:6

Nangkuot aku, “Atan kia ginio?” Taam io, “Rondo' bakul. Bakul no tatandu' ru tula ru titikop pagun ti.”

JAKARIA 5:8

Indagu malaikat no, “Ruandu' ti tatandu' ru kalaatan.” Kopongo raginio jinuulan no ruandu' raginio ra ralalom ru bakul am tinauban bakul no.

GOSIA 12:8

Indagu Tuhan ra ulun ru Israil, “Malaat kau koson ra ulun ru Kanaan. Ulun mantatalan min masaga' mamparuung ra ulun mambali ra timbangan ondo' kalo motopot.