AMOS 8:11 - Tanou Moonsoi Timugon

¹¹ Masaboi paat ra Aku mamparatong ra bitilan ra pagun ti. Ulun maitilan, kaa' kalo maitilan ra akanon. Ulun paason, kaa' kalo paason ra timug. Ilo maitilan am paason ra tanou intor ra Tuhan. Aku, Tuhan Raja' nakaindagu noyo.

AMOS 8:11 ပူးပေါင်းရင်းမြစ်များ

MAZMUR 74:9

Nabi-nabi am baal-baal makaimuag kalo boo makito, am kolondo' sangulun pana makapandai sanggilan pupus ru babaal ragitio.

1 SAMUIL 3:1

Liliwa' raginio, i Samuil ondo' lalaing ayuk poyo, tatanga' mangandoi ayuk ra Tuhan no inalungan ri Ili. Paat raginio sanganuan ayuk toojo mokoondo' ra ragu am intalangan intor ra Tuhan.

2 TUNUNG RU BANSA' ISRAIL 15:3

Nabuoi noyo Israil kalo nangandoi ayuk ri Aki Kapuuno' ondo' motopot, kolondo' imam-imam ondo' mangila' risilo, am kolondo' ukum.

1 SAMUIL 28:6

Nangkuot io ra Tuhan intor ra atan musiti' baalon nano. Kaa' Tuhan kalo timinaam, iou pana ra inupi, kapoam ra Urim am Tumim, kapoam ra pinabala' galing ra nabi.

YEHEZKIEL 7:26

Karaat am tanou malaat matong kalo lulumonggo'. Paat raginio makitaak kau ra nabi-nabi koson mambala' ra pinaintalang, kaa' papalo min ayuk. Imam-imam kolondo' atan-atan pailaan ra ulun, am ulun matutuo nakayaan ra bilin.

MATIUS 9:36

Paat ra Io magilong ra ulun masuang no, makaasi' Io toojo risilo, sabap ra ilo ti mangalaa' am mangalawo koson ra domba kolondo' magagalung.

MIKA 3:6

“Nabi kau ngai', pupus ru kaayagan min mamaar noyo. Orou masauk molondom ramuyun. Ginio sabap ra akau nampalayau ra ulun Kuno, kalo makaapu kau ra pinaintalang kapoam pakitanan. Kalo boo makapanala' kau ra atan-atan ayuk.”

1 SAMUIL 28:15

Kon ri Samuil ra Raja' Saul, “Kua ulisoo' mu aku am nampiau saguli' raki'?” Taam Raja' Saul, “Aku ti ralalom ru kapaganan maayo! Ulun-ulun ru Palistin mamulunsar raki', am i Aki Kapuuno' no nangiruan noyo raki'. Kalo boo tumaam Io raki', iou kia pinabala' galing ra nabi kapoam inupi. Ginio sabap ra aku nampiau rirun, maa' raginio mambala' kou raki' ra atan musiti' kuno baalon.”

JISAYA 5:6

Polosoon ku tuwin io ru alab. Puun ru anggur kalo boo indaanin ku kapoam intawangin ku. Kaa' polosoon ku malungkutan ru kusingan. Ompolon ku poyo gaun maa' raginio kalo mamparatu' io ra rasam.”

AMSAL 29:18

Bansa' ra kolondo' indangan ri Aki Kapuuno' masauk ra bansa' kumuliasou-asou. Pakaansuk noyo ulun ondo' gumagaya' ru ukum ri Aki Kapuuno'.

GOSIA 2:3

Kalo makaasi' Aku ramuyun, anak-anak nano; akau inanak intor ra pantalanan ra inan.