AMOS 8:4 - Tanou Moonsoi Timugon

⁴ Rongog kano, akau ondo' nangimbolo' ra ulun ondo' natutusan am mamuso ra ulun musikin ra pagun ti.

AMOS 8:4 ပူးပေါင်းရင်းမြစ်များ

1 RAJA'-RAJA' 22:19

Kon poyo ri Mika, “Rongogo' ragu ru Tuhan! Nakito ku Tuhan manturung ra kurisi' Nano giu' ra suruga', am ngaangai' ru malaikat Nano minigor ra liput Nano.

AYUP 24:4

Nongompong kau ra ulun musikin mokoowot ra kuasa' nilo galama', ulun musikin pana nansibuni kalalaat.

MAZMUR 10:7

Ragu-ragu nilono nototop ra ulas, abau, am lolob; mataki' ilo manauyu' am masisang ra ulun.

MAZMUR 12:5

“Akai manguasa' ra kabang maiti. Mindagu akai maya' ra kasagaan ru guang mai; kolondo' sangulun pana makakau' mansawai ramon.”

MAZMUR 14:4

Pangkuot Tuhan, “Kalo kia nakapandai ngaangai' ulun malaat ti? Kaayagan nilo mantakou ra kuliamos ru ngaangai' ulun Kuno, am kalo igondo' pakiasi' Raki'.”

MAZMUR 140:12

Polosoon noyo ulun ondo' manimbaal ra ulun bokon kolondo' ampos, pai' polosoo' ulun ra manimbaal no mayan ra tana' ti.

MAZMUR 56:1

Ra tingganai ru santimungan maririmbai. Sumugut ra rimbai: Susuit Asang ra kalo naguta' minatong intor ra libung maalur. Mazmur ri Daut, paat ra ulun ru Palistin namparakop riso giu' ra Gat.

AMSAL 30:14

Mokoondo' ulun mamparuung ra ulun musikin am mapagon. Ginio noyo ralan nilo maguyum ra akanon.

JISAYA 1:10

Alii ra Jirusalim, tingganai am ulun muno koson boo ra ulun Sodom am Gomora. Rongogo' noyo ragu ru Tuhan no ramuyun. Guango' min pangilaan ri Aki kapuuno' takano.

JISAYA 28:14

Rongogo' noyo atan pinaragu ru Tuhan, akau magagasab ondo' namarinta ra ulun ru Jirusalim.

JIRIMIA 28:15

Aku pana nampasaboi boo ra ragu raginio ri Gananya, am indagu aku poyo, “Rongogo' noyo, okou Gananya! Kalo nanusub Tuhan rirun; nangkinibit kou ra bansa' ragitio mangintopot ra abau.

JIRIMIA 5:21

Rongog no, ulun kau ra sasambungon am iisan! Makamato kau kaa' kalo makakito; makatalingo kaa' kalo rumongog!

YEHEZKIEL 22:12

Mokoondo' ulun ondo' masauk ra ulun mamatoi ra bayarin. Mokoondo' ulun makatimung ra bunga' ru ruit intor ra gino ngai' ru ulun ru Israil. Masauk ilo ra langkaya' ra mamparuung ra ulun. Nakalilian ilo noyo Raki'.” Tuhan Raja' nakaindagu noyo.

YEHEZKIEL 45:10

“Moonong ulun musiti' mamakai ra timbangan am tutuku' ondo' motopot:

AMOS 5:11

Inimbolo' min ulun musikin am nampagaau ra gandum nilo. Ginio ra kalo mayan kau giu' ra ralalom ru baloi ondo' moonsoi intor ra batu, ondo' binaal min noyo. Kalo manginum kau ra wain intor ra umo ru anggur min ondo' moonsoi.

AMOS 5:12

Nakapandai Aku mapara' gayo ru tula min am mapara' suang ru kalaatan ondo' binaal min. Nangimbolo' kau ra ulun moonsoi, nangapu ra ruit rasua am nongompong ra ulun musikin intor ra makaalap ra katimpakan giu' ra pangakiman.

AMOS 7:16

Ginio ra rongogo' noyo ragu ru Tuhan. Sabap ra nanginggalar i Amajia raki' mindagu ra manala' manggal ra ulun ru Israil,

MIKA 2:2

Paat ilo mompogogot ra umo, gumaau ilo ra umo ru ulun bokon. Paat ra ilo mompogogot ra baloi, gumaau ilo ra baloi ru ulun bokon. Kolondo' sambaloi ru osoi pana, kapoam rapu' ru osoi pana ondo' mabayag.

MIKA 3:3

Tinolon min ngaangai' bansa' Kuno. Iningkulitan min ilo am pinandak min bungul nilo. Kual nilo tinotok min koson ra akau monotok ra kual ondo' ansakon ralalom ru pagangan ru tana'.

JAKARIA 5:6

Nangkuot aku, “Atan kia ginio?” Taam io, “Rondo' bakul. Bakul no tatandu' ru tula ru titikop pagun ti.”

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

JAKUBUS 5:6

Nangukum am namatoi kau ra ulun ondo' kolondo' sala, am kalo manggal ilo ramuyun.