AMOS 7:9 - Tanou Moonsoi Timugon

⁹ Intok-intok ondo' pakayon ru papag ri Isak koson sumambayang umokon. Intok-intok mapasau ru ulun ru Israil maangun ra natuyas. Pupusin Ku pamarintaan ru sasambaloi ru Raja' Jirobiam.”

AMOS 7:9 ပူးပေါင်းရင်းမြစ်များ

KASAUKAN 46:1

Tomposo' ri Jakub ngaangai' kuliamos nano am ongoi ra Birsyiba, intok nano mapataak ra taak simbalui nano ri Aki Kapuuno' ru ama' nali i Isak.

2 RAJA'-RAJA' 14:24

Makatula Raja' Jirobiam ra Tuhan, sabap minaya' ra binaal ru Raja' Jirobiam anak ri Nibat, raja' ra nakapagulu i, ondo' nangkinibit ra ulun ru Israil makatula.

JISAYA 63:18

Akai ulun Muno ra mapasau ininggalaran ru pantula' mai sangkinolor. Manginjang-nginjang ilo ra Baloi Muno,

JIRIMIA 51:51

Kamin, ‘Inasaban am tinauyu' akai; totopot akai kalo maikang sabap ra ulun bansa' ru bokon minayan ra lamin-lamin matulai giu' ra Baloi ru Tuhan.’

YEHEZKIEL 6:3

Susubo' gunung-gunung ru Israil rumongog ra ragu ru Tuhan am magilong ra baal ondo' paraguon Kuno, Tuhan Raja' ra gunung, bulur, tana' marata' ra lolot ru gunung-gunung am limayak. Atarin Ku ilang koson mamuso ra intok-intok sumamba ra sinungkalalaing.

GOSIA 10:8

Intok-intok ru ulun ru Israil sumamba ra sinungkalalaing giu' ra tampak ru bulur giu' ra Bitil pusoon. Bulungkut makaruui am niayuk sakot mampalungkut ra altar-altar nilo. Ulun pana gumolok ra gunung-gunung, “Sibunio' akai!” am ra bulur-bulur, “Ratu' no ramon!”

AMOS 3:14

Paat ra orou Aku mangukum ra ulun ru Israil sabap ra tula nilo, pusoon Ku altar-altar giu' ra Bitil. Moonong altar pandakon sangau-sangau nano saboi maratu' ra tana'.

AMOS 5:5

Pai' ongoi ra Birsyiba koson sumambayang. Pai' paguyum Raki' giu' ra Bitil sabap ra Bitil lumiot. Pai' ongoi ra Gilgal, sabap ra mamagun ru bandar no patirin ra pagun.”

AMOS 7:11

Kono, ‘I Jirobiam matoi ralalom pangayawan, am ulun ru Israil ibiton ra pamatiran, maalur intor ra pagun nilo galama'.’ ”

AMOS 7:13

Pai' boo raguo' manala' ragiti ra Bitil. Bandar ti tayar ayuk ru raja' sumambayang, iono intok sambayangan ru pagun.”

AMOS 8:14

Ulun ondo' magibot ralalom inggalan ru sinungkalalaing ru Samaria, am mindagu, ‘Ralalom inggalan ru dewa giu' ra Dan’ kapoam ‘Ralalom inggalan ru dewa giu' ra Birsyiba’, maratu' am kalo boo makatirong.”

AMOS 9:1

Nakito ku Tuhan minigor ra sapapa' ru altar. Nangani' Io ra susuban ragitio, “Lambaa' kapuoro' toojo ulu ru lugu' giu' ra Baloi Kuno maa' raginio titikop ru langgar mapuyu'. Popolo' ulu-ulu ru lugu' no am polosoo' ngaangai' no maratu' ra rasawat ru ulu ru ulun. Ulun ondo' kalo matoi potoyon Ku ralalom pangayawan. Kolondo' sangulun pana makapagiru' koson mamayag ra inan.

MIKA 1:5

Ngaangai' baal no masauk sabap ra ulun ru Israil makatula noyo am giminuor ri Aki Kapuuno'. Osoi nua' pinalansan ra guor ru Israil? Samaria, pusor ru bandar nano galama'! Osoi nua' pinalansan ondo' sumamba ra sinungkalalaing giu' ra Jiuda? Jirusalim!