AMOS 8:14 - Tanou Moonsoi Timugon

¹⁴ Ulun ondo' magibot ralalom inggalan ru sinungkalalaing ru Samaria, am mindagu, ‘Ralalom inggalan ru dewa giu' ra Dan’ kapoam ‘Ralalom inggalan ru dewa giu' ra Birsyiba’, maratu' am kalo boo makatirong.”

AMOS 8:14 ပူးပေါင်းရင်းမြစ်များ

1 RAJA'-RAJA' 12:32

Raja' Jirobiam niayuk namuun ra rondo' pangiantakan ru ugama paat ra orou koopor am limo ra sila' kabalu', koson ra pangiantakan giu' ra Jiuda. Giu' ra rasawat ru altar ra Bitil, nampataak io ra taak ra ngaangai' sinungkalalaing ru sapi' mas ondo' binaal nano. Raja' Jirobiam nampaayan ra imam-imam giu' ra Bitil, iono imam-imam ondo' mangandoi ra intok-intok sambayangan ondo' binaal nano.

1 RAJA'-RAJA' 14:16

Mangiruan Tuhan ra Israil, sabap ra makatula noyo Raja' Jirobiam am nangkinibit ra ulun ru Israil makatula.”

1 RAJA'-RAJA' 16:24

Kopongo raginio nambali Raja' Omri rondo' bulur intor ra sangulun ondo' inggalan nano i Simir ra logo no 6,000 ngampila' ruit pirok. Piniot no bulur no am nambaal ra rondo' bandar ra giu' no. Raja' Omri nanginggalan ra bandar no Samaria, maya' ra inggalan ri Simir, tatangan ra bulur no ragili.

2 RAJA'-RAJA' 10:29

Kaa' io niayuk minaya' ra tula ru Raja' Jirobiam ondo' nangkinibit ra Israil makatula sabap sumamba ra sapi' mas ondo' binaal no giu' ra Bitil am giu' ra Dan.

2 TUNUNG RU BANSA' ISRAIL 36:16

Kaa' kinuli-kuli nilo ulun-ulun sinusub ri Aki Kapuuno' no, kalo nampalio ra ragu Nano, am nakakurit ra nabi-nabi Nano. Pupus no, siminangit kaga' Tuhan risilo saboi kolondo' boo ralan mingkual koson mapalabus ra ulun Nano intor ra ukuman Nano.

MAZMUR 140:10

Pai' polosoo' pantula' kuno mamanang, kaa' polosoon noyo ragu malaat nilono lumumpa' risilo galama'.

MAZMUR 36:12

Pai' polosoo' ulun malilimbau mongoi bulunsar raki' kapoam ulun malaat mangkinibit ra aku magiru'.

AMSAL 24:16

Kabalu' pana ulun mabanis guang ruruli' maratu', tumirong ilo saguli'. Kaa' ulun malaat matutuk ru karaat.

AMSAL 29:1

Amon ru sangulun gumaai mokotog guang ra moonong sawayon, sangarawan matutuk io ondo' kalo boo makatapuli'.

JISAYA 24:20

Tana' ti makasiling koson ra ulun nagauk, am mauyog koson ra kalukub natiu' ru bagiu'. Tana' ti maluyu' sabap tula nano maagat, am matutuk boo am kalo boo tumirong saguli'.

JISAYA 43:17

Pinuso No pulalai ru saujor ra masuang; pulalai ru kurita' kuda am pulalai manangkuda. Maratu' ilo, kalo boo makasukal; matoi ilo koson ra sumbu' nalasa'.

JIRIMIA 25:27

Tuhan pana mindagu boo raki', “Balai' ngaangai' ulun no ra Aku, Tuhan Ondo' Maayo Kaga' Kuasa', i Aki Kapuuno' ru Israil, nanusub risilo manginum suku' magauk am mampalua'. Maratu' ilo am kalo boo makatirong saguli' sabap ra pangayawan ondo' porotongon Kuno risilo.

JIRIMIA 51:64

Balai' ilo ra koon raginio noyo pupus ru Babilonia. Malinjob Babilonia am kalo noyo boo sumalula', sabap ra kapusaan ondo' porotongon ru Tuhan riso.” Ragu-ragu ri Jirimia polos ragiti.

GOSIA 10:5

Mamagun ru bandar Samaria malaa' am nangulir sabap ra natatakan ra sapi' mas giu' ra Bitil. Ilo am imam-imam ondo' nangandoi ayuk ra sapi' mas mantangi'. Gumolok ilo paat ra katulayan ru sinungkalalaing no lumiot.

GOSIA 13:2

Riminayus-rayus ilo nambaal ra tula am nambaal ra sinungkalalaing ru logam koson sambaan – sinungkalalaing intor ra pirok, ondo' inatang ru utok ru ulun am binaal ru kalindu' ru ulun. Konilo boo, “Pataako' noyo taak simbalui ra sinungkalalaing ti!” Imuagon, mangalok ulun ra sinungkalalaing anak ru sapi'!

GOSIA 4:15

“Kabalu' pana akau, ulun ru Israil kalo gumagaya' Raki', akau no poyo Jiuda pai' pambaal koson raginio. Pai' ongoi sambayang giu' ra Gilgal, kapoam giu' ra Bitil. Pai' baalo' bantu'-bantu' ra giu' no ralalom inggalan ru Tuhan ondo' naayag.

AMOS 5:1

Rongog kano, akau ulun ru Israil! Rimbayin Ku akau ra rimbai panguliran:

AMOS 5:2

Israil, anak ralaa no naratu' noyo, kalo boo makaluat io! Polosoon io makaluya' ra tana' nano galama', kolondo' osoi pana mangindangan riso migor.

AMOS 5:5

Pai' ongoi ra Birsyiba koson sumambayang. Pai' paguyum Raki' giu' ra Bitil sabap ra Bitil lumiot. Pai' ongoi ra Gilgal, sabap ra mamagun ru bandar no patirin ra pagun.”

MIKA 1:5

Ngaangai' baal no masauk sabap ra ulun ru Israil makatula noyo am giminuor ri Aki Kapuuno'. Osoi nua' pinalansan ra guor ru Israil? Samaria, pusor ru bandar nano galama'! Osoi nua' pinalansan ondo' sumamba ra sinungkalalaing giu' ra Jiuda? Jirusalim!

JIPANYA 1:5

Pusoon Ku osoi ayuk ondo' magaloi ra taap koson sumamba ra mato ru orou, sila' am butitin-butitin. Pusoon Ku niayuk ulun ondo' sumamba Raki' am magibot ra gumagaya' Raki', kaa' niayuk magibot ralalom inggalan ru Dewa Milkom.

RINALATAN 18:25

Inila' io no ra pangilaan intor ra Tuhan. Mapirot io toojo mampasaboi pangilaan ri Jisus ondo' motopot, kaa' koson ra pampariwan, pangilaan ri Juanis ayuk napandayan nali.

RINALATAN 19:23

Paat ragili, kumuliangi-angi ulun giu' ra Ipisus sabap ra pangilaan intor ri Jisus ti.

RINALATAN 19:9

Kaa' mokoondo' intor risilo i mokotog guang am kalo nangintopot, am nagasab ilo poyo ra pamayagan ri Aki Kapuuno' ra saang ru ulun masuang. Ginio ra i Paulus pana nangiruan risilo am ibito' no ulun ondo' nangintopot noyo ri Jisus am moonong orou nangila' io risilo giu' ra intok igigilaan ri Tiranus.

RINALATAN 24:14

Mangiou aku rirun: Sumamba aku ri Aki Kapuuno' ru kinamatuaan mai maya' ra pangilaan ri Jisus, ondo' karaan nilo ra kalo motopot. Kaa' lakat aku ayuk poyo mangintopot ra ngaangai' ondo' tinulisan ra Ukum ri Musa am Kitab ru Nabi-Nabi.

RINALATAN 9:2

am nakitaak ra surat kuasa' koson patalangon ra tingganai ru baloi sambayangan ru ulun ru Jaudi giu' ra Damsyik. Koson ragino, amon ru makatuum io ra maamaya' ru Tuhan, ungkuyon kapoam ruandu', rokopon no am ibiton ilo ra Jirusalim.

SAGULION 33:11

Iou Tuhan, indangano' noyo bansa' nilo masauk ra maikang, gama' ru maansayan kou ra kandoi nilo. Tutuko' noyo ngaangai' pantula' nilo, polosoo' noyo pantula' nilo kalo lumuat saguli'.”

SAGULION 9:21

Inalap ku kuliamos jajajou ondo' binaal min noyo, iono sapi' intor ra logam, am pinatiran ginio ralalom ru apui. Kopongo raginio pinilang-pilang am inumok ku nasauk ra kaau, am pinatiran ralalom ru sungoi ondo' timinilis intor ra gunung no.