AMOS 8:3 - Tanou Moonsoi Timugon

³ Paat ra orou raginio rimbai giu' ra istana masauk ra manulaboi. Baangkai mokoloso ra ngaangai' intok. Baangkai-baangkai no patirin ra sinokon.”

AMOS 8:3 ပူးပေါင်းရင်းမြစ်များ

MAZMUR 39:9

Palabuso' aku intor ra nansalinut tula kuno, am pai' aku polosoo' iison ru ulun sasambungon.

JISAYA 37:36

Kopongo raginio sangulun malaikat Tuhan minongoi ra nangkiman ru ulun ru Asyur am namatoi 185,000 ngaulun saujor. Katawang ra suabon no minatoi ilo ngaangai'!

JIRIMIA 22:18

Ginio ra minindagu Tuhan intor ra Raja' Joyakim anak ungkuyon ru Raja' Josia, intor ra Jiuda, “Kolondo' ulun manulaboi ra pinatayan nano; kolondo' ulun ondo' mindagu, ‘Alii boo ra rangan kuno, alii boo.’ Kolondo' ulun ondo' mantangi' kapoam gumolok, ‘Makalulumpus raja' kuno!’

SULABOI 2:10

Ulun matutuo giu' ra Jirusalim nanturung mongkoror ra tana', kaau pinatauk ra ulu am nambayang ra konoon karung. Ralaa-ralaa nampakuku' ra ulu saboi ra tana'.

JOIL 1:11

Akau ulun magitanom, pangiluk guang kano; akau ulun manangumo ra anggur, pantangi' kano, sabap ra gandum, barli, am ngaangai' tinanom napuso noyo.

JOIL 1:13

Akau imam-imam ondo' mangandoi giu' ra altar, pambayang kano ra konoon karung am pantangi' no. Umpos kano ra ralalom Baloi ru Tuhan am panulaboi kano ra mosorondom. Kolondo' boo gandum am wain koson pataakon ri Aki Kapuuno' min.

JOIL 1:5

Akau ondo' nagauk, tirong kano! Akau ondo' manginum ra wain, pantangi' kano! Wain ondo' baguon ginaau noyo intor ra kabang min.

IMAMAT 10:3

Indagu boo i Musa ri Arun, “Gitio noyo ondo' koon ru Tuhan paat Io mindagu, ‘Ngaangai' ulun ondo' mangandoi ayuk Raki' musiti' mangurumat ra katulayan Kuno. Pakitonon Ku katulayan Kuno ra moonong ulun Kuno.’ ” Kaa' mongkoror ayuk i Arun.

AMOS 4:10

“Atarin Ku maruol tumapik ramuyun koson ondo' inataran Ku giu' ra Misir. Potoyon Ku ulun mamulok min ralalom pangayawan am gaawon kuda min. Sosokon Ku pangkiman min ra baangkai ondo' owou no sumusuk ra arung. Kabalu' pana raginio, kalo niayuk sumaguli' kau Raki'.

AMOS 5:16

Ginio ra Tuhan Raja' Ondo' Maayo Kaga' Kuasa' mindagu, “Giu' ra ralan-ralan ru bandar, ulun manulaboi am mantangi' sabap mangiluk guang. Mulu' piboo ra ulun-ulun magitanom pana piawon koson maya' manulaboi mababaya' ra ulun ondo' ginajian koson manulaboi ra ulun minatoi.

AMOS 5:23

Langgai' min rimbai mino ondo' makausoso no; marara' Aku rumongog ra pangkulian ru jitor mino.

AMOS 6:4

Aibui boo ramuyun ondo' liminuya' ra intok kaalangan ondo' moonsoi kaga', am munsag ra mangakan ra kual ru anak sapi' am anak domba!

AMOS 6:5

Masaga' kau mambaal ra rimbai koson ondo' binaal ri Daut, am kulion min rimbai no ra jitor.

AMOS 6:8

Kinalasang ru Tuhan Raja' Ondo' Maayo Kaga' Kuasa' nampakara' ragitio, “Masisang Aku ra kinalimbau ru ulun ru Israil; masisang Aku kaga' ra baloi moonsoi nilo. Pusor bandar nilo am ngaangai' ondo' soroi ra giu' pataakon Ku ra pantula'.”

AMOS 8:10

Pangiantakan mino saukon Ku ra panguliran, am rimbai maantak min saukon Ku ra manulaboi. Mangkinibit Aku ramuyun mompolompor ra abuk, am mambayang ra konoon karung koson tatandu' mangiluk guang. Masauk kau koson ra ina' ama' ondo' manulaboi ra pinatayan ru anak ungkuyon langkuir. Orou raginio pupusin ra kangilukan ondo' makapari' ra guang.

NAGUM 3:3

Pulalai mangkuda mamulunsar ra guang maantak, ilang manguliat am tutura' makapiniat. Ulun ondo' matoi kalo mauntob, baangkai nilo satuntur-tuntur, mangkinibit ra ulun makasaru.

JIPANYA 1:7

Orou ru Tuhan mamaar noyo. Paat ra orou raginio mangakim Io ra ulun; ginio ra pongkoror no giu' ra saang Nano. Tatanga' Tuhan tumampos koson manimbalui ra ulun Nano koson ra bibiag simbaluyon koson ra taak simbalui, am mangkimait Io ra pantula' koson mantakou ra Jiuda.