AMOS 8:2 - Tanou Moonsoi Timugon

² Nangkuot Tuhan, “Amos, atan kia nakito muno?” Taam aku, “Kikinawa' giu' ra ralalom ru bakul.” Indagu Tuhan raki', “Pupus ru ulun Kuno Israil nasaboi noyo. Kalo boo mangulau Aku ra guang Kuno; ukumin Ku ilo.

AMOS 8:2 ပူးပေါင်းရင်းမြစ်များ

KASAUKAN 6:13

Indagu i Aki Kapuuno' ri Nuu, “Inaru' Ku noyo ra pupusin Ku kaayagan ru ngaangai' ulun. Ilo ngaangai' pusoon Ku sabap tana' ti napanu' ra kalaatan nilo.

JISAYA 28:4

Kuasa' ru tingganai-tingganai ondo' malilimbau no tumalimpuun malulu' am matatak. Pupus nilono koson ra kawa' ru nunuk ondo' maansak ra kalo poyo masuku' bulintok no; makito ayuk ru ulun, kawa' no upuon am akanon.

JIRIMIA 40:10

Aku galama' mayan ra Mijpa, am aku manampilon ramuyun ngaangai' paat ra ulun ru Babilonia matong. Pabukat kau ngaangai' ayan no ra pekan-pekan am pambuli ra wain, kikinawa', am umau ru jaitun.”

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”

SULABOI 4:18

Masalok pantula' magilong ramon, saboi kalo makaingkual akai ra ralan. Patayan mai mamaar noyo, sabap ra kaayagan mai mapupusan noyo.

YEHEZKIEL 12:23

Ginio ra balai' ilo ra Aku, Tuhan Raja' nangani' ra taam ragitio: Pusoon Ku panginuuyan no saboi kalo boo raguon giu' ra Israil. Kaa' balai' ilo ra nasaboi noyo paat ra ragu-ragu manala' no masauk.

YEHEZKIEL 29:8

Ginio ra Aku, Tuhan Raja' mindagu ramuyun, ra porotongon Ku ulun koson mamulunsar ramuyun ra ilang. Mamatoi ilo ra mamagun am bibiag tinambiag min.

YEHEZKIEL 3:10

Rinayus ri Aki Kapuuno' ragu Nano, “Okou ulun mapandai matoi, ilai' toojo, am karaa' noyo ngaangai' ondo' raguon Kuno rirun.

YEHEZKIEL 3:7

Kaa' kolondo' sangulun pana ra gino ngai' ru ulun ru Israil rumongog rirun sabap ra marara' ilo rumongog raki'. Ngaangai' nilo bambalingatan am masaga' manggal.

YEHEZKIEL 7:6

Ngaangai' no pupusin. Gitio noyo kapusaan muno. Kolondo' boo kalansanan muno.

YEHEZKIEL 8:12

Pangkuot boo i Aki Kapuuno' raki', “Okou ulun mapandai matoi, nakito mu kia atan ondo' tatanga' baalon ru tingganai ru Israil ra sininok? Ilo ngaangai' sumambayang giu' ra ralalom ru lamin ondo' nososok ra sinungkalalaing am sasaban ra kalo makito Ku ilo am nangiruan Aku noyo ra pagun ti.”

YEHEZKIEL 8:17

Indagu Tuhan raki', “Okou ulun mapandai matoi, nakakito kou kia raginio? Mamagun ru Jiuda kalo poyo najala' ra binaal nilo ondo' makauyuyu' kapoam kalaatan ondo' binaal nilo ra titikop ru pagun ti. Inambai nilo nambaal ra ngaangai' no ragiti niayuk, ralalom ru Baloi Kuno am nampasangit poyo boo Raki'. Ilai' ati kulaan ilo magasab Raki' ra ralan ondo' makauyuyu' kaga'!

YEHEZKIEL 8:6

Indagu i Aki Kapuuno' raki', “Okou ulun mapandai matoi, nakito mu kia atan tatanga' masauk? Ilai' binaal makauyuyu' ondo' binaal ru ulun ru Israil, ondo' napainggalur poyo boo Raki' intor ra intok Kuno ra mapasau. Makakito kou poyo ra baal-baal ondo' makauyuyu' poyo kaga'.”

GOSIA 9:7

Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.

AMOS 7:8

Nangkuot Io raki', “Amos, atan kia nakito muno?” Taam aku, “Rondo' kalat panuku' ondo' maawar ra mabanis.” Io pana mindagu boo, “Namakai Aku ra kalat panuku' ondo' maawar ra mabanis ti koson manulu' ra ulun Kuno koson ra timbok ondo' kalo mabanis. Kalo boo kulawon Ku guang Kuno; ukumin Ku ilo.

AMOS 8:1

Nakaalap aku ra rondo' poyo napakitanan intor ra Tuhan Raja'. Nakito ku kikinawa' giu' ra ralalom ru bakul.

MIKA 7:1

Kolondo' boo kalansanan! Koson aku ra ulun maitilan ondo' kalo nakatuum ra kawa' ra puun kapoam kawa' ru anggur ra puun nano. Ngaangai' kawa' ru anggur am kawa' ru puun ara ondo' maamis inupu' noyo koyoo'.

JAKARIA 5:2

Nangkuot malaikat no ra atan ondo' nakito kuno. Taam aku, “Nakito ku rondo' naskhah rinulun nansiab giu' ra limbowon. Gawar nano siam ngamito am pila' nano apat ngamito am naintanga'.”