AMOS 8:10 - Tanou Moonsoi Timugon

¹⁰ Pangiantakan mino saukon Ku ra panguliran, am rimbai maantak min saukon Ku ra manulaboi. Mangkinibit Aku ramuyun mompolompor ra abuk, am mambayang ra konoon karung koson tatandu' mangiluk guang. Masauk kau koson ra ina' ama' ondo' manulaboi ra pinatayan ru anak ungkuyon langkuir. Orou raginio pupusin ra kangilukan ondo' makapari' ra guang.

AMOS 8:10 ပူးပေါင်းရင်းမြစ်များ

KASAUKAN 21:16

panturung io boo olo'-olo' maatus ngamito galur i. Kon ru guang nano, “Kalo tumaan aku magilong ra anak kuno matoi.” Io pana nantangi'.

AYUP 20:23

Paat ra ilo mangakan ra ngaangai' ondo' kasagaan nilo, sumangit i Aki Kapuuno' am mangukum risilo.

AYUP 3:5

Sauko' noyo orou raginio malaut, am matikop ru kalandaman; taubi' orou raginio ra gaun, am silii' sinda mato ru orou.

AYUP 30:31

Ragili mangkirongog aku ra miujik ru kaansukan, kaa' raino tangi' ra suloboyon ayuk boo.

JISAYA 3:24

Ragino nagumau ilo ra umau maamis owou, kaa' maagu no moonsor. Abot nilo ra malumis aligin ra abot makalas. Ulu nilo ra makaabuk moonsoi masauk mambulut. Bayang nilo ra mongoonsoi aligin ra konoon mangalaat ondo' makauyuyu'!

JIRIMIA 2:19

Kalaatan muno galama' ondo' mangukum rirun; maimbolo' kou sabap ra nangiruan Raki'. Makaliman kou ra mapara' boo pait no am sala no nangiruan Raki', Tuhan, i Aki Kapuuno' muno, am kalo boo gumagaya' Raki'. Aku, Tuhan Raja' Ondo' Maayo Kaga' Kuasa' nakaindagu noyo.”

JIRIMIA 48:37

Ilo ngaangai' nangaur ra abuk am jangut, namilat ra kalindu', am nambayang ra karung koson tatandu' mangiluk guang.

JIRIMIA 6:26

Indagu Tuhan ra ulun Nano, “Pambayang no ra konoon karung am pagiluir no ra kaau. Pangulir no am panulaboi no ra malumpus koson ra ulun manulaboi ra pinatayan ru anak ungkuyon ondo' langkuir, sabap ra io mampaluus no mamulunsar ramuyun ra mamulali'.”

SULABOI 5:15

Kaansukan nairu' noyo ra ralalom ru kaayagan mai, sayau nakulau nasauk ra panguliran.

YEHEZKIEL 7:18

Mambayang ilo ra konoon karung am ngaangai' inan nilo monontol. Abuk nilo lamparin, am ilo ngaangai' tauyuon.

YEHEZKIEL 7:2

“Okou ulun mapandai matoi, Aku, Tuhan Raja' masaga' mindagu ra pagun ru Israil: Gitio noyo kapusaan ru titikop pagun!

GOSIA 2:11

Pusoon Ku puun-puun ru anggur am puun-puun ru ara nano ondo' sumugut riso iono gaji' ru binaal nano ra ambai-ambai nano. Kulawon Ku umo ru anggur am umo ru ara nano masauk ra kataunan, am ngaangai' no pusoon ru bibiag masigo.

GOSIA 2:13

Indagu Tuhan, “Ibiton Ku poyo io ra tana' kaagisan. Giu' no, ambion Ku io ra ragu-ragu maamis.

JOIL 1:8

Akau ngaangai' ulun, pantangi' kano, koson ra ralaa ondo' nanulaboi ra pinatayan ru tamung nano.

IMAMAT 13:40

Amon ru naampakan sasangulun ungkuyon tampilon ra saang am tampilon ra bakulung ru ulu nano, kalo majamol ulun no.

AMOS 5:21

Indagu Tuhan, “Masisang Aku am mampalua' ra pangiantakan ru ugama min; nasuraan Aku magilong raginio!

AMOS 5:23

Langgai' min rimbai mino ondo' makausoso no; marara' Aku rumongog ra pangkulian ru jitor mino.

AMOS 8:3

Paat ra orou raginio rimbai giu' ra istana masauk ra manulaboi. Baangkai mokoloso ra ngaangai' intok. Baangkai-baangkai no patirin ra sinokon.”

NAGUM 1:10

Akau magauk solobon koson ra rami ondo' mapua', koson ra bulungkut makaruui ondo' nanririlit.

JAKARIA 12:10

Mangani' Aku ra papag ri Daut am mamagun ru Jirusalim ra guang ondo' masaga' makaasi' am masaga' makiasi'. Magilong ilo ra ulun ondo' tinobok nilo, am manulaboi riso koson ra ulun ondo' manulaboi ra pinatayan ru anak langkuir. Manulaboi ilo ra malumpus guang, koson ra ulun ondo' natatakan ra anak ungkuyon katuaan.

SAGULION 16:14

Pakaansuk noyo mabaya' ra anak-anak mino, mangngandoi mino, ulun ru Liwi, ulun bansa' ru bokon, anak nailusan ra matuo am napuor ondo' minayan giu' ra bandar-bandar min.